उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Tuesday, August 11, 2015

घुगती न बियाण ला घुगती मोल (एक हंसौड़ा लोकनृत्य गीत )

Garhwali , Kumaoni Laughter , Humorous Folk Songs from Garhwal, Uttarakhand
घुगती न बियाण ला घुगती मोल  (एक हंसौड़ा लोकनृत्य गीत )
स्रोत्र - शिवा नन्द नौटियाल , गढ़वाल के लोकनृत्य 
इंटरनेट प्रस्तुति - भीष्म कुकरेती 

फुर घुगती फुर 
सड़कूँ का खोल 
घुगतीन बियाण ला घुगती मोल।  फुर घुगती फुर-
आंखी लाइ ऐना 
घुगती न बियाण तै चैत का मैना। फुर घुगती फुर-
नाऊँ धारो गूजा 
घुगती बिये गय , कौरा बधाण बालण  की पूजा।  फुर घुगती फुर-

लागी जाली खूद 
कन घुगती तौंकी छई , माणा दूद। फुर घुगती फुर-
काटी जाली खाईं , काटी जाली खाईं 
तुमड़ी को पर्या अर भंगल्यट की राई। फुर घुगती फुर-
बल्द धारे जुऊ ,
घुगती छांछ छोळे , छोळण सेर घीऊ। फुर घुगती फुर-
काटी जाली लौकी ,
छोळण सेर घिऊ बोदन , कन घुगती तौंकी। फुर घुगती फुर-
एखी मारी भेखी ,
घुगती घुगती बोदन , आंख्युंन नी देखी।फुर घुगती फुर-
तिमलो को पात ,
छोळण सेर घिऊ बोदन , क्या च बक्की बात। फुर घुगती फुर-
कफू बासो जेठ ,
घुगती बचीं रैली , हम ह्वे जौंला सेठ। फुर घुगती फुर-
ढंडी धोळे जाळा,
गौड़ी -भैंसी बेचीं द्यावा , तैं घुगती पाळा। फुर घुगती फुर-
झंगोरा की धाण ,
घुगती बचीं रैली हमारी , घी दूद खाण। फुर घुगती फुर-
बुति जाली राई ,
घुगतीन दूद दे , कन जमानो आई। फुर घुगती फुर-
कुयेड़ि सी लौंकी ,
चल दीद्यो देखी औंला , कन घुगती तौंकी। फुर घुगती फुर-
खाई जाली बेरा ,
फुर घुगती उड़े , पदानो सेरा। फुर घुगती फुर-
गाड़ी जाला गैणा ,
कैकि घुगती होली , हमन मारी दीणा। फुर घुगती फुर-
गाड़े जालो सैरा। 
त्वै तैं मारी देला , औउ घुगती घैरा। फुर घुगती फुर-

 Interpretation Copyright @ Bhishma Kukreti 10/8/2015

Garhwali , Kumaoni Laughter , Humorous Folk Songs from Garhwal, Uttarakhand ;Garhwali , Kumaoni Laughter , Humorous Folk Songs from Dehradun Garhwal, Uttarakhand ;Garhwali , Kumaoni Laughter , Humorous Folk Songs from Uttarkashi Garhwal, Uttarakhand ;Garhwali , Kumaoni Laughter , Humorous Folk Songs from Tehri Garhwal, Uttarakhand ;Garhwali , Kumaoni Laughter , Humorous Folk Songs from Rudraprayag Garhwal, Uttarakhand ;Garhwali , Kumaoni Laughter , Humorous Folk Songs from Chamoli Garhwal, Uttarakhand ;Garhwali , Kumaoni Laughter , Humorous Folk Songs from Pauri Garhwal, Uttarakhand ;