उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Tuesday, July 14, 2015

असूज मा बौगी पौड़

रचना ---वीरेंद्र पंवार 


सौंण भादौं बरखी नी  धार खाऴ चयाँ चौड़

पुटगा गारा आँखा खौड़ असूज मा बौगी पौड़



कोदो झंगोरु बंजे सार

सट्टी न बुसे कुठार

दाऴ गौथ घास खौड़

असूज मा बौगी पौड़



पौंछी नी छ मनयाडर

नौनु जुदा व्हे बिमार

लैंदी गौड़ी भेऴ रौंड़

असूज मा बौगी पौड़



पैली चिठ्ठी भेजी तार

फेर टेलीफून कार

कुजाणी कख धौं बैंहौड़

असूज मा बौगी पौड़



देश जैकी भुलगे

रैबार भी घूऴगे

फजल ब्यखुनी उठापोड़

असूज मा बौगी पौड़



ढोल दमौ बैण्ड बाजा

पॉप डिस्को छाजा छाजा

कितला अर गुरौ की सौर

असूज मा बौगी पौड़



अपणा गीत बीराणु राग

हल्लरोऴ बैठी बाच

ऊणा कूणा ओड़ छोड

असूज मा बौगी पौड़





बोण रौं की घौ र जौं

घौर जौं त खौं क्या खौं

बस हुई च दौड़ा दौड़

असूज मा बौगी पौड़
Copyright @ Virendra Panwar 15