उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Monday, November 3, 2014

जरूर आप अध्यापक ही ह्वेल्या यदि

इना उना बिटेन ::: भीष्म कुकरेती 


यदि आप सुबेर सुबेर , श्याम दैं या कखिम बि अपण घरवळि समिण गप मारदा कि तुमकुण इथगा ज्यादा छ्वारों ब्वे -बुबाऊं रोज फोन आंदन। 
यदि तुमर रिस्तेदार आपकी जीमण मा शामिल नि हूंदन किलैकि वीं जीमण मां तुमर मित्र मास्टर ट्रांसफर , डीए , टीए की ही छ्वीं लगांदन। 
आप अपण बिल्डिंग मा या गाँ मा जुपुक जुपुक इन हिटदा /घुमदा जन बुल्यां तुम परीक्षा हाल मा छंवां अर परीक्षार्थी द्वारा नकल करण रुकणा छंवां। 
तुम ऊँ सब्युं से चिढ़दां जु चुइंगम खाणा रौंदन। 
यदि तुम अपण दिन भरौ दिनचर्या सुणाणो हुवाँ अर तुमर घरवळि अखबार पढ़ण मा व्यस्त हो। 
आप अपण चाबी , नेम प्लेट , कुर्सी , किताबुं  मा सलीका से अपण नाम लिखदाँ तो अवश्य ही आप अध्यापक छन। 
जब क्वी कोचिंग या ट्युसन की काट कारो तो आप वै तैं भद्र या अभद्र गाळी दीण शुरू कौर दींदा। 
यदि आप अपण घरवळि बणयीं  रुटि मा दोष ढूँडदा कि रुटि गोळ नी च तो आप कला अध्यापक ही ह्वेल्या। 
यदि आप ब्यौ -बरातिक जीमण की प्रतिक्रिया मा ब्वालो कि पूरी आयताकार , त्रिभुजाकार छन या छे तो आप अवश्य ही ज्यामिति  अध्यापक छन। 
आप तैं क्वी पूछो कि आजौ हाल क्या छन या आपक हाल क्या छन अर आपक जबाब हो कि आज सूरज तीन मिनट जल्दी आई , अदा सेंटीमीटर बरखा ह्वे तो आप भूगोल अध्यापक ही ह्वेल्या। 
यदि आपन अपण समाज मा सही जबाबुं  तैं बदतमीजी मा दियां टिप्पणी मानो तो। 
यदि आपक हथ खड़िया से भर्यां ह्वावन तो आप प्राइमरी अध्यापक छन अर यदि प्राइमरी अध्यापक ह्वेक बि चौक से हथ नि भर्यां ह्वावन तो आप गढ़वाल का कै स्कूलम मास्टर छंवां याने एक छात्र द्वी मास्टर !
आपक पैंट पर खड़िया  , धूळ लगीं हो तो आप प्राइमरी टीचर छन। 
आप नरेंद्र मोदीक भाषणो मादे व्याकरणीय गलती खुज्यांदा 
जब आप सोनिया गांधीक भाषण सुणदा अर बुल्दा जैन सीं तैं हिंदी सिखाई उ/वा  अवश्य मद्रासी होलु या ह्वेलि   

  Bhishma Kukreti  1  /11 /2014       
*लेख की   घटनाएँ ,  स्थान व नाम काल्पनिक हैं । लेख में  कथाएँ चरित्र , स्थान केवल व्यंग्य रचने  हेतु उपयोग किये गए हैं। 


                                                              CLEAN INDIA , स्वच्छ भारत !
                                                                                   
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar;