कांग्रेसियों को मिर्ची लगी तो मैं क्या करूँ ?

Best  Harmless Garhwali Literature Humor  ;  Garhwali Literature Comedy Skits   ; Garhwali Literature  Satire  ;  Garhwali Wit Literature  ;  Garhwali Sarcasm Literature  ; Garhwali Skits Literature  ;  Garhwali Vyangya   ;  Garhwali Hasya 

                                            कांग्रेसियों को मिर्ची लगी तो मैं क्या करूँ ?

                                         चबोड़ , चखन्यौ , चचराट   :::   भीष्म कुकरेती 

                  कांग्रेसियों को मिर्ची लगी तो मैं क्या करूँ ? जी हाँ म्यार द्वी चबोड़्या , चखन्यौर्या , चिर्रीदार , अधिकार्युं अर नेतौं पर चटका लगांद लेख विभिन्न माध्यमों मा क्या छप कि कॉंग्रेस्यूं पर कुजगा चिर्री पड़ गे।  दस जनपथ का पालतू कुकर इन भुकण बिसे जन बुलया मीन लुसिआना ( मैनी जिला , इटली ) की जन्मीं सोनिया बौ तै क्वी राजनैतिक गाळी दे दे हो। मेरि समज मा नि आई कि जब मीन लुसियाना वळि तै कुछ नि ब्वाल तो दस जनपथ  भिस्ती चिमुल्ठक सि कट्यां  बबरैका  अंट संट किलै बुलणा छन भै ? 

                 म्यार लेख पढ़िक  गळया बौड़ राहुल गांधी का चपड़ासी याने तथाकथित कॉंग्रेसी चंड (दुर्दमनीय , गुस्सा ) ह्वेका  मीतै चुनग्याण लग गेन।   मेरी समज मा नि आयि कि प्रजातंत्रौ मखौल उड़ाण वळा परिवारवाद की सबसे   बड़ी इमारत  का चोबदार , चाकर , चमचा किलै में पर गुस्सा ह्वेन ?

              फेसबुक मा म्यार द्वी लेखुं से राजमाता अर राजकुमारौ नौकर कॉंग्रेस्यूंन  कुछ अजीब सा कमेंट्स लेखी दे कि नरेंद्र मोदी का राज मा बेरोजगारी बढ़ आदि आदि।  ये भै मि थू थू करणु छौ  घूसखोर मोहम्मद शाहिद अर चोट , चटका , चपत लग दस जनपथ  कुल्युं पर। 

       मेकुण दिल्ली से अर देहरादून से बि फोन ऐन कि मीन संसद का बारा मा फेसबुकम इन क्या लेखी दे कि कॉंग्रेसी  गुस्सा हुयां छन जन बुल्यां मीन कै कुकरौ पूछ पर आग लगै दे हो।   यदि मीन संसद डिस्टरबेंस पर व्यंग्य बाण चलैना तो यूँ कॉंग्रेसयुंका का मूछुं बाळु पर , कखर्यळि  बाळु पर, छाती का बाळु आग किलै लग भै ?  क्या कॉंग्रेसी कार्यकर्ता या कॉंग्रेस प्रेमी भारतीय नीन ? कि यूँ तै इ पसंद नी च कि संसद ठीक से इ चलण चयेंद ? हाँ जब राजमाता अर राजकुमार (अर शायद राजकुमारी बि ) इ नि चादन कि संसद चले  तो बिचारा कॉंग्रेस प्रेम्युं की  क्या बात करण ! 

