असली अध्यापकौ/अध्यापिका की पछ्याणक

गढ़वाळि हास्य -व्यंग्यकोष -भाग -26      

                               Garhwali Satirical Dictionary part -26    

                       संकलन ::: भीष्म कुकरेती 

असली अध्यापक/अध्यापिका  सुपिन मा बि बरड़ान्द -सिट डाउन , स्टैंड आप , गेट आउट !

असली अध्यापक/अध्यापिका  बस मा , गोर मा , गप्प लगांद , खाणो पकांद , मीटिंग मा याने कखिम बि परीक्षा पत्र जांच लींदन 

असली अध्यापक/अध्यापिका पेन्सिल चबांदन 

असली अध्यापक/अध्यापिका जरा बच्चों समूह द्याख ना कि बुलण लग जान्दन - लाइन में , लाइन में , अनुशासन में 

असली अध्यापक/अध्यापिका बगैर सीट जँचयाँ परख्याँ कुर्सी / सीट पर नि बैठदन ऊँ तैं  हर समौ डौर रौंद कि विद्यार्थ्युंन सीट मा कुछ ना कुछ धर्युं होलु 

असली अध्यापक/अध्यापिका अपण लंच द्वी मिनट उन्नीस सेकंड मा खै लीन्दन

असली अध्यापक/अध्यापिका भविष्यवाणी कर लीन्दन कि ओपन हाउस मा कैक ब्वे -बाब बाब आल 

असली ग्रामीण  अध्यापक/अध्यापिका भविष्यवाणी कर लीन्दन कि क्वा मौ शरादुं मा बुलालि 

असली अध्यापक/अध्यापिका तैं बरोबर पता रौंद कि क्लास से रेस्टिंग रूम की दुरी कथगा मीटर अर कथगा सेंटीमीटर च 

असली अध्यापक/अध्यापिका अपण जिंदगी मा नया बहाना नि सुणदन 

असली अध्यापक/अध्यापिका का पास प्रिंसिपल , हेडक्लर्क का पता अर फोन फोन नंबर अवश्य हूंद 

प्राइवेट स्कुलौ /कॉलेजौ असली अध्यापक/अध्यापिका जाणदा छन कि स्कुल या कॉलेज प्रिंसिपल ना ट्रस्टी चलांदन 

असली अध्यापक/अध्यापिका जाणदा छन कि नियम ऊं पर लागू नि हून्दन 

ग्रेजुएट, ,  पीजी कॉलेज का असली अध्यापक/अध्यापिका अधिकतर पढाँद दैं बुल्दन - रीसेंट्ली इन 1937 . कारण यी नोट्स 1943 मा  अध्यापक/अध्यापिका का प्रोफेसर का प्रोफेसरन बणै छा

जब फौड़म पूछे जा बल खाणक कन च त असली अध्यापक/अध्यापिका कु  जबाब इन होलु -

-- खाणक स्वादम सी ग्रेड छौ किन्तु स्वास्थ्यौ  हिसाबन बी ग्रेड अर जनप्रतिक्रिया कु  हिसाबन कम्पार्टमेंट मा पास हूण लैक 

--बी ग्रेड अर पैलो मैनाक फौड़ से दस प्रतिशत सवादी किन्तु मर्च बीस प्रतिसत अधिक 

- बुड्यों कुण ठीक ठाक , छुट बच्चों ब्वेउँ तैं सावधानी बरतण  पोड़ल निथर ए  ग्रेड 

बरसात का मौसम मा मौसमौ बारा मा सवालो जबाब मा असली अध्यापक/अध्यापिका उत्तर इन ह्वे सकद -

-- आज अस्सी से नब्बे प्रतिशत हाजरी रालि 

-- आज हाजरी बहतर  प्रतिशत से कम ही होली   

--आज  अनुपस्थित बच्चों ब्वे बाबुंन डाक्टर मांगन सर्टिफिकेट लाणो जाण 

व्यंग्य शब्दकोश जारी रहेगा ……।
Bhishma Kukreti  14 /10/2014 

Garhwali Satire  Dictionary, Garhwali Satire  Dictionary collected and edited by born in village Jaspur ; Garhwali Satire  Dictionary collected and edited by born in Dhangu Patti ; Garhwali Satire  Dictionary collected and edited by born in Dwarikhal Block ; Garhwali Satire  Dictionary collected and edited by born in Gangasalan Pargana ; Garhwali Satire  Dictionary collected and edited by born in Lainsdowne Tehsil ; Garhwali Satire  Dictionary collected and edited by born in Pauri Garhwal ; Garhwali Satire  Dictionary collected and edited by born in Uttarakhand; Garhwali Satire  Dictionary collected and edited by born in Central Himalaya ;Garhwali Satire  Dictionary collected and edited by born in  North India;Garhwali Satire  Dictionary collected and edited by born in South Asia ;Garhwali Satire Dictionary; Garhwali send-up lexicon; Garhwali spoof vocabulary; Garhwali lampoon glossary; Garhwali Satire phrase book; word list; Garhwali Humor, Satire thesaurus;