उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Sunday, August 30, 2015

रक्षाबंधन का दिन फेसबुक मा बुड्यों मध्य भगदड़ , खलबली अर आतंक

Best  Harmless Garhwali Literature Humor , Jokes ;  Garhwali Literature Comedy Skits  , Jokes ; Garhwali Literature  Satire , Jokes ;  Garhwali Wit Literature  , Jokes;  Garhwali Sarcasm Literature , Jokes ;  Garhwali Skits Literature  , Jokes;  Garhwali Vyangya   , Jokes;  Garhwali Hasya , Jokes;

                       रक्षाबंधन का दिन फेसबुक मा  बुड्यों मध्य भगदड़ , खलबली अर आतंक 

 -      
-            
                        चबोड़ , चखन्यौ , चचराट   :::   भीष्म कुकरेती    
-
-

             ब्याळि फेसबुक वळुन रक्षाबंधन कु पुनीत अवसर पर नार्युं तै सुवसर दीणो नियत से नार्युं तै मर्दुं स्टेटस मा घुसणो परमिसन क्या दे कि छ्वारोंक  ना बुड्यों मध्य खलबली , भगदड़ , घपरोळ मची गे।  
                    बिचारा 83 साल का डा दलबीर सिंह रावतन अपण स्टेटस मा अपण उमर नि बताईं छे अर पचास  साल पुराणि जुल्फिदार  जवानी की  फोटो चिपकाईं छे कि युवा छोरी फटाफट दगड्याणि बणलि अर वास्तव मा डा रावत की जुल्फिदार फोटो कि जुलफ्युं मा भौत सि फेसबुक्या छोरी फँसि बि छन अर वु छोरी बेधड़क डा दलबीर की फेसबुक फ्रेंड बण बि गेन।  अब डा रावत ऊँ फ्रेन्डु दगड़ चैट चैट खिलणा रौंदन।  डा रावतन हिंदी मा विहारी की सतसई बी खरीद जाँसे चैटिंग मा छोर्युं बड़ै करण मा अलंकार प्रयोग कर साकन।  डा रावत बि खुस , छोरी बि खुस अर बिहारी की आत्मा बि खुश।  पर आज सुबेर जब वूंन फेसबुक ख्वाल अर द्याख तो अबि तक बेहोश पड्यां छन। 
   प्रो. कीर्ति विलास डबरालन बि फेसबुक मा उमर अर फोटो नि बताइ , फिर अंग्रेजी , हिंदी अर गढ़वळि मा श्रृंगार रसयुक्त कवितौं से छोरी इनि आकर्षित ह्वेन जन लिचड़ गुड़  पर माख चिपकदन।   डबराल जी का फेसबुक फ्रेंड सर्कल मा नारी ही नारी छन , अनारी,  अनाड़ी, अर पुरुषार्थ्युं का  प्रो डबराल का स्टेटस मा कखि बि नामो निशान  नि छौ। डबराल जी बि ब्याळि अर्धरात्रि से घैल,  अर्धबेहोशी हालात मा छन अर हर समय बरड़ाणा छन - नो नो ! हाउ कैन आई एक्सेप्ट देम माई सिस्टर।  कैसे  उन्हें मै बहन कह  सकता हूँ ? हैं बैणि ? 
        सूर्य प्रकाश डंगवाल बि बिहोश छन।  छत्र सिंह असवाल तो अर्धविक्षिप्त अवस्था मा छन।  फेसबुक की जनानी दगड्याण्युं चक्कर  मा असवाल जीन  दुबर पचीस साल बाद गजल लिखण शुरू कार कि फेसबुक का एक दिन का वास्ता नार्युं तै मर्दों का स्टेटस मा घुसणो इजाजत से सब कुछ मटियामेट ह्वे गे। 
   मि त भुंदरा बौ का वजै से बची ग्यों। क्वी बि जनानी अबि तक म्यार स्टेटस मा नि छीरिन।   पर मी बि डर्युं छौं कि कखि भुंदरा बौ म्यार स्टेटस मा घुसि  गे तो ?
         रावत जी , डबराल जी , डंगवाल जी अर असवाल जीका ही ना अधिकाँश बुड्यों का स्टेटस का अंदर छोरी घुसी गेन अर सबि  बुड्या आत्महत्या की मानसिकता का शिकार हुयां छन। 

