भाजपा तैं भूतपूर्व बेशरम , बकळि चमड़ी का कॉंग्रेसी प्रवक्ता चयेणा छन

Best  Harmless Garhwali Literature Humor  ; , Garhwali Literature Comedy Skits   ; Garhwali Literature  Satire  ; Garhwali Wit Literature  ;  Garhwali Sarcasm Literature  ; Garhwali Skits Literature  ;  Garhwali Vyangya   ;  Garhwali Hasya 

                    

               भाजपा तैं भूतपूर्व बेशरम , बकळि चमड़ी का कॉंग्रेसी प्रवक्ता चयेणा छन 

                        चबोड़ , चखन्यौ , चचराट   :::   भीष्म कुकरेती 

  (दिल्ली का चौबटु )

एक नंबरी भाजपा नेता -भीषम जी ! भीषम जी ! जरा भूतपूर्व बड़बोला कॉंग्रेसी प्रवक्ता का पता बता दियां जी। हमारी पार्टी तै भूतपूर्व बड़बोला कॉंग्रेसी प्रवक्ता की अत्यंत आवश्यकता च। 

मि -अरे आरएसएस का प्रचारकों से बढ़िया प्रवक्ता ?

एक नंबरी -मीम आपक सवालुं जबाब दीणो टैम नी च।  मि अफिक बड़बोला प्रवक्ता खुजे ल्योलु।

मि -अरे द्वी नंबरी जी तुम कख छलांग लगैक भजणा छंवां ?

द्वी नंबरी -मीम बिंडी समय नी च मि भूतपूर्व चचरट्या कॉंग्रेसी प्रवक्ता की खोज मा जाणु छौं जु चचराट से भाजपा की लुढ़कदि लाज बचै साको।  ये ब्वै मि तै और तेज छलांग लगाण पोड़ल तब जैक चचरट्या प्रवक्ता मीलल।  

मि -ये तीन नंबरी भाजपा नेता जी सि चौंर्या स्याळो तरां जुपकणि मारदा मारदा कनै दौड़ना छंवां ?

तीन नंबरी -हम तै बदखोर , बबरट्या भूतपूर्व कॉंग्रेसी प्रवक्ता चयेणा छन  जु हमर बड़ा नेताओं का पति , पत्नी,  जंवै , बेटा , बेटी , भाँजा का काळा कारनामाऊँ तै न्यायोचित  सिद्ध कर साकन जन पैल कॉंग्रेस्युंन रॉबर्ड बाड्रा का कारनामों तै सही ठहरै छौ। ये मामला मा कॉंग्रेसी परिपूर्ण अनुभवी छ।   मीम एक सेकंड रुकणो टैम नी च। 

मि -ये चार नंबरी भाजपा नेता जी ! कख कुद्दी मारिक जाणा छंवां ?

चार नंबरी -मि जघन्य से जघन्य घोटाला जन व्योपम घोटालों का कुतर्क से बचाव करणम सिद्धहस्त भूतपूर्व कुतर्की कॉंग्रेसी प्रवक्ताओं तै ढुंढणो जाणु छौं।  फिर कबि फुरसतम मिलला। कॉंग्रेस्यूं से बड़ा कुतर्की कु ह्वे सकदन ? अच्छा फिर    …

मि -ये छै नंबरी भाजपा तू छलांग किलै मारणी छे ?

चार नंबरी -अरे भूतपूर्व बकळि चमड़ी का कॉंग्रेसी प्रवक्ताओं तै भाजपा मा लाणो जाणु छौं।  जु धाकड़ पत्रकार अर्णव गोस्वामी , थापर तै बि बौं हौड़ तै दैं हौड़ बेशर्मी से बतै द्यावन।  भोळ बात करला। 

मि -ये पांच नंबरी भाजपा नेता दौड़ ?

पांच नंबरी -मि धाकड़ वकील जन कपिल सिब्बल की खोज मा जाणु छौं जु अरबों का घोटाला तै जीरो लॉस याने शून्य हानि सिद्ध कर साकन।

मि -अरे स्टिंग्या पत्रकार जी यी क्या सब भाजपा का नेता भूतपूर्व कॉंग्रेसी प्रवक्ताओं की खोज मा किलै जाणा छन ? 

स्टिंग्या पत्रकार - वु क्या च फिलम , चिलम अर राजसत्ता का अडिग सिद्धांत हूंदन।  निरंकुश राजसत्ता आयि ना कि सत्ताधारी भ्रष्ट हूणम देर नि लगांदन।  तो भाजपा का नेताओं पर भ्र्ष्टाचार , अनाचार , आचारविहीनता का आरोप लगण बिसे गेन।  अर भ्र्ष्टाचार , आचारविहीनता , अनाचार तै न्यायोचित बताण मा भाजपा का प्रवक्ता अबि प्रवीण नि ह्वेन तो अनुभवी कॉंग्रेसी प्रवक्ताओं की आवश्यकता तो भाजपा तै पड़लि ही कि ना ? अर ये मामला मा कॉंग्रेस का प्रवक्ताओं से अधिक बेशरम , बदजात , काळो तै सफेद बताण वळ , अन्याय तै न्यायोचित बताण वळ , बकळि  चमड़ी का अनुभवी प्रवक्ता क्वी नी च तो भाजपा वळ भूतपूर्व कॉंग्रेसी प्रवक्ताओं तै भाजपा मा लाणो तयारी करणा छन।  किलैकि अब रोज , भाजपा का  एक नया भ्रष्टाचार तो समणि आलो ही कि ना  तो फिर बचाणो बान झूठा प्रवक्ताओं की जरूत तो पड़लि ही।  अच्छा मि एक स्टिंग ऑपरेसन  मा जाणु छौं। 

मि - ये भाजपा का दस नंबरी नेता जी तुम किलै भगणा छंवां ?

दस नंबरी भाजपा नेता - जु यी सब भाजपा का भागणा छन न मि ऊंकी टांग खैंचणो जाणु छौं कि यी में से अगनै नि जै सक्यां। 

10/7  /15 ,Copyright@ Bhishma Kukreti , Mumbai India 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

 Best of Garhwali Humor Literature in Garhwali Language  ; Best of Himalayan Satire in Garhwali Language Literature  ; Best of  Uttarakhandi Wit in Garhwali LanguageLiterature  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature  ; Best of  Ridicule in Garhwali Language Literature  ; Best of  Mockery in Garhwali Language Literature    ; Best of  Send-up in Garhwali Language Literature  ; Best of  Disdain in Garhwali Language Literature  ; Best of  Hilarity in Garhwali Language Literature  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal  ; Best of Himalayan Satire Literaturein Garhwali Language from Rudraprayag Garhwal  ; Best of Uttarakhandi Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar  ;

Garhwali Vyangya , Garhwali Hasya,  Garhwali skits; Garhwali short skits, Garhwali Comedy Skits, Humorous Skits in Garhwali, Wit Garhwali Skits