            मेरी बिल्डिंग मा बि एक बिचारा कॉंग्रेसी भक्त तक बात पौंछि गे कि मीन मोहम्मद शाहिद पर छी छी , थू थू , हाय हाय कार।  गोपाल दा बुलण लग बल - "यार भीषम !  इन अभद्र भाषा प्रयोग ठीक च क्या ? अर उ बि कै अल्पसंख्यक पर इथगा कैड़ि , करारी , चोट ?". अब तुमि   न्याय निसाब कारो बल  यदि क्वी घूसखोर अल्पसंख्यक हो तो क्या व्यंग्यकार अल्पसंख्यक घूसखोर पर व्यंग्य का तीर नि चलै सकदु ? यदि  क्वी  अल्पसंख्यक घूसखोर अधिकारी  उत्कोच लींद कैमरा मा पकड़े जावो तो क्या व्यंग्यकार तै अधिकार नी च कि वु व्यंग्य से अल्पसंख्यक घूसखोर अधिकारी का ल्वैखतरी कारो ? यदि  क्वी  अल्पसंख्यक घूसखोर अधिकारी  रिश्वत , किकबैक  निगोसिएसन करद  कैमरा मा पकड़े जावो त क्या कै व्यंग्यकार तै यु अधिकार नी च कि वु  यदि  क्वी  अल्पसंख्यक घूसखोर अधिकारी का मुंड मा व्यंग्य का बम फोड़े ? अरे मीन एक भ्रस्ट अधिकारी पर कलम चलाइ तो यूँ  कॉंग्रेस्यूं नाक किलै कट भै ? चोरै  दाढ़ी मा तिनका ना चोरै गिच पुटुक पूरा घासक पूळ च तबि त इंटरनेट अर ऑफ़लाइन मा कॉंग्रेसी म्यार व्यंग्य से गुस्सा ह्वे गेन , दाळ मा कुछ काळो -पीलो च तबि त  इंटरनेट अर ऑफ़लाइन मा कॉंग्रेसी म्यार व्यंग्य से आगबबूला ह्वेका भरचे गेन।  अर वांपर दलील कि  नरेंद्र मोदी का राज मा बि भ्रस्टाचार च।  मतलब यदि बीजेपी वळ चोरी कारल तो कॉंग्रेसी डाका डाळल क्या ?

                    मि क्वी कॉंग्रेस्यूं खरीद्यूँ , मुल्यायुं , पळयूँ -पुस्युं पत्रकार या लिख्वार नि छौं कि कॉंग्रेस का गुनाहों तै पुण्य बतौं अर ना ही मि नागपुर वळु बंध्युं कुत्ता छौं कि कॉंग्रेस्युँ पर भोकुं ! मि व्यंग्यकार छौं व्यंग्य का फरसा  से बदखोरुं बदखोरी  तै   गिंडाण म्यार काम च।  मि व्यंग्यकार छौं व्यंग्य का बणाक से भ्रस्टाचार तै भरच्याण म्यार काम च।  व्यंग्यात्मक लेखनी से  नकारात्मक शक्त्युं पर बम चलाण म्यार कर्तव्य च। 

                          कॉंग्रेस्यूं तै बिंगण चयेंद बल यदि  अधिकारी अर राजनीतिज्ञ कर्तव्य विमुख ह्वे जावन, कर्तव्यच्युत ह्वे  जावन, फर्ज से दगा इ करण लग जावन तो  क्या व्यंग्यकार बि बौं हौड़ थुड़ा पोड़ जालो  ? ना,  ना , कतै ना  ! इन बदहाल स्थिति मा व्यंग्यकार और अधिक चित्वळ ह्वेका  जोर की व्यंग्यात्मक एसिड की बरखा कारल। 

  अब आपि  जबाब द्यावो -

म्यार चबोड़्या लेखों  से कॉंग्रेस्यूं पर चिर्री लगी तो मैं क्या करूँ ?

 म्यार चखन्यौर्या  लेखों से कॉंग्रेस्यूं जूँगों पर आग लगे  तो मैं क्या करूँ ?

  म्यार चरचरा लेखों  से कॉंग्रेस्यूं  नाक लगे , नाक कटे, नकद्वड़   इ गायब ह्वे जाये  तो   मैं  करूँ ?

25/7 /15 ,Copyright@ Bhishma Kukreti , Mumbai India  

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

 Best of Garhwali Humor Literature in Garhwali Language  ; Best of Himalayan Satire in Garhwali Language Literature  ; Best of  Uttarakhandi Wit in Garhwali LanguageLiterature  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature  ; Best of  Ridicule in Garhwali Language Literature  ; Best of  Mockery in Garhwali Language Literature    ; Best of  Send-up in Garhwali Language Literature  ; Best of  Disdain in Garhwali Language Literature  ; Best of  Hilarity in Garhwali Language Literature  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal  ; Best of Himalayan Satire Literaturein Garhwali Language from Rudraprayag Garhwal  ; Best of Uttarakhandi Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar  ;

Garhwali Vyangya , Garhwali Hasya,  Garhwali skits; Garhwali short skits, Garhwali Comedy Skits, Humorous Skits in Garhwali, Wit Garhwali Skits