वीरेन्द्र पंवार की गंजेळी कविता (गजल)

वीरेन्द्र पंवार की गंजेळी कविता (गजल)

 

[गढवाली गजल, उत्तराखंडी भाषाई गजल, मध्य हिमालयी गजल, हिमालयी गजल, उत्तर भारतीय क्षेत्रीय भाषाई गजल , भारतीय क्षेत्रीय भाषाई गजल , दक्षिण एशियाई क्षेत्रीय भाषाई गजल , एशियाई क्षेत्रीय भाषाई गजल , लेखमाला ]

 

क्वी हाल नी दिखेणा चुचौं कुछ करा

पौड़ छन  पिछेणा चुचौं कुछ करा

 

नांगो छौ त नंगी ही रेगी नांग

तिमला छन खत्येणा चुचौं कुछ करा

 

अज्युं तलक बी मैर कखी त बांग देंद

कखि नि ऐ बियेण्या चुचौं कुछ करा

 

छाडिकी फटगीक  बीं बुखो इ पै

चौंळ छन बुस्येणा चुचौं कुछ करा

 

रड़दा  पौड़ टुटदा डांडौ   देख्यकी

ढुंगा छन खुदेणा चुचौं कुछ करा

 

द्व्वता सब्बि पोड्या छन बौंहड़

झणि कब होला दैणा चुचौं कुछ करा

 

Copyright@ Virendra Panwar, Paudi, 10/7/2012

गढवाली गजल, उत्तराखंडी भाषाई गजल, मध्य हिमालयी गजल, हिमालयी गजल, उत्तर भारतीय क्षेत्रीय भाषाई गजल , भारतीय क्षेत्रीय भाषाई गजल , दक्षिण एशियाई क्षेत्रीय भाषाई गजल , एशियाई क्षेत्रीय भाषाई गजल , लेखमाला जारी