उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Thursday, June 8, 2017

"लोग "

गढ़वाळि का प्रसिद्घ गजलकार आदरणीय श्री पयाश पोखड़ा जी (जोशी जी) कि प्रेरणा से गढ़वाली गजल/गंज्यळि गीत लिखणै कोसिस मिन बि करी  | य गजल आदरणीय श्री पयाश पोखड़ा जि तैं समर्पित च : संदीप रावत, श्रीनगर गढ़वाल |
                              "लोग "
मुख ऐथर चिफळि गिच्ची करदन लोग
अर पीठ पैथर झूठी-सच्ची धरदन लोग |
हुणत्यळि डाळी का मौळंदा पात देखीक
झणि किलै जलड़ौंम छांछ  संग्ती डलदन लोग |
दूधौ-दूध पाण्यू-पाणि द्यिख्यें$द  सब्यूं
मुख सामणि मुखसौड़ा फिर्बी मरदन लोग |
सब्बि$ जगौं बण्यां रौंदन भौत पर्वाण
हैंका  तैंकम  झट्ट पक्वड़ी तलदन लोग |
जणदा नी बल मंत्र द्येखा बिच्छी को
सर्प द्वलणी हत्थ  फिर्बी कुचदन लोग |
मिल्द जब हे स्याळ ददा वळो पट्टा "संदीप "
अफ्वी औतारी अफ्वी पुजारी बणदन लोग |
       -------@संदीप रावत ,श्रीनगर गढ़वाल |