उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Thursday, September 27, 2012

मै जगदि रै अर तू जलान्दी गै !

कोरा मन सी लगान्दी गै

त्वैमा अर मैमा फरक इदगी छ 

मै रोंदी गै अर तू रुलान्दी रै !


दोस त्यारू नि दोस म्यारू छै

बर्षों बीटि कुछ नि चितांदी गै

त्वैमा अर मैमा फरक इतगी छ

मै सुणदी रै अर तू सुणादी गै !


त्यरा बाना साथ कत्गों कु छोड़ी

यकुली आज गाणियों गणादी गै

त्वैमा अर मैमा फरक इतगी छ

मै झुरदी रै अर तू झुरान्दी गै !


रोई रोई ज्यू म्यारु ह्वै खारु

तू मुज्याँ खारा सुल्गांदी गै

त्वैमा अर मैमा फरक इतगी छ

मै जगदि रै अर तू जलान्दी गै !


प्रभात सेमवाल ( अजाण )सर्वाधिकार सुरक्षित 

No comments:

Post a Comment

आपका बहुत बहुत धन्यवाद
Thanks for your comments