उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Tuesday, July 21, 2015

भुंदरा बौकु झनझन्नाटेदार झापड़

Best  Harmless Garhwali Literature Humor , Haves and Haves Not  ;  Garhwali LiteratureComedy Skits  Haves and Haves Not  ; Garhwali Literature  Satire  Haves and Haves Not;  Garhwali Wit Literature  Haves and Haves Not ;  Garhwali Sarcasm Literature Haves and Haves Not ;  Garhwali Skits Literature  Haves and Haves Not ;  Garhwali Vyangya   Haves and Haves Not ;  Garhwali Hasya 

                           भुंदरा बौकु  झनझन्नाटेदार झापड़ 

                        चबोड़ , चखन्यौ , चचराट   :::   भीष्म कुकरेती 


                                            नब्बे का दशक की  चिट्ठी 

ये बौ अब छुटि छुटि बत्तों कुण चिठ्ठी लिखणम अळगस आंदि।  अरे , बौ भुंदरा ! आज ज़माना टेलेफोन कु ऐ गे।  जमाना का दगड़ चलो।  निथर जमाना तुम तै पैथर धकेल द्यालो।  घौरम टेलीफोन लगावा। लोग मि तै चिठ्ठी लिखद इख मुंबई मा   चिरडाँदा छन बल मि अबि बि बाबा आदम जमाना कु तरां चिट्ठि से कम्युनिकेट करणु छौं।  छि बै बौ !
भुंदरा बौकु जबाब 
अरे द्यूर इख गाँवमा टेलेफोनाक तार तो अयि नि छन तो टेलीफोन कखन लाण।  तेरी छि बै बौ बुलण बचळयाण    मा त भला लगद  चिट्ठि मा ठीक नि लगिन। 

                                                 नब्बे दशक का अंतिम समय 

मि (टेलीफोन पर ) -हेलो ! हेलो ! सती भैजि ! सती भैजि ! मि भीषम बुलणु  छौं।  नमस्कार    …
सती भैजि - चिरंजी रौ।  औ त्यार फोन अपण खास चचेरा भै कुण त ऐ नि ह्वालु।  जरूर भुंदरा बौकुण इ ऐ होलु।   अबि  फोन रख अर दस मिनट पैथर फोन कौर।  मि भुंदरा बौ तै भट्येक लांदु। 
मि - क्या भै भुंदरा बौ ! एक मामूली टेलीफोन बि नि लगै सकणि छे हैं ? पता च त्यार दगड़ टेलीफोन पर बात करणो बान बार बार सती भैजि तै तंग करण पड़द।  छि बै बौ तीम  टेलीफोन बि नी च।  इख मुंबई मा मेरी कथगा बेज्जती हूंदी जब लोगुं तै पता चलदो कि गाँवमा आज बि म्यार जाण पछ्याण वळुम  टेलीफोन नी च।  छि बै बौ मि तै त शरम लगणी च कि तीम फोन नी। 
भुंदरा बौ -अरे द्यूर जी ! टेलेफोन वळ पांच हजार घूस मंगणु च। अर त्वै तै त पता च कि बच्चा पढ़ना छन त पांच हजार की घूस भौत हूंदी।  अर सूण यि छि छ नि कर्या कौर हाँ ! 

                                         पैलि सदी का मध्य 

मि -हेलो ! हेलो ! ये बौ क्या च यू ? मि पता च सुबेर बिटेन फोन पर फोन करणु छौं। 
भुंदरा बौ -द्यूर जी ! इख गांमा एक काम थुका हूंदन कि टेलीफोन पर इ चिपक्यां रावो।  मि जरा पुंगड़ जयुँ छौ। 
मि - क्या बौजी ! आज ज़माना मोबाइल का ऐ गे अर तू अबि बि लैंड लाइन टेलेफोन से चिपकीं छे।  तीम मोबाइल हूंद तो तू कखि बि रौंदि मि त्यार दगड़ उखमि बात कर सकद छौ। छि बै बौ ! ग्लोब्लाइजेसन का समय पर बि तीम मोबाइल नी च।  लोग क्या ब्वालल मेकुण कि म्यार रिस्तेदारुंम मोबाइल नी च।  छि बै बौ। 
भुंदरा बौ - मोबाइल तो खरीद लींद पर  द्वी बच्चा इंजीनियरिंग करणा छन तो खर्च पुगाण भारी हुयूँ  च। अर ततू बिंडी छी छा नि कर्या कौर हाँ। 

