उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Wednesday, August 26, 2015

चिरसुंदरी भुंदरा बौ Window 10 खरीदणी च

Best  Harmless Garhwali Literature Humor  , Changing Window 10 ;  Garhwali Literature Comedy Skits  , Changing Window 10  ; Garhwali Literature  Satire  , Changing Window 10 ;  Garhwali Wit Literature  , Changing Window 10;  Garhwali Sarcasm Literature  , Changing Window 10 ;  Garhwali Skits Literature  , Changing Window 10 ;  Garhwali Vyangya  , Changing Window 10  ;  Garhwali Hasya  , Changing Window 10 ;

                    चिरसुंदरी  भुंदरा बौ Window 10 खरीदणी च 

                        चबोड़ , चखन्यौ , चचराट   :::   भीष्म कुकरेती 

 मि -हैलो ! ये बौ ?
चिरसुंदरी भुंदरा बौ -हां हाँ सुणा !
मि -चलती क्या खंडाला ?
चिरयौवना भुंदरा बौ -अपणि बैणि लीजा खंडाला।  मि त क्या सुंदर नजीबाबादौ गळियूँ मा घुमणु छौं। 
मि -हैं तू नजीबाबाद अयीं छे ?
कांत कामिनी भुंदरा बौ - हाँ क्यों ? नजिमाबाद पाकिस्तान मा च क्या कि मि नि जै सकुद ?
मि -नै नै।  पर तू अर नजीबाबाद ? 
भुंदरा बौ -अरे ये कोटद्वार पर त कांड इ लग गेन।  जख जावो नकली माल , हर गली मा डुप्लीकेट गुड्स या हरेक कुण्या  मा नेगी जा का , भरतवाण जी का पाइरेट्स कैसेट्स। कुज्याण यि  हरीश जिठा जी बि किलै कुछ नि करणा छन। 
मि -ह्याँ पर तू क्या खरीदणो नजीबाबाद अयीं छे ?
भुंदरा बौ -अरे हमर गांमा अचकाल सकासौर्युं मा लौड़ -गौड़ मारणो फैसन सौरि (फैलना ) गे। 
मि - सकासौर्युं मा लौड़ -गौड़ मारणो फैसन ?
भुंदरा बौ -हाँ।  पच्चीस जुलाई बिटेन गांमां Window बदलणो हुरस्या हुर्सी (प्रतियोगिता ) लगीं  च। 
मि -Window बदलणो हुरस्या हुर्सी (प्रतियोगिता ) लगीं  च ?
भुंदरा बौ -हाँ ! डुंकुर ज्योर नीन ?
मि -हाँ।  डुंकुर  ब्वाडा जी।  कथगा सालों से हर रविवार टाइम्स ऑफ इण्डिया मंगैक पढ़दन।  
भुंदरा बौ -ऊंन जुलाई मा टाइम्स मा पौढ़ कि अब सब लोग Window 10 पर स्विच करणा छन तो दुसर दिन उठेन अर कोटद्वार अर M. S . हार्डवेयर बिटेन MS Window 10 लैन अर ऊंन Window 10 बिठै दे। 
मि -मुहम्मद सिद्द्की (M. S) हार्डवेयर मा  Window 10  ?पर Window 10 तो हार्डवेयर नी च सॉफ्टवेयर च अर अर हार्डवेयर की दुकान्युं मा नि मिल्दो। 
भुंदरा बौ -अरे कोट्द्वारम क्या नि ह्वे सकद।  जब जुत्त चप्पलोंक  दुकानम तुम शराब पे सकदां तो हार्डवियर की दुकानिम Window 10 नि मीलल त कख मीलल ?
मि - ह्वे सकुद च कोटद्वार च ।  फिर क्या ह्वाइ ?
भुंदरा बौ - हूण क्या छौ। इना डुंकुर ज्योरुंन  MS Window 10 लगाइ ऊना ऊंक भतीजु सुंदरु का इख जळण मा बरजात पोड़ि गे।  सुंदरु बि दुसर दिन कोटद्वार गे अर न्यू MS हार्डवेयर (न्यू मिंया शौकत हार्डवेयर ) से MS Window 10 लायी अर रातों रात वैन MS Window 10 बिठै दे। 
मि -मिंया शौकत हार्डवेयर (MS Hardware ) क्या Window 10 बिचद ? 
भुंदरा बौ -हाँ। 
मि -कमाल ह्वे गे।  फिर तू ?
