पकड़ पकड़ पकड़ ले गुंठा

दिदा !
तिन हमतै 
भौत ठगै याळी 
द्यून्लू  त मि द्यून्लू 
क्वी हैंकु नि दे सकदु 
जु बि कन 
मिन कन 
इनु बोलि कै तिन 
हम तै भौत लले यालि 
पैलिदा कौथिग मा हमन 
झुमैलो 
तेरा ही दगड़ ल़गै 
पण अबरी दा
सोचि-समझी 
लगौंला गीत 
तू बींगी गे होलू 
हमरि धीत 
समझी ले 
हमारो मन 
निथर हैंकिदा 
हमन बि 
इनी कन 
पकड़ पकड़ पकड़ ले गुंठा..    

     डॉ नरेन्द्र गौनियाल सर्वाधिकार सुरक्षित ..narendragauniyal@gmail.com