भीष्म कुकरेती
अजकाल उत्तराखंड आपदा वजै से हंसण्या-चबोड़्या लेख लिख्याणु इ नी च तो मि अजकाल इंटरनेट माध्यमम गढ़वाळी साहित्य की खोजबीन करणु छौं.
आज मीन मेरा पहाड़ डॉट कौम मा गढ़वळि कवियों पर सर्वेक्षण कार कि कैक कथगा पाठक छन याने कै कवि तैं लोग कथगा दै विजिट करदन। तो सर्वेक्षण को फल तौळ च
merpahad.com मा दिनांक 19 जुलाई 2013 , सात बजी सुबेर कर्युं सर्वेक्षण
बाल कृष्ण ध्यानी अक्टूबर 2011 बिटेन पंवाण -- 90 -पेज --पाठक या विजिटर्स -46194 -हिंदी अरगढवाली कविता
पराशर गौड़,सितम्बर 2008 बिटेन पंवाण-- 13 पेज--पाठक या विजिटर्स-18836 -गढ़वळिकविता अर गढ़वाली व्यंग्य
डॉ नरेंद्र गौनियाल , मार्च 2012 बिटेन पंवाण-- 10 पेज--पाठक या विजिटर्स-11344 -गढ़वळिकविता , कथा अर कुछ हिंदी साहित्य
गीतेश नेगी , दिसम्बर 2010 बिटेन पंवाण-- 4पेज--पाठक या विजिटर्स-7412 -गढ़वळिकविता
विनोद जेठुड़ी, जनवरी 2011 बिटेन पंवाण-- 5 पेज--पाठक या विजिटर्स-6179 -गढ़वळिकविता
ब्रिजेन्द्र नेगी , अक्टोबर 2012 बिटेन पंवाण-- 12 पेज--पाठक या विजिटर्स-4827 -गढ़वळिकविता
वीरेन्द्र पंवार दिसम्बर 2011 बिटेन पंवाण-- 2 पेज--पाठक या विजिटर्स-3846 -गढ़वळिकविता
सुनीता शर्मा लखेड़ा, जुलाई 2012 बिटेन पंवाण-- 6 पेज--पाठक या विजिटर्स-3443 -गढ़वळिकविता, हिंदी -गढ़वाली गद्य
विजय गौड़, जुलाई 2012, बिटेन पंवाण--2 पेज--पाठक या विजिटर्स-1242 -गढ़वळिकविता
इखमा पाए गे बल बाल कृष्ण ध्यानी का विजिटर्स जादा छन.
आश्चर्य की बात च कि पराशर गौड़ जैन गढ़वाली साहित्य बान इंटरनेट माध्यम तै सबसे पैल अपणाइ वो विजिटर्स का मामला मा पैथर ही च.
जब मि बालकृष्ण ध्यानी क ब्लौग balkrishna-dhyani.blogspot.in मा ग्यों तो उखम बि चीन , फिनलैंड, कोल्हापुर , अमेरिका का पाठक पढ़ना छयाई या पिछ्ला चौबीस घंटा मा पाठकुन ब्लौग माप्रवेश कार. बाल कृष्ण ध्यानी ट्वीटर मा बि च तो फेस बुक माँ बि च
गूगल मा विजय गौड़ टाइप करण पर लोकरंग मा विजय गौड़ की कविता पैन याने विजय गौड़ को कोई अपण ब्लौग नी च या छैं च तोविजय गौड़ अपण ब्लौग को सर्च इंजिन मैक्शिमाइजेसन का बारा मा चिंतित नी च. गीतेश नेगी का भी तकरीबन यो ही हाल च.
डॉ नरेंद्र गौनियाल गूगल सर्च कारो तो गौनियल सबसे मथि बेडुपाको, फिर उत्तराखंड पत्रिका अर फिर मेरा पहाड़ अर पहाड़ी फोरम माँ गौनियाल दिखेंद
विनोद जेठुरी टाइप करण पर यू ट्यूब आन्दन , बुक ब्लौग अर फिर मेरा पहाड़ आंद.
सुनीता शर्मा लखेरा टाइप करण पेल मेरा पहाड़ आंद.
बालकृष्ण ध्यानी को विजिटर्स जादा किलै छन? कारण छन सबसे जादा साहित्य छपाण। अर फिर वै साहित्यौ विपणन ठीक से करण. शायद बालकृष्ण ध्यानी ही ट्वीटरपर च. यदि बाल कृष्ण ध्यानी को ब्लौग बि द्याखो तो ब्लौग बि आकर्षक च. जनसम्पर्क का मामला मा बि
बाल कृष्ण ध्यानी सबसे अगनै दिख्यांद।
धाँसू लेख याने धाँसू साहित्य- सबसे पैलि शर्त च कि किलिंग या धाँसू साहित्य लिखे जावो। शीर्षक बि आकर्षक होणि चयेंद। साहित्यकारौ एकि उदेश्य हूण चयेंद जब बि पाठक कै साहित्यकार को पेज मा जावो तो वै तैं अपण मन मा बुलण चएंद- यु बढ़िया साहित्य च, ये तैं मि बुकमार्क कौरि लींदु, अपण दगड्यों तैं ये साहित्य की सूचना बि दीण जरूरी च
नेटवर्किंग - दुसरो साहित्य की बड़ाई कारो। जथगा जगा संभव च अपण साहित्य पौंछावो। फेसबुक, ट्वीटर, सोसल मीडिया की सहायता ल्यावो।
दोस्तुं मदद ल्यावो -दोस्तों से अपण साहित्य पर टिप्पणी लिखवावो अर वूं तै साहित्य वितरण योगदान करवावो
ग्रुप बणावो- गढ़वाळी कवितौं बान कवियुं ग्रुप बणावों अर सहकारिता सिद्धांत पर गढवाली साहित्य को प्रचार -प्रसार कारो
भक्त पाठकुं पर हमेशा ध्यान- भक्त बंचनेरूं पर रोज ध्यान द्यावो।
नया पाठक ख्वाजो- नया पाठक ख्वाजो अर ऊं तैं भक्त पाठक मा बदलो
मथ्या सर्वेक्षण से सिद्ध होंद कि इंटरनेट मा साहित्य छपण ही काफी नि च बलकणम साहित्यौ विपणन याने प्रचार बि एक आवश्यक शर्त च.
Copyright@ Bhishma Kukreti 18 /7/2013
गढ़वाली - कुमाउँनी साहित्यकार सणि इंटरनेट मार्केटिंग,वेब मार्केटिंग कौंळ समजण चयेंद
इंटरनेट गढ़वळि- कुमाउँनी भाषौं बान आज तक का सबि माध्यमों बुबा शाबित ह्वे। गढ़वळि- कुमाउँनी साहित्यकार दुनिया का कै बि हिस्सा मा बंचनेर पाई सकदन।
इंटरनेट मा गढ़वळि साहित्यकारों मादे पाराशर गौड़न पहल करी छे अर जगमोहन जयाड़ा बि अगल्यार लीणम पैथर नि रैन। आज पराशर गौड़ , विजय कुमार मधुर , जगमोहन जयाड़ा , धनेश कोठारी, राजेन्द्र फरियादी, गीतेश नेगी, डा नरेंद्र गौनियाल, विजय गौड़, महेंद्र सिंह राणा , बालकृष्ण ध्यानी, सुनीता शर्मा, अनूप रावत, उदय राम ममगाईं, जिठुरी, प्रभात सेमवाल, बिजेंद्र नेगी , पीयूष दीप राजन, विमल नेगी, प्रदीप रावत , कबि कबि - दिनेश बिजल्वाण, भीष्म कुकरेती गढ़वळि साहित्य का इंटरनेट माध्यमम पछ्यण्या नाम छन। भौत सा कवियों क कविता आदि जू बि इंटरनेट मा मिल्दी वो अमूनन यूँ साहित्यकारोंन ही पोस्ट करीं छन।
इंटरनेट माध्यम मा गढ़वळि- कुमाउँनी साहित्यकार गढ़वळि- कुमाउँनी साहित्य की मूलभूत पारम्परिक समस्याओं अर इंटरनेट माध्यम की मूलभूत समास्याओं से रूबरू होण पड़द। जी हाँ ! गढ़वळि- कुमाउँनी साहित्यकारोंक समणि द्वी समस्या खड़ी रौंदन।
पारम्परिक मूल भूत समस्याओं बारा मा हैंक लेख मा मि छ्वीं लगौल। आज सिरफ इंटरनेट माध्यम की समस्या अर समाधान पर ही बात करे जावो तो ठीक रालो।
मि एक उदाहरण दींदु -जरा तुम गूगल सर्च मा जावो अर Garhwali Kvitaa वाक्य सर्च कारो त तुम पैल्या कि गूगल सर्च मा सबसे अळग पीयूष दीप राजन को ब्लौग दिख्यांद, फिर धनेश कोठारी को पहाड़ी फोरम आंद,तब लोकरंग को ब्लौग आंदो अर उख्मा सबसे पैल कविता विजय गौड़ की च। फिर नम्बर च जनवाणी मा जगदम्बा चमोली की कविता 'घट मूं'। तौळ यू टयूब मा एक ब्यौ मा मांगळ आदि छन, फिर हौर तौळ दिनेश बिजल्वाण की कविता आंदी, दुसर तिसर पेज मा मेरा आलोचनात्मक अंग्रेजी लेखों झडी लगि जांदी। .
