राजनीतिज्ञों की 4 मुख्य समस्याएं

Best  Harmless Garhwali Literature Humor ,  4 Problems Politicians  ;  Garhwali Literature Comedy Skits ,  4 Problems Politicians   ; GarhwaliLiterature  Satire , 4 Problems Politicians  ;  Garhwali Wit Literature ,  4 Problems Politicians  ;  Garhwali Sarcasm Literature , 4 Problems Politicians ;  Garhwali Skits Literature  ,  4 Problems Politicians ;  Garhwali Vyangya  , 4 Problems Politicians  ;  Garhwali Hasya ,  4 Problems Politicians 

                                     राजनीतिज्ञों  की  4   मुख्य समस्याएं 

                                    चबोड़ , चखन्यौ , चचराट   :::   भीष्म कुकरेती 

                अजकाल राजनीतिज्ञ पत्रकारिता से संबंधित भौत सि समस्याओं से घिर्यां छन।  चौछ्ड़ी पत्रकारुं कन्दूड़ , आँख , कैमरा अर स्टिंगौ कैमरा लग्यां छन अर भौत सा नेता तो सार्वजानिक स्थानका वातानुकूलित शौचालय मा जाण से घबराँदन बल कखि ऊख बि कैमरा नि हो अर फिर    .... .। समस्या सैकड़ों छन पर मीन बड़ो अन्वेषण का बाद पता लगाई कि राजनीतिज्ञों पत्रकारिता संबंधी 5 मुख्य समस्या छन। 

                                       1 -     गिच्च पर म्वाळ 

            गिरिराज सिंह , साध्वी , साक्षी महाराज अर सोमनाथ भारती सरीखा नेताओं की सबसे बड़ी समस्या या च बल यूँ तै स्वतंत्र भारत मा स्वतंत्रता से बुलणो स्वतंत्रता नी च। यी बिचारा जनता की भौण मा कुछ बि बुल्दन कि एक सेकंड मा ब्रेकिंग न्यूज बण जांदन अर हफ्ताउं तक पत्रकार वै एक शब्द का पैथर पड़ जांदन जन बुलया विश्व भर की समस्या बस वी शब्द हो।  अब बताओ आम जनता बि बुल्दी कि मेमन , दाऊद से इथगा इ सिम्पैथी च त जावो पाकिस्तान ! पर जब जनभावनाओं की कदर करणो शिरोमणि गिरिराज सिंग या ही बात बुल्दन तो पत्रकारुं तै हजम नि हूंद अर हफ्ता तक टीवी चैनलों मा 'त जावो पाकिस्तान !'  बयान ब्रेकिंग न्यूज बण्यु रौंद।  बिचारा सोमनाथ भर्ती बि आजाद हिन्दुस्थान मा अभिव्यक्ति की गैरआजादी से परेशान छन , अरे सुंदर सी सुंदर औरत बुलण एक मुहावरा च अर यी पत्रकार ये शब्द मा सेक्स दीखणा छन  तो इखमा सोमनाथ भारती की क्या गलती ? मन तो पत्रकारुं च खराब।  

        बाणी पर लगाम से सबि नेता छन परेशान। नेता छन अर गिच्च पर म्वाळ हो तो बिचारा नेता कख जावन बिंदास , बेहिसाब , बेहिचक बुलणो ? क्या चीन जावन क्या ?

                                           2 - हथ खुट्टूं पर कुटंसि (बेड़ी ) 

            नेता बि त मनिख छन।  ऊंक बि त हथ खुट खयान्दन।  नेताओं का हथ खुटुं पर खज्जि  लगद।  तो खज्जि मिटाणो बिचारा संसद या विधान सभा मा घूंसा , लती चलांदन तो जनता अर पत्रकार बुल्दन बल यु त असंसदीय करतब छन।  अरे फिर हथ खुटुं खज्जि कख मिटावन यी नेता ? चीन मा ? जख प्रजातंत्री आजादी नी च उख मिटाण हथ -खुट्टूं खज्जि ?

       फिर नेता छन तो यूंक खुट बि खयाणा रौंदन कि क्वी क्या सबि बड़ा से बड़ा अधिकारी खुट मा पोड़न अर खुट चाटन।  खुट अधिकार्युं चाटणो बान रगर्याणा रौंदन अर अधिकार्युं मुंड बि नेताओं खुट से प्रेमालिंगन करणो आतुर रौंदन किन्तु पत्रकारुं तै नेताओं का खुट अर अधिकार्युं जीब प्रेम , नेताओं पद  अर अधिकार्युं हस्त मिलन अर नेताओं खुट अर अधिकार्युं मुंड मुहब्बत से बिलकुल नफरत च अर यदि क्वी अधिकारी नेता तै सिवा लगांद तो पत्रकार भयात नेताओं पैथर इन पोड जांद जन बुल्या कै मुसल्मानन सुंगर  प्रशसा कर दे हो या क्वी हिन्दू गौ मांश प्रेमी ह्वे गे हो। 

           अच्छा हरेक मनुष्य खेल प्रेमी हूंद अर यदि रुड़की का विधयक कुंवर जन नेता हड़क सिंग जन नेता का स्वागत मा पीतल फायरिंग कर द्यावो तो बि पत्रकार हो हल्ला मचै दींदन।  भई भारत मा खेल वृद्धि वास्ता यदि पार्टी सार्टयूं मा बंदूक संदूक , गन  फन चल बि जवान तो कै तै क्या ऐतराज ?

