उत्तराखंड आपदा पर हाइकू कवितायें

कवित्री :  उमा घिल्डियाल, श्रीनगर 

ह्यूं चली डांडी 

पैना खंडों बोलदा 

उत्तराखंड
............

ऊर्जा प्रदेश 

नी  देखु सकणू  

अपणू   देश
............

हरा बुग्याल 

बण गैनी मसाण 

ऐंसू का साल
............

महाकाल कू 

तांडव देखीयाली 

ऊंका भक्तों ना 

............

यम कू डेरा 

बणीनी चार धाम 

ऐंसू यात्रा मा 

............

पहाडूं पाणी 

पहाड़ की जवानी 

काम नि आई 

............

नंदा कू मैत 

बारों मैना मा चैत 

बाढ़ मा अचेत 

............

सड़की ह्वेनी 

यमलोक कू बाटू 

जून मैना मा 

............

प्रलय देखी 

मार्कंडेय की भाँती 

हम सब्युं ना 

............

धन रे चीड़ 

सजै देनी तिन ता 

सूखी पुंगड़ी।