नितीश को दागी , सोनिया को दागी और सर्फ को दाग अच्छे लगते हैं

Best  Harmless Garhwali Literature Humor , Jokes ;  Garhwali Literature Comedy Skits  , Jokes ; Garhwali Literature  Satire , Jokes ;  Garhwali Wit Literature  , Jokes;  Garhwali Sarcasm Literature , Jokes ;  Garhwali Skits Literature  , Jokes;  Garhwali Vyangya   , Jokes;  Garhwali Hasya , Jokes;

                नितीश को  दागी , सोनिया को दागी  और  सर्फ को दाग अच्छे लगते हैं 

 -                  

                        चबोड़ , चखन्यौ , चचराट   :::   भीष्म कुकरेती    

-

  अचकाल भारत मा सब तैं दाग , धब्बा , कलंक अच्छा लगदन।  अब भारत दाग प्रेमी , धब्बा प्रेमी अर कलंक अनुरागी ह्वे गे।  जख बि जावो , जैमा बि जावो स्यु बखणु रौंद दाग अच्छे लगते हैं। 

    सर्फ तै तो दशकों से 'दाग अच्छे लगते हैं '. भारत मा जथगा जादा दाग सर्फ तथगा अधिक फॉरेन मनी अमेरिका भ्याजल। 

निरमा तै बि भारत मा तुलसी , अलसी , सलसि सब्युंक साड़ी पर दाग पसंद छन।  साड्युं पर जथगा अधिक दाग पटेल साबक  बैंक बैलेंस मा उथगा ही अधिक झाग। 

गोदरेज वाशिंग मशीन तै  लिपिस्टिकौ दाग  प्यारा लगदन।  गोदरेज तैं दाग प्यारा लगणी च।  जथगा अधिक दाग गोदरेज की तिजोरी मा उथगा इ जगा की कमी। 

पैल बेटी ब्वारिक दाग छुपाये जांद छा।  अचकाल माँ अर सासु माँ बेटी- ब्वार्युं दाग फेसबुक का फोटो मा दिखांदन अर प्रार्थना करदन बल हमर बेटी-ब्वार्युं दाग Like कारो।  दाग अब शरमाणो ना गर्व की बात ह्वे गे। 

मि तै नार्युं किस का दाग अच्छा लगदन किन्तु लिपस्टिक वळ दाग ना।  लिपस्टिक से मि तै एलर्जी जि च। 

 अब ब्याळि 30 अगस्त 2015 कुण पटना गांधी मैदान मा स्वाभिमान रैली छे।  वास्तव मा या बिहार की स्वाभिमान रैली नि छे अपितु बेशरम , बेहया , बदजात दाग प्रेम्युं रैली छे। दाग दिखाणौ रैली छे।  राजनीती मा दाग अच्छे लगते है तै प्रमोट करणै महसभा छे।  सब दाग प्रेमी एकजुट ह्वेका राजनीती तैं और कथगा दागी करे जावो का वास्ता कट्ठा हुयाँ छया। 

 लालू प्रसाद यादवन पता नी कॉंग्रेस ही न मोतीलाल नेहरू , जवाहर लाल नेहरू , इंदिरा नेहरू , राजीव गांधी नेहरू तै बिल्चा भरि भरिक कथगा गाळी दे होली धौं।  पर ब्याळि लालू यादव सोनिया गांधी नेहरू से इन मिलणु छौ जन बुलया सोनिया गांधी नेहरू सात जनमुं की समधण  हो।  चारा घोटाला का आरोपी  , जातीबाद कु कोढ़ी , नाटकबाजी का राजनैतिक बाजीगर लालू यादव तै नेहरू खानदान अर कॉंग्रेस का दाग अच्छे लगते हैं। 

 सोनिया गांधी नेहरू उन त कोढ्युं पास बि नि जांदी।  किन्तु राजनैतिक बाढ़ पार करणो बान लालू यादव जन भ्रष्ट कोढ़ी का शरीर से चिपकणो बान उत्साह दिखाणी छे।  नदी का भंवर से कोढ़ी बि बचाओ तो सोनिया गांधी नेहरू तैं राजनैतिक कोढ़ी बि दाग जैसे  अच्छे लगते हैं।

वाह रे नॉन सेक्युलर विरोधी , स्वच्छ राजनीति व स्वच्छ  नीतियुं का स्वयंभू बादशाह नितीश कुमार ? वाह रे चतुर छगटा , राजनीती का गलादार , ठग !  त्वे तै बि दाग अच्छे लगने लगे हैं ? पिछला बीस सालों से लालू कु जंगलराज , परिवारवादी राज अर घोटालों की पोल खोलिक नीतीश  कुमारन  ना जानेकथगा चुनाव जीती ह्वालु धौं ! पर ब्याळि लालू यादव का दागुं तैं जनहित भरे दाग बुलणु छौ। 

उत्तर प्रदेश का समाजवादी यादवों तैं त दाग बचपन से ही पसंद छन तो दाग कुण्ड मा नयाणो आण मा यादवों तै परेशानी किलै हूण छे।  दाग से राजनैतिक फायदा हो तो कै तैं बि दाग अच्छे लगते हैं। 

ब्याळि या स्वाभिमान रैली नि छे अपितु राजनीति तैं और बि दागदार बणानै रैली छे।  ब्याळि या स्वाभिमान रैली नि छे अपितु राजनीति तै कथगा अधिक कलुषित करे जावो की रैली छे।  ब्याळि या बिहार तै स्वाभिमान दिलाणो रैली नि छे अपितु राजनीति मा स्वार्थ तै चमकीला , धवल , स्वच्छ , जगमग दिखाणो रैली छे।  ब्याळै स्वाभिमान रैली से पता चलद कि राजनैतिक  बदमाशुं तैं , कुर्सी  का बकध्यान्यूं तैं , सत्ता का लोभ्युं तै बेईमानी का दाग , बसाण्याँ (दुर्गन्धयुक्त ) धब्बा, जनधोखा का कलुषित कलंक  अच्छे लगते हैं। 

अर रूण , पितेणै , निराशा की बात  या च कि जनता अबि बि यूँ राजनैतिक छक्का पंजा , छलकपट , छेतरीपन मा फंसदि जाणि च।  

क्या कखि क्रांति की उम्मीद बि बचीं च जख दाग अच्छे ना लगें ? 

31/8  /15 ,Copyright@ Bhishma Kukreti , Mumbai India 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali LanguageLiterature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali LanguageLiterature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar    ;

Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes