व्यंग्यकार नरेंद्र कठैत जी लम्पट ललित मोदी से भयंकर नाराज !

Best  Harmless Garhwali Literature Humor  on Lalit Modi Fraud  , Garhwali LiteratureComedy Skits on Lalit Modi Fraud  , Garhwali Literature  Satire on Lalit Modi Fraud   , Garhwali Wit Literature on Lalit Modi Fraud  , Garhwali Sarcasm Literature on Lalit Modi Fraud  , Garhwali Skits Literature on Lalit Modi Fraud  , Garhwali Vyangya on Lalit Modi Fraud  , Garhwali Hasya 
on Lalit Modi Fraud 

                    गढ़वाली के महान व्यंग्यकार नरेंद्र कठैत जी  लम्पट ललित मोदी से भयंकर नाराज ! 

                                        चबोड़ , चखन्यौ , चचराट   :::   भीष्म कुकरेती 

              झूठिस्तान टाइम्स नाउ का खबरचीन बड़बोला खरबनबीस अर्णव गोस्वामी का कुत्ता तै दारु पिलैक पता लगाइ बल अब अर्णव गोस्वामी महाभारत तर्ज पर एक लाइव सीरियल बणांण वळ च बल जैक नाम होलु -ललितगेट।  अर्णव गोस्वामी तै भर्वस च कि लाइव युद्ध आधारित लाइव रियलिटी शो  से टाइम्स नाउ कि ज्वा लुटिया डूबीं च वा ललित गेट सीरियल से ठीक तो नि होली किन्तु टाइम्स नाउ की नाव छाल पर आणो आसार तो ह्वेइ जाला । 

                                  लोग अपण बिरणो तैं नि पछ्याणणा छन 

          सरासर झूठो एक्सप्रेस दैनिक  का शहरी संवाददातान खबर दे कि न्यूज चैनलों मा लगातार सुबेर बिटेन स्याम रात तक ललित मोदी का लगातार समाचार दिखाण से सैकड़ों शहरी गूंगा बहरा  ही ना अपितु ऊं पर एक खतरनाक रोग लग गे कि वु अपण बिरण नी पछ्याणना छन।  इख तलक कि भाजपा अर कॉंग्रेस का नेताओं अर प्रवक्ताओं पर विस्मरण को भयंकर रोग लग गे।  भाजपा अर कॉंग्रेस का नेता अर प्रवक्ताओं की समज मा नि आणु च कि विरोधी पार्टी तै गाळी देकि वु ललित मोदी का बिछ्युँ  जाळ मा इ फंसणा छन अर ललित मोदी की ही सहायता करणा छन। ललित मोदीकी बिल्ली  से झूठो जागरण का खबरनबीस ना पता लगाइ कि गलादार ,छली , छगटु , फ्रॉड फंडधुळयुं  ललित मोदी की इच्छा च कि वु अपण ट्वीटर का जरिया भारत का सांसदों , राजनीतिज्ञों , न्यापालिका , कार्यपालिका अर चतुर्थ इस्टेट पत्रकारिता पर इथगा अभियोग , कीचड़ लगै द्यावो कि लोग बुलण लग जावन की भारत का सांसद , राजनीतिज्ञ , न्यायपालिका अर कार्यपालिका ही पापी च अर ललित मोदी तो पुण्यात्मा च।  पत्रकारों का काम से तो लगणु च कि ललित मोदी अपण उद्येस्य मा सफल ह्वे ग्ये।  जब एक झूठो , मकार का ट्वीटर से हफ्तों तक समाचार माध्यम समाचार बणला  तो एक चोर , मक्कार , फ्रॉड तै सफलता मिलणी च। 

                        

                           आडवाणी , मोतीलाल वोरा, करुणानिधि  की ललित मोदी से गुजारिस 

       काळो उजाला का समबाददातान समाचार दे बल भारत का बुजुर्ग राजनीतिज्ञों जन लालकृष्ण आडवाणी , मोतीलाल वोरा , करुणानिधि , जसवंत सिंह , आदि एक प्रतिनिधि मंडल लंदन ललित मोदी का पास भिजण वाळ छन , प्रतिनिधि मंडल ओछा प्रकृति का ललित मोदी से प्रार्थना कारल कि मानवीय याने ह्यूमन  ग्राउंड पर अब राजनीतिज्ञों नाम लीण बंद कर द्यावो।  सब तै डर च कि यदि ललित मोदी इनि राजनीतिज्ञों नाम लींद रालो तो क्वी बि नि बचलो अर गंदी राजनीती तो कीचड़ राजनीति कहलायी जाली। सुणन मा आयि कि अब अर्णव गोस्वामी बि ललित मोदी से प्रार्थना करणो लंदन जाणु च कि अब तो बंद कारो ये ट्वीटरों की बरखा।  अर्णव गोस्वामी का वास्ता ललित मोदी गौळै हड्डी बण ग्ये ।  