भुंदरा बौ -अरे जनि सुंदरुन नकली MS Window 10 बिठाइ कि वैक दगड्यों की नींद हर्ची गए अर ऊंन बि कोटद्वार की MS Window 10 बिठै देनि। 
मि -पर तू ?
भुंदरा बौ -अब गांमां रौण तो गौंका हिसाब से चलण इ पोड़द तो मीन बि स्वाच कि मी बि MS Window 10 बिठै द्यूं।  पर इख ऐक पता चल कि सब जगा MSWindow 10का डुप्लीकेट मिलणा छन।  असली MS Window 10 तो नजीबाबाद मिल्दन। 
मि -ह्यां पर MS Window 10 खरीदणो बान कोटद्वार , नजीबाबाद आणो जरूरत क्या च।  इंटरनेट से घर बैठे असली MS Window 10 मिल जांद। 
भुंदरा बौ -नै रे नै।  इंटरनेट का दुकानदार भौत दैं कुछ का कुछ माल भेजी दींदन।  सि वै दिन गुंदरीन अफ कुण इंटरनेट से वा खास चीज  मँगाई तो वूं खरदुसणुन मर्दाना वा चीज भेजी दे।  बस हमकुण त ऋषिकेश , कोटद्वार इ ठीक च।  माल जपकैक देखो अर खरीदो। अर ये चक्कर मा कोटद्वार आणो मौका बि मिल जांद।  
मि -ह्यां पर MS Window 10तो सॉफ्टवेयर की शॉप मा मिल्दन अर तू बुलणी छे हार्डवेयर की दुकान्युं मा मिलणा छन ?
भुंदरा बौ -ये भोन्दु  द्यूर ! कोकाकोला , पेप्सिकोला की दुकान्यूं मा MS Window 10 मील सकदन क्या ?
मि -पर द्वी MS हार्डवेयर दुकान्युं मा तो मकान का सामन बिकदो उख MS Window 10 का क्या काम ?
भुंदरा बौ -ले विंडो हार्डवेयर की दुकान्यूं मा नि मीलल तो खादी वस्त्र भंडार मा मीलल ? 
मि -तू कै MS Window 10 की बात करणी छे ?
भुंदरा बौ -तू कै  MS Window 10 की बात समझणी छे ?
मि -कम्प्यूटर का वास्ता MS Window 10 एक नयो सॉफ्टवेयर च। 
भुंदरा बौ -मि मकान पर नई किस्म की मॉडर्न खिड़की MS Window 10 की बात करणु छौं। 
मि -ये मेरी बौ भुंदरा ! 



24/8  /15 ,Copyright@ Bhishma Kukreti , Mumbai India 
*लेख की   घटनाएँ ,  स्थान व नाम काल्पनिक हैं । लेख में  कथाएँ चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor Literature in Garhwali Language  , Changing Window 10 ; Best of Himalayan Satire in Garhwali Language Literature , Changing Window 10  ; Best of  Uttarakhand Wit in Garhwali Language Literature , Changing Window 10  ; Best of  North Indian Spoof in Garhwali Language Literature , Changing Window 10; Best of  Regional Language Lampoon in Garhwali Language  Literature  , Changing Window 10 ; Best of  Ridicule in Garhwali Language Literature  , Changing Window 10; Best of  Mockery in Garhwali Language Literature    , Changing Window 10 ; Best of  Send-up in Garhwali Language Literature  , Changing Window 10 ; Best of  Disdain in Garhwali Language Literature  , Changing Window 10 ; Best of  Hilarity in Garhwali Language Literature  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar    ;
Garhwali Vyangya ; Garhwali Hasya  ;  Garhwali skits   ; Garhwali short Skits , Garhwali Comedy Skits  , Humorous Skits in Garhwali , Wit Garhwali Skits