धाद

जागि जा 
उठि जा 
रात पुरेगे 
बियण्या ऐगे
उज्यल़ू ह्वैगे
जु उठिगे 
वैन पै 
जु सियूँ रैगे 
वैन ख्वै 
सियाँ रैकि 
सिर्फ 
स्वीणा नि द्याखा  
जागि जा
उठि जा 
अपणु हक़ ल्या
हैंका हक़ द्या

बुरा कि ना 
भला कि हाँ
अत्याचार कु विरोध 
सदाचार कु समर्थन 
संगठन कि ताकत 
अभ्यास कि योग्यता 
लगन कि क्षमता 
एकटक ध्यान कि सफलता 

लगि जा 
काम-धंधा पर
उठि जा 
जागि जा
यी च रैबार
यी च फ़रियाद 
यी च सौगात 
यी च धाद 
  डॉ नरेन्द्र गौनियाल..सर्वाधिकार सुरक्षित ..narendragauniyal@gmail.com