याने कि गूगल सर्च को पैलो पेज मा धनेश कोठारी अर विजय गौड़ छोड़ि अर पीयूष , विमल छोड़ि कै हौरि कवि की कविता नी आंदन। आम खुजनेर या गूगल सर्चर तिसरू पेज का बाद सर्च बंद करी दींद। याहू सर्च का तो बुरा हाल छन।
अंग्रेजी मा Garhwali Poem सर्च कारो तो धनेश कुठारी छोड़ि बकै तकरीबन मेरा लेख सर्च मा आंदन।
जी हाँ इंटरनेट मा साहित्य प्रकाशित करण त ठीक च पण वै से जादा गूगल या याहू आदि सर्च इंजिन मा पैलो , दुसर या तिसुर पेज मा आपकी पोस्टिंग सर्च करद दै बि आण चयेंद। यदि मि 'गढ़वाली कविता' गूगल मा खुज्याणु छौं त मेकु धनेश कोठारी, विजय गौड़, पीयूष , विमलनेगी ही गढ़वाली कवि छन या मीन समजण कि इथगा हि कविता गढ़वाली मा उपलब्ध छन। जब कि इंटरनेट मा हजार से बिंडी कविता छपीं छन।
आखिर इन कुनगस किलै? यांको कारण च हमर साहित्यकार (सबसे जादा कविता ही छन ) इंटरनेट की मूल भूत तकनीक का बारा मा बिलकुल अनभिज्ञ छन।
आज अर अग्वाड़ी बि गढ़वळि- कुमाउँनी साहित्यकारों अपण पाठकों खोज का बान तैं हर समय इंटरनेट तकनीक को ख्याल रखण ही पोड़ल। अर यांकुण गढ़वळि- कुमाउँनी साहित्यकारों बान इंटरनेट मार्केटिंग या इंटरनेट विपणन पद्धति की समज जरूरी च।
जब बि साहित्यकार क्वी साहित्य छपांदु या किताब छपांद त तकरीबन अपण विपणन करद ही च। फ्री मा किताब दींद या समीक्षा लिखवांद , सभा-सोसाइट्यु म अपण साहित्य कि चर्चा करद या चर्चा करांद आदि आदि। इनि साहित्यकार तैं इंटरनेट पर कुछ गोरखधंधा या टुटब्याग (सकारात्मक टेक्नीक) करण पोड़द।
साहित्यकार को बान इंटरनेट मार्केटिंग माने - जादा से जादा पाठक बणाणो बान व्यब या इमेल द्वारा सूचना; छपवाणो बान साईट अर सही ब्लौग खुज्याण;सोसल मीडिया को उचित इस्तेमाल करण, जन सम्पर्क को इस्तेमाल , अर सबसे पैल यी दिखण कि सर्च इंजिन मा पैलो या दुसर पेज मा दिख्याण।
इंटरनेट मा साहित्यकारों तैं मंतर , तंतर अर जंतर (मन्त्र , तन्त्र और यंत्र )सणि समजण जरूरी च
पाठकुं मन याने पाठकुं आनंद, पाठकों प्रसिद्धि, पाठकों निश्चय , पाठकों भूतकाल वर्तमान अर भविष्य, पाठकों क अपणो अर्जित आत्मिक ज्ञान, पाठकों -मन , बुद्धि अर अहंकार का बारा माँ ज्ञान; पाठकों रौणै - खाणै इंतजाम ; पाठकों अभिलाषा , इच्छा , इच्छ्मर्दन शक्ति; पाठकों व्याकरण अर शब्द ज्ञान; पाठकों गुस्सा; पाठकों स्वास्थ्य अर पाठकों स्वास्थ्य सम्बन्धी संवेदनशीलता;पाठकों इतिहास से प्रेम; पाठकों प्रेम; पाठकों विद्या; पाठकों धार्मिक, सामाजिक अर राजनैतिक विश्वास; पाठकों ज्ञान माध्यम , पाठकों माँ कथगा समय च आदि का बारा मा साहित्यकार तै जणण जरूरी
साहित्यकार तैं इंटरनेट का आधारभूत तकनीक को ज्ञान बि जरूरी च जन कि सर्च इंजिन कन काम करद आदि।
युक्ति ही गढ़वळि- कुमाउँनी साहित्यकारों तै पाठक दिलै सकदी। राजेन्द्र कुंवर फरियादी अर कुछ हद तलक धनेश कोठारी ईं युक्ति तै जाणदन।
जादा से जादा साइटों मा गढ़वळि- कुमाउँनी साहित्य छपवाण
साहित्यकार को पैलो काम च जम्याँ जुम्याँ साइटों जन कि मेरापहाड़, बेडू पाको, लोकरंग, उत्तराखंड ई पत्रिका, छुयाँळ, पहाड़ी फोरम आदि मा अपण साहित्य छपवाण। जथगा जादा साइटों मा साहित्य छ्पो तथगा ही साहित्यकार तैं फैदा च।
सोसल मीडिया ग्रुप जन कि पौड़ी गढ़वाल, पहाड़ी, कुमाउनी -गढ़वाली , उत्तराखंड वासी -प्रवासी , यंग उत्तरांचल अदि मा द्वारा अपण साहित्य ऊंका सदस्यों तलक पौंचावो।
अपण ब्लौग बणावो अर ब्लौग मार्केटिंग कारो। इखमा धनेश कुठारी को काम प्रशंसनीय च। राजेन्द्र कुंवर फरियादी बादशाह च
फेस बुक मा जादा से जादा फ्रेंड बणावो अर अपणो साहित्य यूं तक फ्वाळो याने वितरण कारो। पाठकों तैं प्रेरित कारो अर अपण साहित्य पर लाइक टिक करवावो
फेस बुक मा हरेक ग्रुप मा अपण साहित्य प्रकाशित कारो। उखमा कुछ इन बंचनेर बणावो जो तुमारो साहित्य के चर्चा करणा रावन। राजेन्द्र कुंवर फरियादी , धरम बुटोला से सीख ल्यावो कि फेस बुक से कनो फायदा उठाण चयेंद।
इमेल मार्केटिंग को इस्तेमाल कारो।
पत्रकारों से इमेल द्वारा सम्पर्क कारो .अर ऊंखुण अपण साहित्य रेगुलर भ्याजो।
कुछ जनसम्पर्क का कम कारो जन कि राजेन्द्र कुंवर फरियादी करद। राजेन्द्र कुंवर फरियादी केवल अपण कविता नि प्रकाशित करद बलकण मा पाठकों तैं हिंदी मा टाइप कन करण सिखांद , हिंदी साहित्य मा क्या क्या हूणु च आदि की खबर बि दींद अर यासे राजेन्द्र कुंवर अपण भक्त पाठक अर भक्त दूत बणाणम कामयाब च। मी राजेन्द्र तैं प्रतिक्रिया द्यों ना द्यों पढ़न नि बिसरदो।
एक सामाजिक काम बि हाथ मा ल्यावो जां से लोग आप से जुड्या रावन। कुछ ना सै तो सामाजिक संस्थाओं की सूचना ही दींद जावो।
यदि तुमर अपण ब्लौग च त वै तैं हौर ब्लौगुं से जोड़ो अपण जाळ बिछाओ।
यदि आप साहित्यकार छंवां तो फेस बुक मा आम लोगुं जन क्रिया कलाप नि करण चयेंद याने खाली नमस्ते। गुड मोर्निंग या बगैर परिचय का फोटो आदि भिजण। फेस बुक का पाठक अपण साहित्यकार से कुछ हौरि चांदन ना कि बगैर परिचय का फोटो।
विषय तो अपण निर्धारित पाठकों हिसाब से हूण चयेंद, सब्युं तैं खुश करणै कोशिस कबि नि हूण चयेंद,. इंटरनेट मा जादा पाठक ना भक्त पाठकों से जादा फैदा होंद। भक्त पाठकों पर जोर द्यावो। विषय जरा हटके हूणि चयेंद। सामयिक विषयों पर बि प्रतीक नया होणि चयेंदन। पारम्परिक विषय जन कि गढवाल -कुमाऊँ की प्रशंसा, पलायन , विकास , भ्रष्टाचार जन विषयुं तैं नया मिजाज द्याव। इखमा मि तैं विजय गौड़ अग्वाड़ि दिख्यांद। गीतेश नेगी द्वारा प्रसिद्ध कवियों अनुवाद से वो अलग दिखेंद।
कै बि हिसाब से चाहे जोड़ तोड़ से हि सही पण अपण साहित्यौ चर्चा जरुर करावो। अपण साहित्यकार दगड्यों कुण व्यक्तिगत तौर पर साहित्य मेल कारो अर प्रतिक्रिया मंगाओ। यदि क्वी खुले आम तुमारि काट बि करणु च त आलोचना हूण दयावो उल्टां चर्चा मा भाग ल्यावो। मुखमुलज्या हूणै जरूरत नी च।
इन पाठक खुज्यावो जो तुमर साहित्य को विज्ञापन कारो।
साहित्यकार तैं सर्च करण वाळ पाठक सर्च करद दै कौं कौं शब्दों इश्तेमाल जादा करदन वांकि जानकारी अवश्य हूण चयेंद। यांसे साहित्यकार इंटरनेट मार्केटिंग रण नीति बणान्दू . अब एक आम गढवाली कविता प्रेमी त गढ़वाली -कविता या गढ़वाली पोयम या पोयट्री ही सर्च कारल कि ना? याने आपको ब्लौग या कविता पेज मा इन रणनीति हूण जरूरी च कि तुमर पेज गूगल या याहू सर्च मा पैलो या दुसर पेज मा आवो। क्या कारण च कि गढ़वाली कविता या गढ़वाली पोयट्री /पोयम खुज्यांद दै मेरा आलोचनात्मक लेख गूगल सर्च का पैला ना तो दुसर पेज मा आंदन जब कि कवियों कविता गूगल मा सर्च करद दै तिसरो पेज मा बि नि आंद। यांक खास कारण च कि गढ़वळि- कुमाउँनी कवियों न पठकों द्वारा खुज्यांद दै 'की वर्ड' प्रयोग पर कबि बि ध्यान नि दे। त जब बि आप अग्वाड़ी साहित्य प्रकाशित कारो तो वाई पेज मा इन इंतजाम कारो कि की वर्ड जरुर आवो