                                       सन 2010 
 
मि -हेलो बौ भुंदरा ! बौ ये भुंदरा।  क्या मोबाइल पर चिपकीं छे ये बौ भुंदरा। इथगा मेपर चिपकदि धौं ! 
भुंदरा बौ -चिपकणौ शौक च तो अपणी बैणि पर चिपक। बोल सुणा। 
मि - मि त बुलणु छौं कि आज जमाना इंटरनेट का च अर तीम कम्प्यूटर इंटरनेट नी च।  छि बै बौ। तीम इंटरनेट हूंद तो मोफत मा नेट चैटिंग करदा। छि बै बौ त्वेमा इंटरनेट बि नी च। 
भुंदरा बौ -ह्यां खर्चा बढ़ी गे।  बड़ौक  इंजीनियरिंगौ फाइनल इयर जि च। अर यु त्यार छि छा भौत बढ़ी गे हाँ। 

                                          सन 2015 

भुंदरा बौ -हेलो ! डियर ब्रदर इन लौ ?
मि -हाँ ये बौ भुंदरा ! बोल सुणा !
भुंदरा -ये भीषम ! जरा अपण वर्ड्सप नंबर तो बता।  अब त वर्ड्सप कु ज़माना ऐ गे। 
मि -अरे ये बौ ! मीम स्मार्ट फोन इ नी च त मोबाइल पर इंटरनेट कनकै ऐ सकुद ?
भुंदरा बौ -अच्छा चल जाणि दी , क्वी बात नी च कि त्वेम स्मार्ट फोन नी च ।  तो चल अपण वैब  कैमरा औन कौर।  मीन दिखणाइ कि म्यार द्यूर कन दिख्यांदु धौं।  अब तो हम द्वी वेब -कॉन्फ़्रेंसिंग से छ्वीं बथ लगौला हैं ? मि वैब  कैमरा ऑन करणु छौं।  तू बि कौर। 
मि -मीम वैब  कैमरा नी च। 
भुंदरा बौ -हैं मुंबई मा  त्वेम वैब कैमरा नी च।  मीन तो गाँवमा रैक वीडिओ कॉनफ्रयाँसिंग कु सब सामान बुक करै याल बस चार पांच दिन बाद मि वीडिओ कॉन्फ्रेसिंग से बचळे सकुद।  चल क्वी बात नी च।  इन बथादि द्यूराणो हाल क्या छन ? तीम वैब कैमरा हूंद तो मि द्यूराणी दगड़ वैबकॉन्फ्रेसिंग से इ छ्वीं लगै लींदु। 
मीन फोन काटी दे। 
मि तै लग कि भुंदरा बौन मै फर झनझन्नाटेदार थप्पड़ मार दे हो अर थप्पड़ की गूँज का बीच  भुंदरा बौक आवाज आणि हो -कबि बि जौंमा छ याने हैव्स वळु तै जौंमा नी च याने हैव्स नौट वळु बेज्जती नि करण चयेंद।  पता नी कब हैव्स नौट वळ हैव्स वळ ह्वे जावन अर 'हैव्स वळ'   'हैव्स नौट' की पंगत मा ऐ जावन धौं ! 





21/7  /15 ,Copyright@ Bhishma Kukreti , Mumbai India 
*लेख की   घटनाएँ ,  स्थान व नाम काल्पनिक हैं । लेख में  कथाएँ चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor Literature in Garhwali Language  Haves and Haves Not ; Best of Himalayan Satire in Garhwali Language Literature  Haves and Haves Not ; Best of  Uttarakhandi Wit in Garhwali Language Literature  Haves and Haves Not ; Best of  North Indian Spoof in Garhwali Language Literature Haves and Haves Not; Best of  Regional Language Lampoon in Garhwali Language  Literature  Haves and Haves Not; Best of  Ridicule in Garhwali Language Literature  Haves and Haves Not ; Best of  Mockery in Garhwali Language Literature Haves and Haves Not   ; Best of  Send-up in Garhwali Language Literature  Haves and Haves Not ; Best of  Disdain in Garhwali Language Literature  Haves and Haves Not ; Best of  Hilarity in Garhwali LanguageLiterature  Haves and Haves Not ; Best of  Cheerfulness in Garhwali Language Literature   Haves and Haves Not ;  Best of Garhwali Humor in Garhwali LanguageLiterature  from Pauri Garhwal  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhandi Wit in Garhwali Language from Chamoli Garhwal  Haves and Haves Not ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar  ;
Garhwali Vyangya , Garhwali Hasya,  Garhwali skits; Garhwali short skits, Garhwali Comedy Skits, Humorous Skits in Garhwali, Wit Garhwali Skits