सिरड़/गुसा/चिंग्वात

Garhwali Satire on Anger  (विभू जोशी)

                 सिरड़,गुसा ह्वा चाये चिंग्वात आ मनखि की इ अवस्था

खड्वळुन्द लिजाण जुगा मन गाणि छन । सिरड़ सबसै पैलि वे मनिख कु हि उज्याड़  खान्द  जु हौरु फर सिरड़ेणु रैन्द । ब्वळणा  कु मतलब यो चा  कि सिरड़ सबसै पैलि अपड़ि मौ  खान्द । पर यो भि सच चा कि मनिख जीवन का दगड़ा-दगिड़ि सिरड़ भि हिटणीं रैन्द, ज्यांका वजै से आदिम दिन-राति फिनकौं मा इनु जळणु रैन्द, जनु अमलटु लखुडु मसमस कैकि भितर हि भितर फुक्कैकि  रंगुणु ह्वै जांद | बस  सिरड्या मनिख का हाल भि उनि समिझि ल्याव । सिरड़/ गुसा कनभानिक भला मिठ्ठु स्वभौ थैं भि इनै-उनै लमडै-पिच्गैकि चिंग्वत्या  स्वभौ कु बणै  दींद | जु लणैं झगड़ा अर तकणातकड़ कु खिर्तु  कराणु  रैन्द । भिण्यां दां सिरड्या  आदिम अपुणु गुस्सा थैं सै बताणा का बाना झणि कतगा  मसल,आणा-भ्वीड़ा अर बत्था  बिंगाणु रैंद । अपणि एक गल्ती थैं लुकाण छिपाणा  का बाना गुसा/ चिंग्वात  करण से त भलु यो च कि यीं  सिरड़ से हि कुछ सीख ल्हिये जा । सिरड़,गुसा अर चिंग्वात अपणा  ख्वाळ-द्वारम भि  बिक्क फौळ्ये दींद अर आदिमा  कि  जिकुड़ि कटफोड़ चखुळि बणि वैका भितर  उड्यार अर खगन-बिघन करिणि  रैन्द । इन लगद कि ताना,हिणतैं, नड़ाक,नाकटिंवाळ, भुक्खरा अर अणतोस आदिम फर गुसा अर सिरड़ ल्यदिं । कबरि-कबरि त बरसु  बटैकि नि छडयीं बिमरि, बुढ्यात,यकुंलास इनि  हौरि  भि कतगै बत्था गुस्सा  अर सिरड़ बढाणि रंदिन, पर यो कै भला अर सयणा  आदिमा  का लच्छन नि छन । जै बिरति, जै सगोर अर जै आदतल मयळ्दु  शरैळ, जिकुड़ि ठण्डकरै जा त इनि  बिरति, आदत कु नास टक लगैकि  करण चैन्द । य बात भि  सच चा कि हम हौरु  थैं अफु जन त नि बणै  सकदा  अर न अफु  थैं मारि  बांधिकि हौरि  जनै  ढळ्कै सकदंवा पर बरखा हूण फर बीज त खड्डै सकदंवा । दुसमनै हुणी  माने अपणा  भैर-भितरा  की सुख-शान्ति लुच्छणी । दुसमनै  त गुसा,सिरड़ अर चिंग्वात की भिभड्यट्या अगिन चा ।पैलि बटैकि  कै का बारा मा अपणो  मन ब्यग्ळ्याणु नि चैन्दु । पैलि वै थैं भलिकैकि हर्ती-बर्ती ल्हिण चैन्द । कै खुणै  कुछ ब्वलण से पैलि कुछ स्वचुणु  जरुरी हूंदा । जै गिच्चल तू ब्वळणा  वै गिच्चला तुम ब्वळणु सौंगु चा । गुसा,सिरड़ अर चिंग्वात जु अजकाला का टैम मा  हमरा खास स्वारा अर आबत-अस्नौ बण्यां छन अगर युं खुणै हम यकुळि नि  छोड़ि सकदवा त कम से कम युं म्वरणा फर  चुप त रै  सकदवा । मन मारिक,जीब डमै कै से सिरड़,गुसा थैं तैळ्या  मूंड धोळि त सकदवा । कम से कम वै थैं मैळ्या  मूंड आणा मा कुछ टैम त लगलो अर तबरि तक हम अपणा  भै-बन्दो  दगड़ छज्जा  मा बैठिकि  खुट्टि त लबणंदि त कैर सकदवां । त गुसा,सिरड़ अर चिगैं खुण कारा --- बै-बै--टा-टा ||

Copyright@ Vibhuti N Joshi (Joshi from Pokhara) 

Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;

Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes  

Thanking You .