         रावत जी ह्वेन , डबराल जी ह्वेन , डंगवाल जी या  असवाल जी ह्वेन सब्युं की छोरी फ्रेंड्यूंन युंका टाइम लाइन का  स्टेटस मा वाल चिपकै दे कि हम यूंकि असली बैणि छंवां। 
  अब बताओ करिश्मा कपूर की फोटो वळुन अपण फोटो डा रावत की वाल मा चिपकै अर लेखी दे -मि करिश्मा अर दलबीर पिटाल्वटि भाई बैणि छंवां। इन मा डा रावत का बेहोश हूण लाजमी च कि ना ? जैं स्याळी से मजाक मसखरी करणो ज्यु बुल्याणु छौ वा सरा  फेसबुक वळु मध्य  धै लगाणी च कि दलबीर करिश्मा का भैजि छन। 
प्रो डबराल , डंगवाल  का स्टेटस मा सोनाक्षी सिन्हा , कटरीना कैफ आदि की फोटो वळि फेसबुक्या हसीना यूँ सब तै रखड़ि पैराणि छन। बताओ जैं बौ से आसा छे वा बौ भुला भुला करिक भट्याओ तो आत्महत्या करणो ज्यु बुल्यालो ही कि ना ?
असवाल जीक स्टेटस मा तो सोनम कपूर , पादुकार्णि ही ना आशा पारीख , बैजयंती माला, वहीदा रहमान बि यूंका स्टेटस मा घुसिन अर सब्युंन असवाल जी तै ब्रदर घोषित कर दे. इन मा बिचारा असवाल जीन पागल ह्वेका बौऴयाण इ  छौं।  जौंकि प्रेरणा से गजल की फसल उगान्दा छया वी प्रेरणा दीदी -भूली बणि गेन तो अब गजल कखन लिखे जाली अर गजल फजल कैकुण लिखण ? 
हाँ नरेंद्र सिंह नेगी की फेसबुक स्टेटस मा कुछ नि ह्वे।  हूण बि क्या छौ।  जब नेगी जीन पैलि वाल मा सब्युं कुण लिख्युं छौ -हे दीदी , हे भुल्युं , हे भग्यानि   … तो इन मा वैलेंटाइन डे बि हो तो क्वा फेसबुक्या नार नरेंद्र सिंह नेगी जिका स्टेटस का तरफ झळकां बि द्याखली ? 
रावत जी , डबराल जी , डंगवाल जी , असवाल  का परिवार यूँ सब्युंकी बेहोशी , बड़बड़ाट , विक्षिप्त अवस्था से परेशान हुयाँ छन। 
                  यूँ फेसबुक्या दुखी मनिखौं का परिवार वळुन अपण अपण वकीलों तै फोन कार। यी सब फेसबुक पर केस करण चाणा छन कि फेसबुक का नया नियम से हमर बुबा जी बेहोश हुयां छन तो हम तै कम्पेन्सेसन मिलण चयेंद।   फोन पर वकील त नि ऐन अपितु वकीलुं  घरवळि फोन पर ऐन अर हरेक वकील की घरवळि का बुलण छौ बल " हम खुद फेसबुक पर केस करणो वास्ता वकील की खोज मा छंवां।  हमर वकील पतिदेव फेसबुक मा नार्युं द्वारा भाई बणाण से आतंकित ,  त्रास , आकस्मिक भय से   बेहोश पड्याँ छन। "
खैर रक्षाबंधन त्यौहार सम्पन हूणों उपरान्त हरेक मर्द अपण स्टेटस ठीक कर द्यालो किन्तु तब तक तो हरेक मर्द आतंकित  ही रालो  कि कखि फेसबुक्या नारी ऊँका स्टेटस मा घुसिक ऊँ तै भाई घोषित कर द्याली  तो ? 




29/8  /15 ,Copyright@ Bhishma Kukreti , Mumbai India 
*लेख की   घटनाएँ ,  स्थान व नाम काल्पनिक हैं । लेख में  कथाएँ चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor Literature in Garhwali Language  ; Best of Himalayan Satire in Garhwali Language Literature  ; Best of  Uttarakhand Wit in Garhwali LanguageLiterature  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature  ; Best of  Ridicule in Garhwali Language Literature  ; Best of  Mockery in Garhwali Language Literature    ; Best of  Send-up in Garhwali Language Literature  ; Best of  Disdain in Garhwali Language Literature  ; Best of  Hilarity in Garhwali Language Literature  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal  ; Best of Himalayan Satire Literaturein Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar    ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes  

No comments:

Post a Comment

आपका बहुत बहुत धन्यवाद
Thanks for your comments