जीति कि चुनौ

पैलि त खुटों मा सिवा
कनि लगान्दा छा
हाथ ज्वड़ी-ज्वड़ी कि कनि
छवीं लगान्दा छा 
काकी-बोडी,दिदा-भुला
इनी बुलांदा छा 
अब क्य ह्वै 
जु देखिकी बि 
बौगा मारंदा
बौग सारंदा

सुणदा नि छिन
बुलै बुलेकी
द्यखदा नि छन 
आन्द जांद 
जीति कि चुनौ 
किलै 
गंडगंडा हुयाँ छन 
किलै 
करकरा हुयां छन
किलै 
गरगरा हुयाँ छन 
किलै 
चळचल़ा हुयाँ छन 
किलै 
खळखल़ा हुयाँ छन.

       डॉ नरेन्द्र गौनियाल..सर्वाधिकार सुरक्षित .narendragauniyal@gmail.com