उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Thursday, November 20, 2014

अचकाल छौंपादौड़ , प्रतियोगिता , नीचा दिखाणौ दौर चलणु च

Best  Garhwali Humor  , Satire about Competition
  

                                                                             अचकाल छौंपादौड़ , प्रतियोगिता  , नीचा दिखाणौ दौर चलणु च 
                                                                                                           व्यंग लिखाड़ ::: भीष्म कुकरेती 

  अच्काल जख जा प्रतियोगिताऊं , छौंपादौडुं , एक दुसर तैं भतकाणौ  दौर चलणु च। 
महाराष्ट्र मा राज ठाकरे की मनसा पार्टी अर निर्दलीयों माँ  बीजेपी तैं समर्थन दीणो भागम भाग चलणि च , भाजपा सरकार समर्थन दीणो  वास्ता तैं एनसीपी मा अर शिवसेना मा होड़ लगीं च अर शरद पवार बुलणु च बल फड़नवीस सरकार पांच साल साल नि चल सकद। 
भारतीयों मा त्रासदी फैलाणो बान भ्रस्टाचार अर मंहगाई मा फ्री स्टाइल बॉक्सिंग चलणि च , दिल्ली अर मुंबई का बीच  कु ज्यादा डेंगू कु फैलाल का वास्ता मार काट मचीं च ; मोदीक नाक कटणो  बान  भारत का मुख्यमंत्र्युं मा होड़ लगीं च कि ऊंक राज्य सबसे गंदो राज्य कनकै बौणल    । 
उत्तरप्रदेश अर मध्य प्रदेश मा प्रतियोगिता चलणि च कि ज्यादा से जादा बलात्कार कख ह्वावन ;  टीवी मा खबरों मा रौणो बान बलात्कार्युं अर अभियुक्त संत -सन्यास्युं मा गळा -काट प्रतिस्पर्धा चलणि च ; हरिद्वार मा जगा खरीदिक आश्रम बणाणो बान भौत सा सन्यासी हत्या की सुपारी लीणो बान आपस मा छीना -झपटी करणा छन।
घरेलू हिंसा मा जनान्युं तैं पिटणो मामला मा दुसर स्थान पाणो बान आंध्र प्रदेश  अर राजस्थान मा घिमसाण  मचीं च ; घरेलु हिंसा मा ब्रॉन्ज मेडल पाणो बान उत्तरप्रदेश , महाराष्ट्र अर गुजरात मैराथन दौड़ मा शामिल छन ;  तो ममता बनर्जी खुस च कि घरेलू हिंसा का मामला मा क्वी बि भाजपा शाषित राज्य बंगाल का मुकाबला नि कर सकदन
 बंगालम तृणमूल कॉंग्रेस अर कम्युनिस्टों मा भाजपा तैं रुकणो बान प्रतियोगिता चलणि च , भाजपा तैं खदेड़णो  बान बंगाल मा कॉंग्रेस बि प्रतियोगिता करण चाणि च ; आतंकवादी घंघतोळ मा छन,  उहापोह मा छन , कन्फ्यूज छन कि भारत माँ घुसणो वास्ता आसाम बॉर्डर ठीक रालो या पश्चिम बंगाल बॉर्डर सही होलु ; याने आसाम अर पश्चिम बंगाल मा होड़ चलणि च कि आतंकवाद्यूं तैं ठौर -ठिकाणा , पनाह कु द्याल
उत्तराखंडी कॉंग्रेस्यूं मा प्रतियोगिता चलणि च कि हरीश रावत तैं गढ़वाल विरोधी कनकै साबित करे जावु। 
कश्मीर विधानसभा चुनाव मा भाजपा , पीडीपी अर नेसनल कोन्फेरेंस मा अलगाववाद्यूं तैं अपड़ तरफ खैंचणो खींचातानी चलणि च;  कॉंग्रेस चुनावी घिमसाण मा छैं इ नी च अर धारा 370 तपड़ा मा बैठिक रुणि च। 
भाजपा सुपर स्टार रजनी कान्त तैं भाजपा मा आणो न्यूत दीणी च , एडीएमके बि रजनीकांत का स्वागत मा खड़ी च , डीएमके सुचणी च हमर अच्छे दिन कब आल ?
गढ़वाली साहित्यकार बि गढ़वाल से पलायन , बांज पड़दि कुड़ी -पुंगड़ी विषयों पर बासी तिबासी साहित्य रचणो बान प्रतियोगिता करणा छन , फेसबुक मा बि फेसबुक्या उजड़दा कूड़ , टुट्यां -फुट्यां घट -घराट , दुफाड़ हुयां जंदर -उर्ख्यळु फोटो पोस्ट करणो प्रतियोगिता करणा छन अर हरेक 
शहरों मा फ़्लैट लीणो  बान कर्ज लीणो प्रतियोगिता मा शामिल छन।  





Copyright@  Bhishma Kukreti 19 /11 /2014       
*
लेख की   घटनाएँ ,  स्थान व नाम काल्पनिक हैं । लेख में  कथाएँ चरित्र , स्थान केवल व्यंग्य रचने  हेतु उपयोग किये गए हैं। 

Best of Garhwali Humor in Garhwali Language about Competition; Best of Himalayan Satire in Garhwali Language about Competition; Best of  Uttarakhandi Wit in Garhwali Language about Competition; Best of  North Indian Spoof in Garhwali Language ; Best of  Regional Language Lampoon in Garhwali Language about Competition; Best of  Ridicule in Garhwali Language about Competition; Best of  Mockery in Garhwali Language about Competition,; Best of  Send-up in Garhwali Language about Competition; Best of  Disdain in Garhwali Language about Competition; Best of  Hilarity in Garhwali Language about Competition; Best of  Cheerfulness in Garhwali Language about Competition ;  Best of Garhwali Humor in Garhwali Language from Pauri Garhwal about Competition; Best of Himalayan Satire in Garhwali Language from Rudraprayag Garhwal about Competition ; Best of Uttarakhandi Wit in Garhwali Language from Chamoli Garhwal about Competition; Best of North Indian Spoof in Garhwali Language from Tehri Garhwal about Competition; Best of Regional Language Lampoon in Garhwali Language from Uttarkashi Garhwal about Competition; Best of Ridicule in Garhwali Language from Bhabhar Garhwal; about Competition Best of Mockery  in Garhwali Language from Lansdowne Garhwal about Competition; Best of Hilarity in Garhwali Language from Kotdwara Garhwal about Competition; Best of Cheerfulness in Garhwali Language from Haridwar about Competition;

No comments:

Post a Comment

आपका बहुत बहुत धन्यवाद
Thanks for your comments