                             3 -प्रेम , मुहब्बत , लव  जन सास्वत भावना उजागर करण पर पाबंदी 

  अब सब नेता दिग्विजय जन बेशरम तो ह्वे नि सकदन जु अपण प्रेम तै खुलेआम इंटरेंट मा उजागर कर साकन।  अब द्याखो न शरमदार नारायण दत्त जीन तो पत्रकारुं अर दुन्या डौरान अपण प्रेम कथगा सालुं तक लुकाई , छुपाई।   पर अधिकतर नेता अपण प्रेम तै उजागर करण चांदन किन्तु जनता अर पत्रकार प्रेम तै भारत विरोधी माणदन अर ये कारण बकौल जेटली -भौत क्या अधिसंख्य नेता बिचारा कुंठित छन कि यी अपण प्रेम मीराबाई तरां उजागर नि कर सकणा छन। 

                                    4  -अर्णब गोस्वामी 

          यद्यपि नेताओं की सबसे बड़ी समस्या टाइम्स नाउ का अर्णब गोस्वामी च पर क्वी बि नेता स्वीकार नी करणु कि नेताओं की सबसे बड़ी, पैली  अर आखरी समस्या टाइम्स नाउ का अर्णव गोस्वामी च।  नेता परेशान छन कि अर्णव गोस्वामी द्वी मिनट तक ऊँ से  सवाल करदु अर जब नेता जबाब दीणो बान मुख खोलिक  बुल्दु -अर्णब  …… तब तलक अर्णव गोस्वामी बुलण बिसे जांद कि विरोधी नेता रिबक (प्रतिक्रिया ) मा कुछ बुलण चांद ।  सबी नेताओं की टाइम्स का स्वामी शाहू -जैन परिवार से दरख्वास्त च कि अर्णव गोस्वामी तै तुरंत  हटाये जावो।  

  आपका विचार से नेताओं की हौर मुख्य समस्या क्या क्या छन ? 

                                                             

8/8  /15 ,Copyright@ Bhishma Kukreti , Mumbai India 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

 Best of Garhwali Humor Literature in Garhwali Language , 4 Problems Politicians  ; Best of Himalayan Satire in Garhwali Language Literature ,  4Problems Politicians  ; Best of  Uttarakhand Wit in Garhwali Language Literature  ,  4 Problems Politicians ; Best of  North Indian Spoof in Garhwali Language Literature , 45 Problems Politicians ; Best of  Regional Language Lampoon in Garhwali Language  Literature ,  4 Problems Politicians  ; Best of  Ridicule in Garhwali Language Literature ,  5 Problems Politicians  ; Best of  Mockery in Garhwali Language Literature  ,  5 Problems Politicians   ; Best of  Send-up in Garhwali Language Literature ,  5 Problems Politicians  ; Best of  Disdain in Garhwali Language Literature ,  5 Problems Politicians  ; Best of  Hilarity in Garhwali Language Literature,  5 Problems Politicians   ; Best of  Cheerfulness in Garhwali Language  Literature  ,  5 Problems Politicians  ;  Best of Garhwali Humor in Garhwali Language Literature  from Pauri Garhwal ,  5 Problems Politicians  ; Best of Himalayan Satire Literature in Garhwali Language from Rudraprayag Garhwal ,  5 Problems Politicians  ; Best of Uttarakhand Wit in Garhwali Language from Chamoli Garhwal ,  5 Problems Politicians  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal ,  5 Problems Politicians  ; Best of Ridicule in Garhwali Language from Bhabhar Garhwal ,  5 Problems Politicians   ;  Best of Mockery  in Garhwali Language from Lansdowne Garhwal ,  5 Problems Politicians  ; Best of Hilarity in Garhwali Language from Kotdwara Garhwal  ,  5 Problems Politicians ; Best of Cheerfulness in Garhwali Language from Haridwar ,  5 Problems Politicians    ;

Garhwali Vyangya ,  5 Problems Politicians ; Garhwali Hasya ,  5 Problems Politicians  ;  Garhwali skits ,  5 Problems Politicians   ; Garhwali short Skits,  5 Problems Politicians  , Garhwali Comedy Skits ,  5 Problems Politicians  , Humorous Skits in Garhwali , Wit Garhwali Skits,  5 Problems Politicians