मदुली च बांद , हिराहिर मदुली (छपोली नृत्यगीत )

इंटरनेट प्रस्तुति = भीष्म कुकरेती 

छपेली नृत्य गीत : गढवाल कुमाओं का एक प्रसिद्ध नृत्य गीत शैली 

             मदुली च बांद , हिराहिर मदुली 

स्याळी : बाखरो को सांको बल बाखरो को सांको

           मि बांद बणयूँ  छौं मिन क्या कन यांको 

           रे जीजा मैनेजर  ल़े जीजा , मिन क्या कन यांको 

             मदुली हिराहिर , मदुली च बांद 

जीजा : चखुली को बीट बल चखुली को बीट अ 

          मेरी मोटर मा बैठ मदुली अगनाई का सीट अ 

         मदुली हिराहिर  मदुली अगनाई का सीट 

स्याळी: घोटी जाली हींग , घोटी जाली हींग अ

           मिन कनकैक बैठण रे जीजा मै उठद  रींग अ 

           रे जीजा मैनेजर मै उठद  रींग अ 

हौर सब्बी गान्दन : मदुली च बांद मदुली हिराहिर मदुली 

जीजा : घिंड्वा को बीट बल घिंडुडी को बीट अ 

          नी उठदी रींग मदुली अगनाई क सीट अ 

          मदुली हिराहिर अगनाई क सीट 

और सबी गान्दन : मदुली च बांद मदुली हिराहिर मदुली

स्याळी: बामण की पोथी  बल बामण की पोथी  अ

          मिन कनकैक आण रे जीजा फटीं च धोती 

          रे जीजा मैनेजर ल़े जीजा , मेरी फटीं च धोती अ 

जीजा : खेंडि जालो बाड़ी बल खेंडि जालो बाड़ी

           धोती तू फटण दे मी मंगौल़ू  साड़ी 

           मदुली हिराहिर मदुली मी मंगौल़ू  साड़ी

हौर सबी गान्दन : मदुली च बांद मदुली हिराहिर मदुली

           बीडी को बंडल बीडी को बंडल अ 

          साड़ी त तू लिली मीम नीन सैंडल 

          रे जीजा मैनेजर ल़े जीजा मीम नीन सैडल अ 

जीजा : ग्युं बूतिन मुट्ठीन ग्युं बूतिन मुट्ठीन 

          तू अगनाई चल रुंवाली खुटींन 

         मदुली हिराहिर रुंवाली खुटींन 

        मदुली हिराहिर बिगरैली खुटींन

हौर सबी गान्दन : मदुली च बांद मदुली हिराहिर मदुली

                         मदुली हिराहिर मदुली मदुली च बांद मदुली      

 स्रोत्र : गंगाराम भट्ट , ग्राम : लीह, पट्टी कंडवालस्यूं , देवप्रयाग , गढवाल     

संदर्भ - डा शिवानंद नौटियाल   

Garhwali , Kumaoni Love, Folk Songs, Community Love, Poems,Love, Lok Geet, Pauri Garhwal, Uttarakhand;  Garhwali , KumaoniLove,Folk Songs, Community Love, Poems, Love, Lok Geet, Chamoli  Garhwal, Uttarakhand;  Garhwali , Kumaoni Love, Folk Songs, Community Poems, Lok Geet, Rudraprayag Garhwal, Uttarakhand;  Garhwali , Kumaoni  Love, Folk Songs, Community Love, Poems,Love, Lok Geet, Tehri Garhwal, Uttarakhand;  Garhwali , Kumaoni Love, Folk Songs, Community Love, Poems, Lok Geet, UttarkashiGarhwal, Uttarakhand;   Garhwali , Kumaoni Love,  Folk Songs, Community Love, Poems Love, , Lok Geet, Dehradun Garhwal, Uttarakhand;