जन्मभूमि (स्वतंत्रता दिवस पर विशेष )

रचना - अबोध बंधु बहुगुणा (1927 -2003 , झाला , चलणस्यूं , पौड़ी गढ़वाल )

इंटरनेट प्रस्तुति - भीष्म कुकरेती 

 जन्मभूमि , मातृभूमि , माँ हिंवाळ वासनी 

तेरी पैतुऴयौं प्रणाम हे प्राणी उलारिणी !

तू उघाड़दी किवाड़ , धर्ति माँ उद्यों कि बाढ़ 

बाछि सि त्यरा खल्याण रुम्क रैन्दि रामणी !

द्यख्द त्यरि क्वदड़ि सार चऴळ ह्यूंचळौ हपार 

छुणक्याळि च दाथि , फंचि पर तु घास काटणी। 

बगदि आंख्युं की गाड , माँ त्यरो अथाह लाड ,

क्वांसि छै बणी हिलांस , बौणु बौणु बासणी।  

(साभार -शैलवाणी , दिल्ली , )