कुनस च तौं!'

गढ़वाली  कविता -नवीन डिमरी 'बादल '

Garhwali Poetry Collection Series 

-

कुनस च तौं!
काकी-बड्यूं अर मां-बैण्यूं तैं
जु बिना दै-दगड्या का
दस-बारा लडक्वाली ह्वेनी
अर बाजी-बाजी बगत त्
निराट बौणम्
उड्यार-उड्यारूं पण
गोर-भैंस्यूं की जन चरूं ब्यैनी,
ततीम् भी बचीं रैनी।
कुनस च तौं!
काकी-बड्यूं अर मां-बैण्यूं तैं
जु सदनी बौण-घsर भारा मूडी च्यपाडी रैनी
तब भी जौन "हे ब्वेsss" नि कैनी।
कुनस च तौं!
काकी-बड्यूं अर मां-बैण्यूं तैं,
जु घास-लाखडौंक् बाना
भेल - पखाणू ढमणाणी रैनी
अर सौणी रैनी कचाक्यूं की पीडा मsर-मsरीक
तब भी कैन हस्पताल नि पौंछेनी।
कुनस च तौं!
काकी-बड्यूं अर मां - बैण्यूं तैं
जौंकी हाथ - खुट्यूं की बिंवै कभी नि मौली
झंगोरा का बुसान भी।
कुनस च तौं!
काकी-बड्यूं अर मां-बैण्यूं तैं
जु नांगै खुट्टौन
बौण-घsर, धार-गाड, तडतडा घाम,
ह्यूं-पाला अर कांडा- कांडौम डबड्याणी रैनी।
भीतरी-भीतर आंसू बगैनी
पण तब भी जौनअपणी खैरी कैमा नी लगैनी।
अर भैरी-भैर हैंसणी रैनी।
कुनस च तौं!
---------0--------
© नवीन डिमरी 'बादल'

-

-

Garhwali Poems, Folk Songs , verses , ग़ज़ल्स, from Garhwal, Uttarakhand; Garhwali Poems, Folk Songs , verses from Pauri Garhwal, Uttarakhand; Garhwali Poems, Folk Songs , verses from Chamoli Garhwal, Uttarakhand गढ़वाल , उत्तराखंड ,हिमालय से गढ़वाली कविताएं , गीत ; पौड़ी  गढ़वाल , उत्तराखंड ,हिमालय से गढ़वाली कविताएं , गीत ; चमोली  गढ़वाल , उत्तराखंड ,हिमालय से गढ़वाली कविताएं , गीत ; रुद्रप्रयाग  गढ़वाल , उत्तराखंड ,हिमालय से गढ़वाली कविताएं , गीत ;  टिहरी गढ़वाल , उत्तराखंड ,हिमालय से गढ़वाली कविताएं , गीत ; उत्तरकाशी गढ़वाल , उत्तराखंड ,हिमालय से गढ़वाली कविताएं , गीत ; देहरादून   गढ़वाल , उत्तराखंड ,हिमालय से गढ़वाली कविताएं , गीत ;  हरिद्वार गढ़वाल , उत्तराखंड ,हिमालय से गढ़वाली कविताएं , गीत ; Ghazals from Garhwal, Ghazals from Uttarakhand; Ghazals from Himalaya; Ghazals from North India; Ghazals from South Asia, Couplets in Garhwali, Couplets in Himalayan languages , Couplets from north India  

d; Garhwali Poems, Folk Songs , verses from Rudraprayag Garhwal, Uttarakhand; Garhwali Poems, Folk Songs , verses from Tehri Garhwal, Uttarakhand; Garhwali Poems, Folk Songs , verses from Uttarkashi Garhwal, Uttarakhand; Garhwali Poems, Folk Songs , verses from Dehradun Garhwal, Uttarakhand; Garhwali Poems, Folk Songs , verses from Haridwar Garhwal, Uttarakhand; Himalayan Poetries, North Indian Poetries , Indian Poems, SAARC countries poems, Asian Poems 

Thanking You .