की वर्ड सामान्य या विशेष हूँदन जन कि - कविता शब्द एक सामान्य (जनरल ) शब्द च। अर कैक बस की बात नी च कि खुजनेर (सर्चर या पाठक ) कविता सर्च करद दै अपक ब्लौग गूगल का पैलो या दुसर पेज माँ ऐ जावो। तो गढ़वळि- कुमाउँनी साहित्यकारूं तैं विशेष शब्दों पर ध्यान दीण पोड़ल। कविता शब्द सामान्य शब्द च पण गढ़वळि कविता या कुमाउँनी कविता - 'कविता शब्द का मुकाबल विशेष शब्द च। किन्तु पराशर गौड़ , विजय कुमार मधुर , जगमोहन जयाड़ा , धनेश कोठारी, राजेन्द्र फरियादी, गीतेश नेगी, डा नरेंद्र गौनियाल, विजय गौड़, महेंद्र सिंह राणा , बालकृष्ण ध्यानी, सुनीता शर्मा, अनूप रावत, उदय राम ममगाईं, जिठुरी, प्रभात सेमवाल, पीयूष दीप राजन, विमल नेगी, प्रदीप रावत की कविताओं वास्ता 'गढवाली कविता' एक सामन्य शब्द या वाक्य ह्वे ग्यायी। अब यु इनि च जन नेगी , रावत बिष्ट शब्द सामन्य शब्द छन पण रिखोला नेगी , कुरैला रावत, पड्यार बिष्ट विशेष की वर्ड ह्वे गेन। एक मामला मा कुकरेती शब्द बि सामान्य शब्द च अर यदि कुकरेती शब्द गूगल सर्च करद दै टाइप करे जावो तो गूगल का तीन चार पेज तलक म्यार नाम याने भीष्म कुकरेती को नाम कखी नि आंद किलैकि मीन कबि बि कुकरेती शब्द पर ध्यान नि दे या इन जतन नि कार कि गूगल सर्च करद दै गूगल मा पैलो पेज मा मेरो नाम आवो। पण जनि कुकरेती कास्ट टाइप कारो तो गूगलौ पैल पेज मा भीष्म कुकरेती आइ जांदो। नेगी टाइप करण पर गीतेश नेगी कखी नि आंदो। आखिर क्या कारण च कि इथगा साहित्य प्रकाशित करणों बाद भि मी या गीतेश नेगी सर्च को मामला मा पिछड्या छंवाँ। यांक कारण च हमन की वर्ड कुकरेती या नेगी (द्वी सामने वर्ड छन ) पर ध्यान नि दे। सामन्य वर्ड से विशेष की वर्ड की तरफ जाण मा ही फैदा च।
की वर्ड औप्टीमाइजेसन को अर्थ होंद आपका पेज माँ वू शब्द हूण चएंदन जो पाठक खुज्यान्दन। की वर्ड वाहुल्यता ही पाठकों तै साहित्यकार का पेज तलक लांदी।
की वर्ड याने विशेष शब्द या वाक्य
विशेष शब्द ही फायदामंद होंदन। एक उदाहरण दींदु।
सटायर पोयम्स एक सामन्य शब्द च। ये शब्द या फ्रेज को प्रयोग से की वर्ड औप्टीमाइजेसन भौत ही कठण च। किलैकि सामन्य शब्दों मा प्रतियोगिता अंदा दुंद रौंद।
मीन एक लेख लेखि छौ Uktat: a Garhwali Satirical Poems by Harish Juyal
इखमा Satirical Poems विशेष शब्द बौण अर मेरो ये लेख मा Satirical Poems शब्द जादा बि छया तो कुछ मैना तलक Satirical Poems सर्च करण पर गूगल सर्च मा मेरो लेख सबसे मथि याने पैलो नम्बर पर राई। द्वी तीन साल तक Satirical Poems सर्च मा मेरो लेख गूगल मा पैलो पेज मा राई अब दुसर पेज मा ऐ ग्यायि कारण ये शब्द मा अब प्रतियोगिता बढ़ी गे।
गूगल सर्च मा Garhwaali satire टाइप कारो तो गूगल सर्च को पैलो पेज मा अधिसंख्य लेख म्यरा हि आंदन याने कि अबि प्रतियोगिता नि ह्वे अर Garhwali satire एक विशेष शब्द च। हिंदी मा गढ़वाली व्यंग्य सर्च कारो तो गूगल मा मेरा ही लेख पैला पेज मा आंदन। किन्तु म्यार गढवाली मा लिख्याँ व्यंग्य लेख पेज कखि बि गूगल सर्च मा नि आंद किलैकि मीन कबि बि अपण 'चबोड्या लेखुं' बान की वर्ड औप्टीमाइजेसन ब्यूंत नि अपणाइ।
गढ़वाली लोक गीत टाईप करण पर बि म्यार एक लेख गूगल सर्च मा दुसर पेज मा ऐ जांदो जब कि पेड ब्लौगुं दगड़ 'गढ़वाली लोक गीत' शब्दों मामला मा भयंकर प्रतियोगिता च। याने कि मीन कखि ना कखि की वर्ड औप्टीमाइजेसन या सर्च इंजिन औप्टीमाइजेसन मा ध्यान दे च।
की वर्ड को दोहराव - की शब्द मा दुहराव हूण जरूरी च।
की वर्ड घनत्व -की वर्ड घनत्व या की वर्ड वेट /की वर्ड भार को अर्थ होंद पेज माँ सबि शब्दों मुकाबला मा की वर्ड को प्रतिशत क्या च। तीन से सात प्रतिशत की वर्ड्स ठीक माने जांदन.
पर्यायवाची शब्द याने की वर्ड प्रोक्जिमेटी - की वर्ड का पर्यायवाची शब्द बि आवश्यक होंदन। पर्यायवाची शब्द बि की वर्ड घनत्व बढ़ान्दन।
की वर्ड कु पेज मा स्थिति - हेडिंग , और पैला बीस शब्दों मा की वर्ड को महत्व सर्च इंजिन औप्टीमाइजेसन का वास्ता महत्वपूर्ण होंदन।
ब्लौग मा मैटा टैग आदि माँ की वर्ड - साईट या ब्लौंगुं टैग , मैटाटैग आदि माँ की वर्ड आवो तो सर्च इंजिन मा अग्वाड़ी आणो संम्भावना बढ़ जांदी।
कविता पेज मा की वर्ड कनकै लाये जावो?
बात सै च कि गद्य मा त की वर्ड्स लाण सरल च पण कविता मा लाण नुकसानदायक च।
यांकुण हरेक कविता से पैल एक लाइन मा की वर्ड अर कविता समाप्ति बाद कुछ लाइन इन व्यवस्थित कारो कि की वर्ड औप्टीमाइजेसन प्राप्ति ह्वे जावो।
सर्च इंजिन औप्टीमाइजेसन को अर्थ होंद वो तारकीब/ ब्योंत जाँ से आपका ब्लौग या पेज मा ट्रैफिक बढ़ोतरी ह्वावो। ट्रैफिक बढ़ोतरी याने सर्च इंजिन (गूबल , याहू सर्च साईट ) मा जब भि पाठक सर्च कारो तो आपको पेज पैलो या दुसर पेज मा आई जावो। पाठक तिसर पेज आंद आंद थकि जांद।
सर्च इंजिन औप्टीमाइजेसन केवल साहित्यकार से नि बलकणम साईट अर ब्लॉग को कंडकटर पर जादा निर्भर करद। इलै आप दिखिल्या कि आपको क्वी लेख /कविता कै ब्लौग मा /गूगल याहू सर्च मा पैलो पेज मा ऐ जांद अर वही लेख /कविता दुसर ब्लौग सर्च मा नि आंदो
की वर्ड की बहुतायत - आपका पेज मा की वर्ड की बहुतायत हूण चयेंद जांसे कि सर्च इंजिन (यो एक तकनीक को नाम च ) आपका पेज तैं सर्च साईट मा पैलो या दुसर पेज मा लावो। आपका पेज मा कम से कम तीन प्रतिशत अर जादा से जादा ग्यारा प्रतिशत की वर्ड ह्वावन तो समजी ल्यावो कि आपको पेज सर्च साईट मा पैलो , दुसर अर तिसुर पेज मा ऐ सकुद। पण इक्हम बि प्रतियोगिता चलणि रौंदी अर जो बि की वर्ड औप्टीमाइजेसन माँ अग्वाड़ी रालो वो ही जीतल।
किंतु की वर्ड को भिभड़ाट बि सर्च इंजिन पछ्याण जांद तो की वर्ड को बाहुल्य बि होसियारी से करण पोड़द।
ब्लौग वाळ गूगल टूल बार से सर्च इंजिन औप्टीमाइजेसन फल ( रिजल्ट )देखि सकदन।
साहित्यकारों तैं हफ्ता मा दिखण चयेंद कि ऊंको शीर्षक को गूगल सर्च मा क्या स्थिति च।
यदि आपक ब्लौग च तो आप तैं सर्च इंजिन औप्टीमाइजेसन का नियम अपनाण चयेंदन। इख पर लम्बो लेख ह्वे जालो।
गढवाली अर कुमाउंनी साहित्यकारों तै पर्यटन , भूगोल , इतिहास, गीत , राजनैतिक , लोक गीतू, विकासवादी विषयों पर पेड साइटों दगड़ गलाकाट प्रतियोगिता करण पोड़द। मि तैं अपण इतिहास लेखों मामला मा टूरिस्ट साइटों दगड़ प्रतियोगिता करण पड़णु च अर अबि बि पेड साईट ही जितणा छन।
