जिकुड़ी मा लग्यूं तीर -a Garhwali Poem

कवि--डॉ नरेन्द्र गौनियाल

जिकुड़ी मा लग्यूं तीर अब त,प्राण लेकि ही रालो.
जब तलक चुभ्यूं च रैणि दे,इनि बूज सि छेद पर.

वींकी याद धरीं,जिकुड़ी का एक कूणा मा कुटरी सि.
अब  क्वी घचोर्याँ ना,फूटि जालि नासूर बणिकि.
मि बुनूं छौं त बुन दे,यु मेरो दिल कु गुबार च.
त्वे तै पीड़ च त सैले ज़रा,यु तेरो इम्तहान च.
इनु ना रुसै तू हमसे,कबि गलती से बि.
याद आलि जब त्वे,त तू सुरुक ऐ जै.
द्याखा छा जु सुपिना,ऊ सुपिना ही रैगीं.
जौंका बाना छौ खटेणू,ऊ आग बणिगीं.

य दुन्य बि कनि च,अपणोंन ही मारि लूट.
आंखि खुली पता चलि,माया जाळ यु झूठ.

          डॉ नरेन्द्र गौनियाल ...सर्वाधिकार सुरक्षित