उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Thursday, July 9, 2015

विरणी मवासि घाम लगाण

बिरणी मवासि घाम लगोण 
हैका कंधों न बंदूक चलोण
बिरणी पीठ पर घाम तपण
बस चकड़ेत ही कर सकद
स्वाणा स्वाणा स्वीणा दिखोण
पीठ पैथर गिचू मड्कोन
इथऐ उथऐ भोण पूरोण
बस चकड़ेत ही कर सकद
बिरणी लैनदी गौड़ी पिजोण
मंग मंगी तै काम चालोण
खुटा पेट मुंड लुकोण
बस चकड़ेत ही कर सकद
लारा बारा ठट्टा लगोण
चल्दी पुंगड़ी बांजा ढोल्ण
द्वि हत्तियून रुप्य बटोलण
बस चकड़ेत ही कर सकद
बिरणा पुंगड़ों उजाड़ खिलाण
अपण कांडा हैकमा छौटोण
वार पार की लगोण
बस चकड़ेत ही कर सकद

Copyright Neeta Kukreti , Deharadun 2015

No comments:

Post a Comment

आपका बहुत बहुत धन्यवाद
Thanks for your comments