अर तबि बि पेड या गूगल सर्च समर्थित ब्लौंगुं दगड़ प्रतियोगिता जीतिक ही अपण पाठकों संख्या बढ़ाण पोड़ल। विशेष शब्दों पर ध्यान देकी या जंग जिते जालि।
Copyright@ Bhishma Kukreti 17 /7/2013
Contact 9920066774
गढ़वाली साहित्यकार, पौड़ी गढ़वाल के गढ़वाली साहित्यकार; टिहरी गढ़वाल के गढ़वाली कवि व साहित्यकार;चमोली गढ़वाल के गढ़वाली साहित्यकार व लेखक ;रुद्रप्रयाग गढ़वाल के गढ़वाली साहित्यकार;उत्तरकाशी गढ़वाल के गढ़वाली साहित्यकार; देहरादून गढ़वाल के गढ़वाली साहित्यकार; बद्रीनाथ घाटी गढ़वाल के गढ़वाली साहित्यकार; सहारनपुर में बसे गढ़वाली साहित्यकार;दिल्ली में बसे गढ़वाली साहित्यकार;हरियाणा में बसे गढ़वाली साहित्यकार;चंडीगढ़ में बसे गढ़वाली साहित्यकार; पंजाब में बसे गढ़वाली साहित्यकार;राजस्थान में बसे गढ़वाली साहित्यकार; उत्तर प्रदेश निवासी गढ़वाली साहित्यकार; महाराष्ट्र निवासी गढ़वाली साहित्यकार; दक्षिण भारत निवासी गढ़वाली साहित्यकार;प्रवासी गढ़वाली साहित्यकार;विदेशों में रह रहे गढ़वाली साहित्यकार;दुबई में रह रहे गढ़वाली साहित्यकार;कनाडा में रह रहे गढ़वाली साहित्यकार; कुमाउंनी साहित्यकार कवि; पिथोरागढ़ कुमाऊं के कुमाउंनी साहित्यकार कवि;अल्मोड़ा कुमाऊं के कुमाउंनी साहित्यकार कवि; नैनीताल कुमाऊं के कुमाउंनी साहित्यकार कवि;चम्पावत कुमाऊं के कुमाउंनी साहित्यकार लेखक , कवि;बागेश्वर कुमाऊं के कुमाउंनी साहित्यकार लेखक , कवि;उधम सिंह नगर कुमाऊं के कुमाउंनी साहित्यकार और लेखक , कवि; उत्तर प्रदेश के प्रवासी कुमाउंनी साहित्यकार और लेखक , कवि; दिल्ली के प्रवासी कुमाउंनी साहित्यकार लेखक , उपन्यासकार , कवि; पंजाब के प्रवासी कुमाउंनी साहित्यकार और लेखक , उपन्यासकार , कवि; हरियाणा प्रवासी कुमाउंनी साहित्यकार लेखक , उपन्यासकार , कवि;महाराष्ट्र प्रवासी कुमाउंनी साहित्यकार लेखक , उपन्यासकार , कवि;मुंबई प्रवासी कुमाउंनी साहित्यकार और लेखक , उपन्यासकार , कवि;मुंबई प्रवासी गढ़वाली साहित्यकार लेखक , उपन्यासकार , कवि; दक्षिण भारत में प्रवासी कुमाउंनी साहित्यकार , लेखक , उपन्यासकार , कवियों तैं इंटरनेट मार्केटिंग ज्ञान जरूरी च श्रृंखला जारी
गढ़वळि- कुमाउँनी साहित्य तैं फेस बुक माध्यम से फैदा
भीष्म कुकरेती
ब्रिटिश राज बिटेन गढ़वळि- कुमाउँनी भाषा तैं अफु तैं बचाण अर विकास करणों बाण भौत मेनत करण पोड़। आज शिक्षा माँ परिवर्तन अर अंदादुंद भजण/भजेड़ु (पलायन) से गढ़वळि- कुमाउँनी कु वजूद ही खतम हूणों अंदेशा ह्वे ग्ये।
इन मा यो जरूरी च बल गढ़वळि- कुमाउँनी भाषाओं तैं इन माध्यमों जरुरत पड़ी गे जू नयी साखी मा गढ़वळि- कुमाउँनी लगाव/प्रेम जगावो।
यद्यपि इन्टरनेट अबि भारतम केवल आठ प्रतिशत लोगुन तक ही पौंच फिर भि इंटरनेट मो महत्व गढ़वळि- कुमाउँनी भाषाओं बाण बढ़ी गे किलैकि इन्टरनेट माध्यम से गढ़वळि- कुमाउँनी साहित्य बगैर खर्च कर्याँ बंचनेरूं (पाठक ) कुण उपलब्ध ह्वे जांद। फिर इंटरनेट धारक एक इलीट पाठक बि च तो समाज मा इंटरनेट धारक की कखि न कखि चलदी च तो ये पाठक पर घ्यारा (घेरा) डाळन आवश्यक बि च।
इंटरनेट माँ एक नयो, नायब आयाम या माध्यम जुड़ आर वै माध्यम को नाम च फेस बुक।
फेस बुक इनि च जन गांवुं मा संजैत या व्यक्तिगत चौंतरौं माँ छुंयाळ छ्वीं लगांदन। अर हम सब्युं तैं पता च बल चौंतरा मा बैठ्याँ छुंयाळु जनसम्पर्क अर छ्वीं इना उना भिजणो बडो महत्व च। फेस बुक मा अधिकतर युवा पीढ़ी जुड़ी च। गढ़वळि- कुमाउँनी साहित्यौ वास्ता
नै छिंवांळि से जुड़णो एक असरदार अर फैदामंद माध्यम च।
फेस बुक मा क्या क्या ह्वे सकद
फेस बुक मा गढ़वळि- कुमाउँनी साहित्यौ प्रचार , प्रसार , संरक्षण का बहुत सा काम ह्वे सकदन। जो अन्य माध्यमों मा सरल नी च।
फेस बुक से साहित्यकार अपण मन माफिकौ हजारों लोगुं से व्यक्तिगत स्तर पर जुड़ि सकदन अर अपण साहित्य ऊं तक पौंछे सकदन।
फेस बुक मा आप बंचनेरूं प्रतिक्रिया अर रिसर्च माध्यम से गढ़वळि- कुमाउँनी साहित्यकार बंचनेरूं रूचि जाणि सकुद
फेस बुक से चूँकि साहित्यकार अपण मन माफिक दगड्या खुज्यांद तो अमूनन साहित्यकार तैं विश्सनीय पाठक मिल जांदन।
ग्रुप बणाण
फेस बुक की खासियत च कि इख्मा क्वी बि अपण ग्रुप बणै सकद अर अपण बातों आदान प्रदान कौर सकुद
फेस बुक मा साहित्यकार रोज नया पाठक ज़ोड़ी सकुद।
यदि साहित्यकारन अपण ब्लौग बणायूं च तो वो अपण ब्लौग मुतालिक सूचना फेस बुक से हजारों लोगुं तक पौंछे सकुद। गढ़वळि साहित्यकारों मादे सुनीता शर्मा , बालकृष्ण भट्ट, अनूप रावत, विजय गौड़, राजेन्द्र कुंवर फरियादी , गीतेश नेगी, प्रभात सेमवाल आदि अपण व्यक्तिगत साहित्य संबंधी ब्लौग को प्रचार प्रसार करणा रौंदन।
इनि निखालिस गढ़वळि- कुमाउँनी भाषाई ब्लौग जन कि छुयाँळ या पहाड़ी फोरम बि अपण ब्लौग को प्रचार प्रसार फेस बुक से करदन अर फेस बुक से लाभ उठांदन।
बड़ी साइटों जन कि मेरा पहाड़, बेडू पाको , लोकरंग, उत्तराखंड- ई-पत्रिका आदि बि अपन ब्लौग तैं फेस बुक का द्वारा प्रचारित करणा रौंदन।
प्रकाशन की सूचना
फेस बुक से साहित्यकार अपण किताबु प्रकासन की सूचना दे सकुद
फेस बुक पाठकों रूचि जाणणो सबसे बडो माध्यम च जो गढ़वळि- कुमाउँनी साहित्यकारों सणि हौर ऑफलाइन माध्यमों मा उपलब्ध नी च
फेस बुक गढ़वळि- कुमाउँनी कवियों कुण एक महान बरदान च। फेस बुक मा अपणी कविता डाळो अर फटाफट बंचनेरूं प्रतिक्रिया पाओ।
गढ़वळि- कुमाउँनी गद्य माध्यम को विकास
हालांकि फेस बुक मा गढ़वळि- कुमाउँनी गद्य तैं उथगा पाठक नि मिल्दन जथगा गढ़वळि- कुमाउँनी पद्य तैं मिलदन पण यदि विषय आकर्षित ह्वावो तो गढ़वळि- कुमाउँनी बान फेस बुक से बढ़िया माध्यम मिलण कठण च।
समाचार सूचना से गढ़वळि- कुमाउँनी पढ़ाण ढबाण
यदि समाचार या सूचना गढ़वळि- कुमाउँनी मा दिए जावो तो जौं लोगुं तैं गढ़वळि- कुमाउँनी बंचण मा औसंद आंदी वो रोज गढ़वळि- कुमाउँनी सूचना पौढ़ीक ढबे जाला
भक्त पाठक बणाणो नायब माध्यम
फेस बुक से साहित्यकार समर्पित पाठक तैयार करि सकुद।
साहित्यकारों तैं केवल समर्पित पाठक हि नि चएंदन बलकण मा इन देव दूत पाठक बि चएंदन जो साहित्यकार को प्रचार -प्रसार बि कारन। फेस बुक से गढ़वळि- कुमाउँनी साहित्यकार अपण देव दूत तियार करि सकदन जो साहित्यकार को प्रचार प्रसार कारन।
फेस बुक गढ़वळि- कुमाउँनी भाषा सहित्यौ बान एक संजीवनी बणिक आई तो गढ़वळि- कुमाउँनी साहित्यकारों तैं फेस बुक से फायदा उठाण चयेंद
Copyright@ Bhishma Kukreti 15/7/2013
अजकाल उत्तराखंड आपदा वजै से हंसण्या-चबोड़्या लेख लिख्याणु इ नी च तो मि अजकाल इंटरनेट माध्यमम गढ़वाळी साहित्य की खोजबीन करणु छौं.
