उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Tuesday, August 18, 2015

मानसून ....

मानसून आंद
सट्टी झुन्गरू
घास – पत्ता
ड़ाला ब्वाटा
हर्यली की
आस कै दगड
झर्र ह्वे जांद जिकुड़ी
झणी क्य हूंद ये साल |

उत्तराखंड
तेरह जिलौं
पौड़ी ...
टिहरी ..
उत्तरकाशी ..
चमोली ..
देहरादून ..
हरिद्वार ...
रुद्रप्रयाग ..
अल्मोड़ा ...
नैनीताल ...
पिथोरागढ़ ..
उधमसिंह नगर ....
बागेश्वर ....
चम्पावत ....
म बटी
एक – द्वी  छोड़ी ...
स्ब्यों पर
प्व्ड़द भारी मार

यख तक कि
कै-कै तैं
नि मिलदु क्व्वी
तीमारदार ... |

दुन्य करणी
बुल्लेट ट्रेन की बात
पण यख ...
आपदौं मा
म्वरदों तैं बचाण
अर मुर्दों तैं उठाण
क वास्ता
घ्वाडा बि नि जै सकदु |

दुन्य म च
सूचना क्रान्ति
मंगल गृह बटी बि
मिली सक्दीं सिग्नल ...
पण ...
यख ...
दस कदम दूर
घैल इंसान
नि पौंछे सकदु
अपणणि बाच  |

केदारनाथ कु घौ
मोळी बि नी
अबि .....
एक भितरी पुटग
बचीं निर्भगी ..
वींकी ...
काख पर सिन्या
आदिमकै दगडी ...
से गिन
सदनी का वास्ता
चार सैंत्या–पल्यां
नना तिना |

मानसून आंद
कैका रगडूतैं
बणै जांद स्यारा
कैकी ...
चलदी पुंगड्यू तैं
करी जांद रगड़
अर .......
घैंटीक
चली जांद कीलु
जिकुड़ी पर
जु बिनाणु रैंद
म्वर्द – म्वर्द तक |


@२०१५ विजय मधुर
१५-सी  नीलकंठ अपार्टमेंट
पटपड़ गंज , नई दिल्ली - ९२
मोब . ९९६८६०२३८४

No comments:

Post a Comment

आपका बहुत बहुत धन्यवाद
Thanks for your comments