उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Sunday, July 22, 2012

गढ़वाली छिटगा


कवि-डॉ नरेन्द्र गौनियाल
    ***बोर्ड इम्तहान***

सळ इनैं
सळ फुनैं
भैर-भितर
दौडा-दौड़
पटासुल्कणि
अर
छित्यकी
धारा एक सौ चवालीस.
***पुलिस***

कठबांस
मांकी-धीकी
आंसू गैस
तैड़ गोली
अर
मैना-मैना
च्या पाणि.
 
***पाणि विभाग****

फ्री टोंटी
यकुल्य़ा बाण
ब्लीचिंग पौडर
अर 
 माछयों कु सुरा.
 
***सरकारि अस्पताळ***

भैर बंगला
भितर कंगला
सफ़ेद गोळी
अर
सफ़ेद गुबारा.
 
***दारू***

पीणु-पिलाणु
लड़णु-झगडणु
बकणु-बहकणु
लटगिणु-फरकिणु
निकमी गाळी
गन्दी नाळी
अर
 खीसा खाली.
     डॉ नरेन्द्र गौनियाल..सर्वाधिकार सुरक्षित