आज मीन मेरा पहाड़ डॉट कौम मा गढ़वळि कवियों पर सर्वेक्षण कार कि कैक कथगा पाठक छन याने कै कवि तैं लोग कथगा दै विजिट करदन। तो सर्वेक्षण को फल तौळ च
merpahad.com मा दिनांक 19 जुलाई 2013 , सात बजी सुबेर कर्युं सर्वेक्षण
बाल कृष्ण ध्यानी अक्टूबर 2011 बिटेन पंवाण -- 90 -पेज --पाठक या विजिटर्स -46194 -हिंदी अरगढवाली कविता
पराशर गौड़,सितम्बर 2008 बिटेन पंवाण-- 13 पेज--पाठक या विजिटर्स-18836 -गढ़वळिकविता अर गढ़वाली व्यंग्य
डॉ नरेंद्र गौनियाल , मार्च 2012 बिटेन पंवाण-- 10 पेज--पाठक या विजिटर्स-11344 -गढ़वळिकविता , कथा अर कुछ हिंदी साहित्य
गीतेश नेगी , दिसम्बर 2010 बिटेन पंवाण-- 4पेज--पाठक या विजिटर्स-7412 -गढ़वळिकविता
विनोद जेठुड़ी, जनवरी 2011 बिटेन पंवाण-- 5 पेज--पाठक या विजिटर्स-6179 -गढ़वळिकविता
ब्रिजेन्द्र नेगी , अक्टोबर 2012 बिटेन पंवाण-- 12 पेज--पाठक या विजिटर्स-4827 -गढ़वळिकविता
वीरेन्द्र पंवार दिसम्बर 2011 बिटेन पंवाण-- 2 पेज--पाठक या विजिटर्स-3846 -गढ़वळिकविता
सुनीता शर्मा लखेड़ा, जुलाई 2012 बिटेन पंवाण-- 6 पेज--पाठक या विजिटर्स-3443 -गढ़वळिकविता, हिंदी -गढ़वाली गद्य
विजय गौड़, जुलाई 2012, बिटेन पंवाण--2 पेज--पाठक या विजिटर्स-1242 -गढ़वळिकविता
इखमा पाए गे बल बाल कृष्ण ध्यानी का विजिटर्स जादा छन.
आश्चर्य की बात च कि पराशर गौड़ जैन गढ़वाली साहित्य बान इंटरनेट माध्यम तै सबसे पैल अपणाइ वो विजिटर्स का मामला मा पैथर ही च.
जब मि बालकृष्ण ध्यानी क ब्लौग balkrishna-dhyani.blogspot.in मा ग्यों तो उखम बि चीन , फिनलैंड, कोल्हापुर , अमेरिका का पाठक पढ़ना छयाई या पिछ्ला चौबीस घंटा मा पाठकुन ब्लौग माप्रवेश कार. बाल कृष्ण ध्यानी ट्वीटर मा बि च तो फेस बुक माँ बि च
गूगल मा विजय गौड़ टाइप करण पर लोकरंग मा विजय गौड़ की कविता पैन याने विजय गौड़ को कोई अपण ब्लौग नी च या छैं च तोविजय गौड़ अपण ब्लौग को सर्च इंजिन मैक्शिमाइजेसन का बारा मा चिंतित नी च. गीतेश नेगी का भी तकरीबन यो ही हाल च.
डॉ नरेंद्र गौनियाल गूगल सर्च कारो तो गौनियल सबसे मथि बेडुपाको, फिर उत्तराखंड पत्रिका अर फिर मेरा पहाड़ अर पहाड़ी फोरम माँ गौनियाल दिखेंद
विनोद जेठुरी टाइप करण पर यू ट्यूब आन्दन , बुक ब्लौग अर फिर मेरा पहाड़ आंद.
सुनीता शर्मा लखेरा टाइप करण पेल मेरा पहाड़ आंद.
बालकृष्ण ध्यानी को विजिटर्स जादा किलै छन? कारण छन सबसे जादा साहित्य छपाण। अर फिर वै साहित्यौ विपणन ठीक से करण. शायद बालकृष्ण ध्यानी ही ट्वीटरपर च. यदि बाल कृष्ण ध्यानी को ब्लौग बि द्याखो तो ब्लौग बि आकर्षक च. जनसम्पर्क का मामला मा बि
बाल कृष्ण ध्यानी सबसे अगनै दिख्यांद।
धाँसू लेख याने धाँसू साहित्य- सबसे पैलि शर्त च कि किलिंग या धाँसू साहित्य लिखे जावो। शीर्षक बि आकर्षक होणि चयेंद। साहित्यकारौ एकि उदेश्य हूण चयेंद जब बि पाठक कै साहित्यकार को पेज मा जावो तो वै तैं अपण मन मा बुलण चएंद- यु बढ़िया साहित्य च, ये तैं मि बुकमार्क कौरि लींदु, अपण दगड्यों तैं ये साहित्य की सूचना बि दीण जरूरी च
नेटवर्किंग - दुसरो साहित्य की बड़ाई कारो। जथगा जगा संभव च अपण साहित्य पौंछावो। फेसबुक, ट्वीटर, सोसल मीडिया की सहायता ल्यावो।
दोस्तुं मदद ल्यावो -दोस्तों से अपण साहित्य पर टिप्पणी लिखवावो अर वूं तै साहित्य वितरण योगदान करवावो
ग्रुप बणावो- गढ़वाळी कवितौं बान कवियुं ग्रुप बणावों अर सहकारिता सिद्धांत पर गढवाली साहित्य को प्रचार -प्रसार कारो
भक्त पाठकुं पर हमेशा ध्यान- भक्त बंचनेरूं पर रोज ध्यान द्यावो।
नया पाठक ख्वाजो- नया पाठक ख्वाजो अर ऊं तैं भक्त पाठक मा बदलो
मथ्या सर्वेक्षण से सिद्ध होंद कि इंटरनेट मा साहित्य छपण ही काफी नि च बलकणम साहित्यौ विपणन याने प्रचार बि एक आवश्यक शर्त च.
Copyright@ Bhishma Kukreti 18 /7/2013
गढ़वाली - कुमाउँनी साहित्यकार सणि इंटरनेट मार्केटिंग,वेब मार्केटिंग कौंळ समजण चयेंद
इंटरनेट गढ़वळि- कुमाउँनी भाषौं बान आज तक का सबि माध्यमों बुबा शाबित ह्वे। गढ़वळि- कुमाउँनी साहित्यकार दुनिया का कै बि हिस्सा मा बंचनेर पाई सकदन।
इंटरनेट मा गढ़वळि साहित्यकारों मादे पाराशर गौड़न पहल करी छे अर जगमोहन जयाड़ा बि अगल्यार लीणम पैथर नि रैन। आज पराशर गौड़ , विजय कुमार मधुर , जगमोहन जयाड़ा , धनेश कोठारी, राजेन्द्र फरियादी, गीतेश नेगी, डा नरेंद्र गौनियाल, विजय गौड़, महेंद्र सिंह राणा , बालकृष्ण ध्यानी, सुनीता शर्मा, अनूप रावत, उदय राम ममगाईं, जिठुरी, प्रभात सेमवाल, बिजेंद्र नेगी , पीयूष दीप राजन, विमल नेगी, प्रदीप रावत , कबि कबि - दिनेश बिजल्वाण, भीष्म कुकरेती गढ़वळि साहित्य का इंटरनेट माध्यमम पछ्यण्या नाम छन। भौत सा कवियों क कविता आदि जू बि इंटरनेट मा मिल्दी वो अमूनन यूँ साहित्यकारोंन ही पोस्ट करीं छन।
इंटरनेट माध्यम मा गढ़वळि- कुमाउँनी साहित्यकार गढ़वळि- कुमाउँनी साहित्य की मूलभूत पारम्परिक समस्याओं अर इंटरनेट माध्यम की मूलभूत समास्याओं से रूबरू होण पड़द। जी हाँ ! गढ़वळि- कुमाउँनी साहित्यकारोंक समणि द्वी समस्या खड़ी रौंदन।
पारम्परिक मूल भूत समस्याओं बारा मा हैंक लेख मा मि छ्वीं लगौल। आज सिरफ इंटरनेट माध्यम की समस्या अर समाधान पर ही बात करे जावो तो ठीक रालो।
मि एक उदाहरण दींदु -जरा तुम गूगल सर्च मा जावो अर Garhwali Kvitaa वाक्य सर्च कारो त तुम पैल्या कि गूगल सर्च मा सबसे अळग पीयूष दीप राजन को ब्लौग दिख्यांद, फिर धनेश कोठारी को पहाड़ी फोरम आंद,तब लोकरंग को ब्लौग आंदो अर उख्मा सबसे पैल कविता विजय गौड़ की च। फिर नम्बर च जनवाणी मा जगदम्बा चमोली की कविता 'घट मूं'। तौळ यू टयूब मा एक ब्यौ मा मांगळ आदि छन, फिर हौर तौळ दिनेश बिजल्वाण की कविता आंदी, दुसर तिसर पेज मा मेरा आलोचनात्मक अंग्रेजी लेखों झडी लगि जांदी। .
