जयुं बित्युं हैकर्स (Hackers ) बि मि तैं हैक किलै नि करणु च ?

(Best  of  Garhwali  Humor , Wits Jokes )

-

  चबोड़ , चखन्यौ , ककड़ाट  :::   भीष्म कुकरेती  

-

घरवळि - म्यार त भाग इ फूट्यां रैन सरा जिंदगी।  इथगा सालुंम एक दिन बि प्राइड फील नि कार कि मेरी बि क्वी औकात च इख मुंबई मा। 

मि -अरे केक भाग फूट्यां रैन ? भगवान की दया से सरलता से जिंदगी बीती अर तू छे कि ... 

घरवळि - अजी तुम तैं जनान्युं दुःख क्या पता ?

मि - हैं परसि तो तू गाइनोकोलौजिस्ट मा गे छै।  दस टेस्ट कराइन सब कुछ ठीक च और क्या दुःख ?

घरवळि -तुम मिसोजिनी (Misogyny ) सिद्धांतवादी छंवां। तो तुम तै क्या पता कि कज्याण्यूँ  परिवार  से भैर बि क्वी हौर दुःख हूंदन। 

मि -ह्यां अबै दैं क्या आग लग ?

घरवळि -आग ना बणाण्क लगीं च जिकुड़ी मा। 

मि - ह्यां पर ह्वाइ क्या च ?

घरवळि -क्या नि ह्वे सि मिसेज नम्बूदिपराद, श्रीमती मानसमारे , मिसेज राव , मिसेज कर्नाड क्या मिसेज शिंदे  आदि सब्युंन पार्टी दियाल अर मि पार्टी द्यों तो क्याकुण द्यूँ ?

मि -पार्टी ? क्योंकि पार्टी ?

घरवळि -हैकिंग पार्टी। 'वी आर हैक्ड ' पार्टी। 

मि -'वी आर हैक्ड ' पार्टी ?

घरवळि -हाँ यूँ सब्युं कम्प्यूटर हैक ह्वे गेन। 

मि - अरे कम्प्यूटर हैक ह्वेन तो खुसी म  पार्टी ? दुःख माँ बि क्वी पार्टी दींदो ?

घरवळि - तुम त कूप मिंडक ही छंवां तू तै क्या पता हैकिंग से क्या फैदा हूंदन। 

मि -हैकिंग से अर फैदा ?

मि -बीफ पार्टी अर मुंबई मा ?

घरवळि -नै नै हमर किटी क्लब मा जैन लोक बि छन तो वेज पार्टी ही हुन्दन 

मि - अर मिसेज मानुसमारेन किलै पार्टी दे ?

घरवळि - मिस्टर मानसमारे का कम्प्यूटर हैक ह्वे अर परभणी का मनवथ टाइम्स मा छुटि सि न्यूज आई कि मिस्टर  मानुसमारे आज बि तंत्र-मंत्र अर पशुबलि पर विश्वास करदन। 

मि -ये मेरी ब्वे। 

घरवळि -मिस्टर कर्नाड का कम्प्यूटर हैक ह्वे तो मैसूर क्रॉनिकल मा द्वी लाइन की न्यूज आइ कि कर्नाड बि कश्मीर मा जनमत संग्रह का खिलाप छन किन्तु हुर्रियत पर लगाम लगाणो खिलाफ छन।  बस दन से मिसेज कर्नाडन कोदा याने रागी पार्टी दे द्याई। 

मि -हैं ?

घरवळि - हाँ अर सबि जनान्युंन 'वी आर हैक्ड ' पार्टी दियाल।  अब सब मि तैं चिरड़ाणा छन कि तुमर मेल  किलै हैक नि ह्वेन । 

मि -व्हट नॉनसेंस ?

घरवळि -क्यांक नॉनसेंस।  अच्काल तो हैक्ड हूण स्टैंडर्ड की निशानी च।  सुणो कुछ बि कारो तुम अपण मेल हैक करावो अर रन्त रैबार मा हैकिंग की न्यूज छपावो। 

मि -अरे बेवकूफी की बात नि कौर।  हैकिंग हूण बि  क्वी स्टैंडर्ड की निशानी हूंद ?

घरवळि -द्याखौ जी अच्काल हैकिंग हूण मान सम्मान की पहचान च। 

मि -नै यु गलत च। 

घरवळि - देखो ! जु एक हफ्ता मा तुमर मेल हैक नि ह्वाइ त मीन अपण काका काकी इख भटे दिणन। 

मि - अच्छा अच्छा मि अपण मेल हैक करांदु।  मि द्वी चार फोन करदु। 

मि - हेलो बिष्ट  ! यार तू कै हैकर तै बि जणदि जु म्यार अकाउंट हैक कर द्यावो।  क्या ? तू बि हैकर की  खोज मा छे ? क्या ? त्यार अकाउंट हैक नि  होलु त तेरी वाइफ तेरी सास तै भट्याणो धमकी दीणि च ?

 -

Copyright@ Bhishma Kukreti , Mumbai India , 11 /6/ 2017 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।

-

 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;

Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes  

Thanking You .