                         गढ़वाली के महान व्यंग्यकार नरेंद्र कठैत लम्पट ललित मोदी से भयंकर नाराज 

  पौड़ी से अति झूठा लण्डेर संवाददाता न खबर दे कि गढ़वळि का महान व्यंग्यकार नरेंद्र कठैत हळकट ललित मोदी से नराज चलणा छन अर इथगा नराज चलणा छन कि सांत्वना दीणो बुजुर्ग साहित्यकार भवति प्रसाद नौटियाल पौड़ी जयां छन।   भौत दिनों से महान व्यंग्यकार गढ़वाली कवि सम्मेलन संयोजकों से परेशान , छया , बीमार छया , बिस्तर मा छया कि क्वी बि संयोजक वूं (नरेंद्र कठैत ) जन महान कवि तै कवि सम्मेलनों मा नि बुलांदन। पैली गढ़वाली कवि संयोजको से पित्यां , परेशान , पिल्थी (चिड़चिड़ा ) हुयां अर अब एक हैंक बीमार नरेंद्र कठैत पर लग ग्ये।  नरेंद्र कठैत जी तै हर एक घंटा मा झ्वां  आणा रौंदन कि ललित मोदीन इन किलै कार।  नरेंद्र कठिर हर समय ट्वीटर पर नजर गड़ै का रखदन किन्तु चालाक लोमड़ी ललित मोदी का ट्वीट नि आंदो।  नरेंद्र कथित तै भर्वस च कि खळचटी ललित मोदी एक दिन ट्वीट कारल कि म्यार संबंध महान व्यंग्यकार नरेंद्र कठैत  से बि छन।  किन्तु नरेंद्र कठैत ललित मोदी की अवहेलना से निरास ह्वेका गस खाणो बुरी स्थिति मा ऐ गेन अर बीमार चलणा छन।  गढ़वाली लिटरेचर असोसिएसन का अध्यक्ष अब ललित मोदी का वात्सा चिट्ठी भिजणो  तयारी मा छन जो ललित मोदी से प्रार्थना कारल कि नरेंद्र कठैत जन महान व्यग्यकार की  अवहेलना बंद कारो अर लोगुं तै बताओ कि ललित मोदी का संबंध महान व्यंग्यकार नरेंद्र कठैत से बि छन। 

3/7  /15 ,Copyright-- क्यांको कॉपीराइट ? सब तो चुरायुं माल च , इना ऊना बिटेन मार्युं माल च अर सब झूठो समाचार तो छन।   

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

 Best of Garhwali Humor Literature in Garhwali Language on Lalit Modi Fraud  ; Best of Himalayan Satire in Garhwali Language Literature on Lalit Modi Fraud  ; Best of  Uttarakhandi Wit in Garhwali Language Literature on Lalit Modi Fraud  ; Best of  North Indian Spoof in Garhwali Language Literature on Lalit Modi Fraud ; Best of  Regional Language Lampoon in Garhwali Language  Literature on Lalit Modi Fraud ; Best of  Ridicule in Garhwali Language Literature  on Lalit Modi Fraud ; Best of  Mockery in Garhwali Language Literature  on Lalit Modi Fraud   ; Best of  Send-up in Garhwali Language Literature on Lalit Modi Fraud  ; Best of  Disdain in Garhwali Language Literature on Lalit Modi Fraud  ; Best of  Hilarity in Garhwali LanguageLiterature on Lalit Modi Fraud  ; Best of  Cheerfulness in Garhwali Language  Literatureon Lalit Modi Fraud   ;  Best of Garhwali Humor in Garhwali Language Literature  from Pauri Garhwal on Lalit Modi Fraud  ; Best of Himalayan Satire Literature in Garhwali Language from Rudraprayag Garhwal on Lalit Modi Fraud  ; Best of Uttarakhandi Wit in Garhwali Language from Chamoli Garhwal on Lalit Modi Fraud  ; Best of North Indian Spoof in Garhwali Language from Tehri Garhwal on Lalit Modi Fraud  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  on Lalit Modi Fraud ; Best of Hilarity in Garhwali Language from Kotdwara Garhwal on Lalit Modi Fraud  ; Best of Cheerfulness in Garhwali Language from Haridwar on Lalit Modi Fraud  ;

Garhwali Vyangya , Garhwali Hasya,  Garhwali skits; Garhwali short skits, Garhwali Comedy Skits, Humorous Skits in Garhwali, Wit Garhwali Skits