याने कि गूगल सर्च को पैलो पेज मा धनेश कोठारी अर विजय गौड़ छोड़ि अर पीयूष , विमल छोड़ि कै हौरि कवि की कविता नी आंदन। आम खुजनेर या गूगल सर्चर तिसरू पेज का बाद सर्च बंद करी दींद। याहू सर्च का तो बुरा हाल छन।
अंग्रेजी मा Garhwali Poem सर्च कारो तो धनेश कुठारी छोड़ि बकै तकरीबन मेरा लेख सर्च मा आंदन।
जी हाँ इंटरनेट मा साहित्य प्रकाशित करण त ठीक च पण वै से जादा गूगल या याहू आदि सर्च इंजिन मा पैलो , दुसर या तिसुर पेज मा आपकी पोस्टिंग सर्च करद दै बि आण चयेंद। यदि मि 'गढ़वाली कविता' गूगल मा खुज्याणु छौं त मेकु धनेश कोठारी, विजय गौड़, पीयूष , विमलनेगी ही गढ़वाली कवि छन या मीन समजण कि इथगा हि कविता गढ़वाली मा उपलब्ध छन। जब कि इंटरनेट मा हजार से बिंडी कविता छपीं छन।
आखिर इन कुनगस किलै? यांको कारण च हमर साहित्यकार (सबसे जादा कविता ही छन ) इंटरनेट की मूल भूत तकनीक का बारा मा बिलकुल अनभिज्ञ छन।
आज अर अग्वाड़ी बि गढ़वळि- कुमाउँनी साहित्यकारों अपण पाठकों खोज का बान तैं हर समय इंटरनेट तकनीक को ख्याल रखण ही पोड़ल। अर यांकुण गढ़वळि- कुमाउँनी साहित्यकारों बान इंटरनेट मार्केटिंग या इंटरनेट विपणन पद्धति की समज जरूरी च।
जब बि साहित्यकार क्वी साहित्य छपांदु या किताब छपांद त तकरीबन अपण विपणन करद ही च। फ्री मा किताब दींद या समीक्षा लिखवांद , सभा-सोसाइट्यु म अपण साहित्य कि चर्चा करद या चर्चा करांद आदि आदि। इनि साहित्यकार तैं इंटरनेट पर कुछ गोरखधंधा या टुटब्याग (सकारात्मक टेक्नीक) करण पोड़द।
साहित्यकार को बान इंटरनेट मार्केटिंग माने - जादा से जादा पाठक बणाणो बान व्यब या इमेल द्वारा सूचना; छपवाणो बान साईट अर सही ब्लौग खुज्याण;सोसल मीडिया को उचित इस्तेमाल करण, जन सम्पर्क को इस्तेमाल , अर सबसे पैल यी दिखण कि सर्च इंजिन मा पैलो या दुसर पेज मा दिख्याण।
इंटरनेट मा साहित्यकारों तैं मंतर , तंतर अर जंतर (मन्त्र , तन्त्र और यंत्र )सणि समजण जरूरी च
पाठकुं मन याने पाठकुं आनंद, पाठकों प्रसिद्धि, पाठकों निश्चय , पाठकों भूतकाल वर्तमान अर भविष्य, पाठकों क अपणो अर्जित आत्मिक ज्ञान, पाठकों -मन , बुद्धि अर अहंकार का बारा माँ ज्ञान; पाठकों रौणै - खाणै इंतजाम ; पाठकों अभिलाषा , इच्छा , इच्छ्मर्दन शक्ति; पाठकों व्याकरण अर शब्द ज्ञान; पाठकों गुस्सा; पाठकों स्वास्थ्य अर पाठकों स्वास्थ्य सम्बन्धी संवेदनशीलता;पाठकों इतिहास से प्रेम; पाठकों प्रेम; पाठकों विद्या; पाठकों धार्मिक, सामाजिक अर राजनैतिक विश्वास; पाठकों ज्ञान माध्यम , पाठकों माँ कथगा समय च आदि का बारा मा साहित्यकार तै जणण जरूरी
साहित्यकार तैं इंटरनेट का आधारभूत तकनीक को ज्ञान बि जरूरी च जन कि सर्च इंजिन कन काम करद आदि।
युक्ति ही गढ़वळि- कुमाउँनी साहित्यकारों तै पाठक दिलै सकदी। राजेन्द्र कुंवर फरियादी अर कुछ हद तलक धनेश कोठारी ईं युक्ति तै जाणदन।
जादा से जादा साइटों मा गढ़वळि- कुमाउँनी साहित्य छपवाण
साहित्यकार को पैलो काम च जम्याँ जुम्याँ साइटों जन कि मेरापहाड़, बेडू पाको, लोकरंग, उत्तराखंड ई पत्रिका, छुयाँळ, पहाड़ी फोरम आदि मा अपण साहित्य छपवाण। जथगा जादा साइटों मा साहित्य छ्पो तथगा ही साहित्यकार तैं फैदा च।
सोसल मीडिया ग्रुप जन कि पौड़ी गढ़वाल, पहाड़ी, कुमाउनी -गढ़वाली , उत्तराखंड वासी -प्रवासी , यंग उत्तरांचल अदि मा द्वारा अपण साहित्य ऊंका सदस्यों तलक पौंचावो।
अपण ब्लौग बणावो अर ब्लौग मार्केटिंग कारो। इखमा धनेश कुठारी को काम प्रशंसनीय च। राजेन्द्र कुंवर फरियादी बादशाह च
फेस बुक मा जादा से जादा फ्रेंड बणावो अर अपणो साहित्य यूं तक फ्वाळो याने वितरण कारो। पाठकों तैं प्रेरित कारो अर अपण साहित्य पर लाइक टिक करवावो
फेस बुक मा हरेक ग्रुप मा अपण साहित्य प्रकाशित कारो। उखमा कुछ इन बंचनेर बणावो जो तुमारो साहित्य के चर्चा करणा रावन। राजेन्द्र कुंवर फरियादी , धरम बुटोला से सीख ल्यावो कि फेस बुक से कनो फायदा उठाण चयेंद।
इमेल मार्केटिंग को इस्तेमाल कारो।
पत्रकारों से इमेल द्वारा सम्पर्क कारो .अर ऊंखुण अपण साहित्य रेगुलर भ्याजो।
कुछ जनसम्पर्क का कम कारो जन कि राजेन्द्र कुंवर फरियादी करद। राजेन्द्र कुंवर फरियादी केवल अपण कविता नि प्रकाशित करद बलकण मा पाठकों तैं हिंदी मा टाइप कन करण सिखांद , हिंदी साहित्य मा क्या क्या हूणु च आदि की खबर बि दींद अर यासे राजेन्द्र कुंवर अपण भक्त पाठक अर भक्त दूत बणाणम कामयाब च। मी राजेन्द्र तैं प्रतिक्रिया द्यों ना द्यों पढ़न नि बिसरदो।
एक सामाजिक काम बि हाथ मा ल्यावो जां से लोग आप से जुड्या रावन। कुछ ना सै तो सामाजिक संस्थाओं की सूचना ही दींद जावो।
यदि तुमर अपण ब्लौग च त वै तैं हौर ब्लौगुं से जोड़ो अपण जाळ बिछाओ।
यदि आप साहित्यकार छंवां तो फेस बुक मा आम लोगुं जन क्रिया कलाप नि करण चयेंद याने खाली नमस्ते। गुड मोर्निंग या बगैर परिचय का फोटो आदि भिजण। फेस बुक का पाठक अपण साहित्यकार से कुछ हौरि चांदन ना कि बगैर परिचय का फोटो।
विषय तो अपण निर्धारित पाठकों हिसाब से हूण चयेंद, सब्युं तैं खुश करणै कोशिस कबि नि हूण चयेंद,. इंटरनेट मा जादा पाठक ना भक्त पाठकों से जादा फैदा होंद। भक्त पाठकों पर जोर द्यावो। विषय जरा हटके हूणि चयेंद। सामयिक विषयों पर बि प्रतीक नया होणि चयेंदन। पारम्परिक विषय जन कि गढवाल -कुमाऊँ की प्रशंसा, पलायन , विकास , भ्रष्टाचार जन विषयुं तैं नया मिजाज द्याव। इखमा मि तैं विजय गौड़ अग्वाड़ि दिख्यांद। गीतेश नेगी द्वारा प्रसिद्ध कवियों अनुवाद से वो अलग दिखेंद।
कै बि हिसाब से चाहे जोड़ तोड़ से हि सही पण अपण साहित्यौ चर्चा जरुर करावो। अपण साहित्यकार दगड्यों कुण व्यक्तिगत तौर पर साहित्य मेल कारो अर प्रतिक्रिया मंगाओ। यदि क्वी खुले आम तुमारि काट बि करणु च त आलोचना हूण दयावो उल्टां चर्चा मा भाग ल्यावो। मुखमुलज्या हूणै जरूरत नी च।
इन पाठक खुज्यावो जो तुमर साहित्य को विज्ञापन कारो।
साहित्यकार तैं सर्च करण वाळ पाठक सर्च करद दै कौं कौं शब्दों इश्तेमाल जादा करदन वांकि जानकारी अवश्य हूण चयेंद। यांसे साहित्यकार इंटरनेट मार्केटिंग रण नीति बणान्दू . अब एक आम गढवाली कविता प्रेमी त गढ़वाली -कविता या गढ़वाली पोयम या पोयट्री ही सर्च कारल कि ना? याने आपको ब्लौग या कविता पेज मा इन रणनीति हूण जरूरी च कि तुमर पेज गूगल या याहू सर्च मा पैलो या दुसर पेज मा आवो। क्या कारण च कि गढ़वाली कविता या गढ़वाली पोयट्री /पोयम खुज्यांद दै मेरा आलोचनात्मक लेख गूगल सर्च का पैला ना तो दुसर पेज मा आंदन जब कि कवियों कविता गूगल मा सर्च करद दै तिसरो पेज मा बि नि आंद। यांक खास कारण च कि गढ़वळि- कुमाउँनी कवियों न पठकों द्वारा खुज्यांद दै 'की वर्ड' प्रयोग पर कबि बि ध्यान नि दे। त जब बि आप अग्वाड़ी साहित्य प्रकाशित कारो तो वाई पेज मा इन इंतजाम कारो कि की वर्ड जरुर आवो
की वर्ड सामान्य या विशेष हूँदन जन कि - कविता शब्द एक सामान्य (जनरल ) शब्द च। अर कैक बस की बात नी च कि खुजनेर (सर्चर या पाठक ) कविता सर्च करद दै अपक ब्लौग गूगल का पैलो या दुसर पेज माँ ऐ जावो। तो गढ़वळि- कुमाउँनी साहित्यकारूं तैं विशेष शब्दों पर ध्यान दीण पोड़ल। कविता शब्द सामान्य शब्द च पण गढ़वळि कविता या कुमाउँनी कविता - 'कविता शब्द का मुकाबल विशेष शब्द च। किन्तु पराशर गौड़ , विजय कुमार मधुर , जगमोहन जयाड़ा , धनेश कोठारी, राजेन्द्र फरियादी, गीतेश नेगी, डा नरेंद्र गौनियाल, विजय गौड़, महेंद्र सिंह राणा , बालकृष्ण ध्यानी, सुनीता शर्मा, अनूप रावत, उदय राम ममगाईं, जिठुरी, प्रभात सेमवाल, पीयूष दीप राजन, विमल नेगी, प्रदीप रावत की कविताओं वास्ता 'गढवाली कविता' एक सामन्य शब्द या वाक्य ह्वे ग्यायी। अब यु इनि च जन नेगी , रावत बिष्ट शब्द सामन्य शब्द छन पण रिखोला नेगी , कुरैला रावत, पड्यार बिष्ट विशेष की वर्ड ह्वे गेन। एक मामला मा कुकरेती शब्द बि सामान्य शब्द च अर यदि कुकरेती शब्द गूगल सर्च करद दै टाइप करे जावो तो गूगल का तीन चार पेज तलक म्यार नाम याने भीष्म कुकरेती को नाम कखी नि आंद किलैकि मीन कबि बि कुकरेती शब्द पर ध्यान नि दे या इन जतन नि कार कि गूगल सर्च करद दै गूगल मा पैलो पेज मा मेरो नाम आवो। पण जनि कुकरेती कास्ट टाइप कारो तो गूगलौ पैल पेज मा भीष्म कुकरेती आइ जांदो। नेगी टाइप करण पर गीतेश नेगी कखी नि आंदो। आखिर क्या कारण च कि इथगा साहित्य प्रकाशित करणों बाद भि मी या गीतेश नेगी सर्च को मामला मा पिछड्या छंवाँ। यांक कारण च हमन की वर्ड कुकरेती या नेगी (द्वी सामने वर्ड छन ) पर ध्यान नि दे। सामन्य वर्ड से विशेष की वर्ड की तरफ जाण मा ही फैदा च।
की वर्ड औप्टीमाइजेसन को अर्थ होंद आपका पेज माँ वू शब्द हूण चएंदन जो पाठक खुज्यान्दन। की वर्ड वाहुल्यता ही पाठकों तै साहित्यकार का पेज तलक लांदी।
की वर्ड याने विशेष शब्द या वाक्य
विशेष शब्द ही फायदामंद होंदन। एक उदाहरण दींदु।
सटायर पोयम्स एक सामन्य शब्द च। ये शब्द या फ्रेज को प्रयोग से की वर्ड औप्टीमाइजेसन भौत ही कठण च। किलैकि सामन्य शब्दों मा प्रतियोगिता अंदा दुंद रौंद।
मीन एक लेख लेखि छौ Uktat: a Garhwali Satirical Poems by Harish Juyal
इखमा Satirical Poems विशेष शब्द बौण अर मेरो ये लेख मा Satirical Poems शब्द जादा बि छया तो कुछ मैना तलक Satirical Poems सर्च करण पर गूगल सर्च मा मेरो लेख सबसे मथि याने पैलो नम्बर पर राई। द्वी तीन साल तक Satirical Poems सर्च मा मेरो लेख गूगल मा पैलो पेज मा राई अब दुसर पेज मा ऐ ग्यायि कारण ये शब्द मा अब प्रतियोगिता बढ़ी गे।
गूगल सर्च मा Garhwaali satire टाइप कारो तो गूगल सर्च को पैलो पेज मा अधिसंख्य लेख म्यरा हि आंदन याने कि अबि प्रतियोगिता नि ह्वे अर Garhwali satire एक विशेष शब्द च। हिंदी मा गढ़वाली व्यंग्य सर्च कारो तो गूगल मा मेरा ही लेख पैला पेज मा आंदन। किन्तु म्यार गढवाली मा लिख्याँ व्यंग्य लेख पेज कखि बि गूगल सर्च मा नि आंद किलैकि मीन कबि बि अपण 'चबोड्या लेखुं' बान की वर्ड औप्टीमाइजेसन ब्यूंत नि अपणाइ।
गढ़वाली लोक गीत टाईप करण पर बि म्यार एक लेख गूगल सर्च मा दुसर पेज मा ऐ जांदो जब कि पेड ब्लौगुं दगड़ 'गढ़वाली लोक गीत' शब्दों मामला मा भयंकर प्रतियोगिता च। याने कि मीन कखि ना कखि की वर्ड औप्टीमाइजेसन या सर्च इंजिन औप्टीमाइजेसन मा ध्यान दे च।
की वर्ड को दोहराव - की शब्द मा दुहराव हूण जरूरी च।
की वर्ड घनत्व -की वर्ड घनत्व या की वर्ड वेट /की वर्ड भार को अर्थ होंद पेज माँ सबि शब्दों मुकाबला मा की वर्ड को प्रतिशत क्या च। तीन से सात प्रतिशत की वर्ड्स ठीक माने जांदन.
पर्यायवाची शब्द याने की वर्ड प्रोक्जिमेटी - की वर्ड का पर्यायवाची शब्द बि आवश्यक होंदन। पर्यायवाची शब्द बि की वर्ड घनत्व बढ़ान्दन।
की वर्ड कु पेज मा स्थिति - हेडिंग , और पैला बीस शब्दों मा की वर्ड को महत्व सर्च इंजिन औप्टीमाइजेसन का वास्ता महत्वपूर्ण होंदन।
ब्लौग मा मैटा टैग आदि माँ की वर्ड - साईट या ब्लौंगुं टैग , मैटाटैग आदि माँ की वर्ड आवो तो सर्च इंजिन मा अग्वाड़ी आणो संम्भावना बढ़ जांदी।
कविता पेज मा की वर्ड कनकै लाये जावो?
बात सै च कि गद्य मा त की वर्ड्स लाण सरल च पण कविता मा लाण नुकसानदायक च।
यांकुण हरेक कविता से पैल एक लाइन मा की वर्ड अर कविता समाप्ति बाद कुछ लाइन इन व्यवस्थित कारो कि की वर्ड औप्टीमाइजेसन प्राप्ति ह्वे जावो।
सर्च इंजिन औप्टीमाइजेसन को अर्थ होंद वो तारकीब/ ब्योंत जाँ से आपका ब्लौग या पेज मा ट्रैफिक बढ़ोतरी ह्वावो। ट्रैफिक बढ़ोतरी याने सर्च इंजिन (गूबल , याहू सर्च साईट ) मा जब भि पाठक सर्च कारो तो आपको पेज पैलो या दुसर पेज मा आई जावो। पाठक तिसर पेज आंद आंद थकि जांद।
सर्च इंजिन औप्टीमाइजेसन केवल साहित्यकार से नि बलकणम साईट अर ब्लॉग को कंडकटर पर जादा निर्भर करद। इलै आप दिखिल्या कि आपको क्वी लेख /कविता कै ब्लौग मा /गूगल याहू सर्च मा पैलो पेज मा ऐ जांद अर वही लेख /कविता दुसर ब्लौग सर्च मा नि आंदो
की वर्ड की बहुतायत - आपका पेज मा की वर्ड की बहुतायत हूण चयेंद जांसे कि सर्च इंजिन (यो एक तकनीक को नाम च ) आपका पेज तैं सर्च साईट मा पैलो या दुसर पेज मा लावो। आपका पेज मा कम से कम तीन प्रतिशत अर जादा से जादा ग्यारा प्रतिशत की वर्ड ह्वावन तो समजी ल्यावो कि आपको पेज सर्च साईट मा पैलो , दुसर अर तिसुर पेज मा ऐ सकुद। पण इक्हम बि प्रतियोगिता चलणि रौंदी अर जो बि की वर्ड औप्टीमाइजेसन माँ अग्वाड़ी रालो वो ही जीतल।
किंतु की वर्ड को भिभड़ाट बि सर्च इंजिन पछ्याण जांद तो की वर्ड को बाहुल्य बि होसियारी से करण पोड़द।
ब्लौग वाळ गूगल टूल बार से सर्च इंजिन औप्टीमाइजेसन फल ( रिजल्ट )देखि सकदन।
साहित्यकारों तैं हफ्ता मा दिखण चयेंद कि ऊंको शीर्षक को गूगल सर्च मा क्या स्थिति च।
यदि आपक ब्लौग च तो आप तैं सर्च इंजिन औप्टीमाइजेसन का नियम अपनाण चयेंदन। इख पर लम्बो लेख ह्वे जालो।
गढवाली अर कुमाउंनी साहित्यकारों तै पर्यटन , भूगोल , इतिहास, गीत , राजनैतिक , लोक गीतू, विकासवादी विषयों पर पेड साइटों दगड़ गलाकाट प्रतियोगिता करण पोड़द। मि तैं अपण इतिहास लेखों मामला मा टूरिस्ट साइटों दगड़ प्रतियोगिता करण पड़णु च अर अबि बि पेड साईट ही जितणा छन।
अर तबि बि पेड या गूगल सर्च समर्थित ब्लौंगुं दगड़ प्रतियोगिता जीतिक ही अपण पाठकों संख्या बढ़ाण पोड़ल। विशेष शब्दों पर ध्यान देकी या जंग जिते जालि।
Copyright@ Bhishma Kukreti 17 /7/2013
Contact 9920066774
गढ़वाली साहित्यकार, पौड़ी गढ़वाल के गढ़वाली साहित्यकार; टिहरी गढ़वाल के गढ़वाली कवि व साहित्यकार;चमोली गढ़वाल के गढ़वाली साहित्यकार व लेखक ;रुद्रप्रयाग गढ़वाल के गढ़वाली साहित्यकार;उत्तरकाशी गढ़वाल के गढ़वाली साहित्यकार; देहरादून गढ़वाल के गढ़वाली साहित्यकार; बद्रीनाथ घाटी गढ़वाल के गढ़वाली साहित्यकार; सहारनपुर में बसे गढ़वाली साहित्यकार;दिल्ली में बसे गढ़वाली साहित्यकार;हरियाणा में बसे गढ़वाली साहित्यकार;चंडीगढ़ में बसे गढ़वाली साहित्यकार; पंजाब में बसे गढ़वाली साहित्यकार;राजस्थान में बसे गढ़वाली साहित्यकार; उत्तर प्रदेश निवासी गढ़वाली साहित्यकार; महाराष्ट्र निवासी गढ़वाली साहित्यकार; दक्षिण भारत निवासी गढ़वाली साहित्यकार;प्रवासी गढ़वाली साहित्यकार;विदेशों में रह रहे गढ़वाली साहित्यकार;दुबई में रह रहे गढ़वाली साहित्यकार;कनाडा में रह रहे गढ़वाली साहित्यकार; कुमाउंनी साहित्यकार कवि; पिथोरागढ़ कुमाऊं के कुमाउंनी साहित्यकार कवि;अल्मोड़ा कुमाऊं के कुमाउंनी साहित्यकार कवि; नैनीताल कुमाऊं के कुमाउंनी साहित्यकार कवि;चम्पावत कुमाऊं के कुमाउंनी साहित्यकार लेखक , कवि;बागेश्वर कुमाऊं के कुमाउंनी साहित्यकार लेखक , कवि;उधम सिंह नगर कुमाऊं के कुमाउंनी साहित्यकार और लेखक , कवि; उत्तर प्रदेश के प्रवासी कुमाउंनी साहित्यकार और लेखक , कवि; दिल्ली के प्रवासी कुमाउंनी साहित्यकार लेखक , उपन्यासकार , कवि; पंजाब के प्रवासी कुमाउंनी साहित्यकार और लेखक , उपन्यासकार , कवि; हरियाणा प्रवासी कुमाउंनी साहित्यकार लेखक , उपन्यासकार , कवि;महाराष्ट्र प्रवासी कुमाउंनी साहित्यकार लेखक , उपन्यासकार , कवि;मुंबई प्रवासी कुमाउंनी साहित्यकार और लेखक , उपन्यासकार , कवि;मुंबई प्रवासी गढ़वाली साहित्यकार लेखक , उपन्यासकार , कवि; दक्षिण भारत में प्रवासी कुमाउंनी साहित्यकार , लेखक , उपन्यासकार , कवियों तैं इंटरनेट मार्केटिंग ज्ञान जरूरी च श्रृंखला जारी
गढ़वळि- कुमाउँनी साहित्य तैं फेस बुक माध्यम से फैदा
भीष्म कुकरेती
ब्रिटिश राज बिटेन गढ़वळि- कुमाउँनी भाषा तैं अफु तैं बचाण अर विकास करणों बाण भौत मेनत करण पोड़। आज शिक्षा माँ परिवर्तन अर अंदादुंद भजण/भजेड़ु (पलायन) से गढ़वळि- कुमाउँनी कु वजूद ही खतम हूणों अंदेशा ह्वे ग्ये।
इन मा यो जरूरी च बल गढ़वळि- कुमाउँनी भाषाओं तैं इन माध्यमों जरुरत पड़ी गे जू नयी साखी मा गढ़वळि- कुमाउँनी लगाव/प्रेम जगावो।
यद्यपि इन्टरनेट अबि भारतम केवल आठ प्रतिशत लोगुन तक ही पौंच फिर भि इंटरनेट मो महत्व गढ़वळि- कुमाउँनी भाषाओं बाण बढ़ी गे किलैकि इन्टरनेट माध्यम से गढ़वळि- कुमाउँनी साहित्य बगैर खर्च कर्याँ बंचनेरूं (पाठक ) कुण उपलब्ध ह्वे जांद। फिर इंटरनेट धारक एक इलीट पाठक बि च तो समाज मा इंटरनेट धारक की कखि न कखि चलदी च तो ये पाठक पर घ्यारा (घेरा) डाळन आवश्यक बि च।
इंटरनेट माँ एक नयो, नायब आयाम या माध्यम जुड़ आर वै माध्यम को नाम च फेस बुक।
फेस बुक इनि च जन गांवुं मा संजैत या व्यक्तिगत चौंतरौं माँ छुंयाळ छ्वीं लगांदन। अर हम सब्युं तैं पता च बल चौंतरा मा बैठ्याँ छुंयाळु जनसम्पर्क अर छ्वीं इना उना भिजणो बडो महत्व च। फेस बुक मा अधिकतर युवा पीढ़ी जुड़ी च। गढ़वळि- कुमाउँनी साहित्यौ वास्ता
नै छिंवांळि से जुड़णो एक असरदार अर फैदामंद माध्यम च।
फेस बुक मा क्या क्या ह्वे सकद
फेस बुक मा गढ़वळि- कुमाउँनी साहित्यौ प्रचार , प्रसार , संरक्षण का बहुत सा काम ह्वे सकदन। जो अन्य माध्यमों मा सरल नी च।
फेस बुक से साहित्यकार अपण मन माफिकौ हजारों लोगुं से व्यक्तिगत स्तर पर जुड़ि सकदन अर अपण साहित्य ऊं तक पौंछे सकदन।
फेस बुक मा आप बंचनेरूं प्रतिक्रिया अर रिसर्च माध्यम से गढ़वळि- कुमाउँनी साहित्यकार बंचनेरूं रूचि जाणि सकुद
फेस बुक से चूँकि साहित्यकार अपण मन माफिक दगड्या खुज्यांद तो अमूनन साहित्यकार तैं विश्सनीय पाठक मिल जांदन।
ग्रुप बणाण
फेस बुक की खासियत च कि इख्मा क्वी बि अपण ग्रुप बणै सकद अर अपण बातों आदान प्रदान कौर सकुद
फेस बुक मा साहित्यकार रोज नया पाठक ज़ोड़ी सकुद।
यदि साहित्यकारन अपण ब्लौग बणायूं च तो वो अपण ब्लौग मुतालिक सूचना फेस बुक से हजारों लोगुं तक पौंछे सकुद। गढ़वळि साहित्यकारों मादे सुनीता शर्मा , बालकृष्ण भट्ट, अनूप रावत, विजय गौड़, राजेन्द्र कुंवर फरियादी , गीतेश नेगी, प्रभात सेमवाल आदि अपण व्यक्तिगत साहित्य संबंधी ब्लौग को प्रचार प्रसार करणा रौंदन।
इनि निखालिस गढ़वळि- कुमाउँनी भाषाई ब्लौग जन कि छुयाँळ या पहाड़ी फोरम बि अपण ब्लौग को प्रचार प्रसार फेस बुक से करदन अर फेस बुक से लाभ उठांदन।
बड़ी साइटों जन कि मेरा पहाड़, बेडू पाको , लोकरंग, उत्तराखंड- ई-पत्रिका आदि बि अपन ब्लौग तैं फेस बुक का द्वारा प्रचारित करणा रौंदन।
प्रकाशन की सूचना
फेस बुक से साहित्यकार अपण किताबु प्रकासन की सूचना दे सकुद
फेस बुक पाठकों रूचि जाणणो सबसे बडो माध्यम च जो गढ़वळि- कुमाउँनी साहित्यकारों सणि हौर ऑफलाइन माध्यमों मा उपलब्ध नी च
फेस बुक गढ़वळि- कुमाउँनी कवियों कुण एक महान बरदान च। फेस बुक मा अपणी कविता डाळो अर फटाफट बंचनेरूं प्रतिक्रिया पाओ।
गढ़वळि- कुमाउँनी गद्य माध्यम को विकास
हालांकि फेस बुक मा गढ़वळि- कुमाउँनी गद्य तैं उथगा पाठक नि मिल्दन जथगा गढ़वळि- कुमाउँनी पद्य तैं मिलदन पण यदि विषय आकर्षित ह्वावो तो गढ़वळि- कुमाउँनी बान फेस बुक से बढ़िया माध्यम मिलण कठण च।
समाचार सूचना से गढ़वळि- कुमाउँनी पढ़ाण ढबाण
यदि समाचार या सूचना गढ़वळि- कुमाउँनी मा दिए जावो तो जौं लोगुं तैं गढ़वळि- कुमाउँनी बंचण मा औसंद आंदी वो रोज गढ़वळि- कुमाउँनी सूचना पौढ़ीक ढबे जाला
भक्त पाठक बणाणो नायब माध्यम
फेस बुक से साहित्यकार समर्पित पाठक तैयार करि सकुद।
साहित्यकारों तैं केवल समर्पित पाठक हि नि चएंदन बलकण मा इन देव दूत पाठक बि चएंदन जो साहित्यकार को प्रचार -प्रसार बि कारन। फेस बुक से गढ़वळि- कुमाउँनी साहित्यकार अपण देव दूत तियार करि सकदन जो साहित्यकार को प्रचार प्रसार कारन।
फेस बुक गढ़वळि- कुमाउँनी भाषा सहित्यौ बान एक संजीवनी बणिक आई तो गढ़वळि- कुमाउँनी साहित्यकारों तैं फेस बुक से फायदा उठाण चयेंद
Copyright@ Bhishma Kukreti 15/7/2013
No comments:
Post a Comment
आपका बहुत बहुत धन्यवाद
Thanks for your comments