नवाज शरीफ भारत आलु कि ना ?

हंसोड्या , चुनगेर ,चबोड़्या -चखन्यौर्या -भीष्म कुकरेती      

(s =आधी अ  = अ , क , का , की ,  आदि )

ब्याळि २३//२०१४ , देर रात तक हमर ड्यार इखि पर छ्वीं लगणा रैन कि प्रधानमंत्री नरेंद्र मोदीs  सौं घट्याणो चखळा -पखळी  , शपथ ग्रहण समारोह मा पाकिस्तानी बजीरे आजम नवाज शरीफ तशरीफ़ लालु कि ना ! 

सन 1973 कु  रिटायर्ड हवलदार गैणु दा - भई मि नि जाणदु कि नवाज शरीफ सौं घट्याणो चखळा -पखळी मा बिरयानी खाणो आलु  कि ना किन्तु अबकी बार की मोदी सरकार से गुजारिस च कि जु सिपाही सीमा पर छन ऊंकी हिफाजत अवश्य हूण चयेंद। 

सन 1975 से विदेश विभाग मा चतुर्थ श्रेणी की पेन्सन खाण वाळ धिंग्वा काका - मि तै त लगणु च कि नवाज शरीफ तैं बुलैक हमन क्वी राजनियक फैदा नि उठै सकण।  हाँ जु निर्गुट सम्मेलन कि बात हूंदी तो  फायदा ह्वे सकुद छौ। 

सन 1977 मा कुछ दिन ओवरसीज विभाग मा काम करण वाळ मधु बाडा  - नै नै निर्गुट देसुं सम्मलेन से ज्यादा कॉमन वेल्थ सम्मेलन से फायदा ह्वे सकुद। पण सवाल या च कि नवाज शरीफ आलु कि ना ?

सन 1978 मा गृह मंत्रालय का रिटायर्ड अर्दली रघु ददा - मै लगणु च कि जब तलक नवाज शरीफ सेना जनरल तै भरोसा नि द्याल कि भारत जैक हैदराबादी बिरयानी नि खाल तो शायद सेना नवाज शरीफ तैं भारत जाणो स्वीकृति दे द्याल। 

सन 1982 मा बीएसएफ का रिटायर्ड सिपाही झंडु भैजि - जब तक पाकिस्तान आतंकवाद्यूं तै नि सौपंदु तब तक हम तैं नवाज शरीफ तैं मटन बिरयानी खाणो न्यूत दीण ही नि छौ।  अब आतंकवाद्यूं पर निर्भर करदु कि पाकिस्तानी प्रधान मंत्री भारत आंदु च कि ना।  मै लगद आतंकवाद्यूं धमकी से नवाज शरीफ नि डौरल। 

सन 1989 मा सेना कैंटीन का रिटायर्ड कंठु काका - नै नै नवाज शरीफ इथगा डरख्वा तो नि ह्वाल कि डौरौ मारन भारत आलु ही ना !
सन 1975 से विदेश विभाग मा चतुर्थ श्रेणी की पेन्सन खाण वाळ धिंग्वा काका - तू क्या जाणदि कि aatankvaadi sngthan जमात -उद -दावाहन धमकी दे आल कि - हे नवाज शरीफ जरा भारत जैक बिरयानी खैक  त आ फिर दिखौलु
सन 1973 कु  रिटायर्ड हवलदार गैणु दा - नै नै आतंकवाद्यूं से ज्यादा पाकिस्तानी सेना प्रमुख रहील शरीफ नवाज शरीफ का भारत आणो विरोध मा होलु। 

बीजेपी कु एक कार्यकर्ता सतुर दादा - पर नवाज शरीफ की पार्टी त बुलणी च कि नवाज शरीफ तैं नरेंद्र मोदी जीक सौं घट्याणो चखळा -पखळी मा खमण -ढोकला खाणो जाण चयेंद। 

कॉंग्रेसी कार्यकर्ता नत्थू भुला - नै नै ! नवाज शरीफ तैं खमण -ढोकला ना बिरयानी ही खलाण चयेंद। 

मेरी ब्वे - यो ! कन बिजोग पड्युं च।  इन तो बतावो न्यूत खालि पाकिस्तानी बजीरे आजम तै दियुं च या हौर मुल्कों सर्वेसर्वाओं तैं बि दियुं च ?

सबि -सार्क देसुं अलावा अफगानिस्तान अर मोरिसिस का पधानुं तैं बि प्रधानमंत्री नरेंद्र मोदीs  सौं घट्याणो चखळा -पखळी  , शपथ ग्रहण समारोह मा आणो न्यूत दियुं च। 

मेरि ब्वे -तो सुबेर बिटेन अब तलक क्या छंवां पाकिस्तान पाकिस्तान की रट लगाणा ? क्या भूटान कम महत्वपूर्ण च ?

सबि -भूटान हमर बान चीन की तरफ वाळी  रक्षा नीति का वास्ता भौत ही अधिक महत्वपूर्ण देस च। 

मेरि ब्वे - क्या नेपाल या बंगलादेश कम महत्वपूर्ण छन ?

सबि - नै नै यि द्वी देस पाणी , वाणिज्य अर रक्षा की दृष्टि से कम महत्वपूर्ण नि छन। 

मेरि ब्वे -क्या श्री लंका , अफगानिस्तान , मालदीव हमकुण पाकिस्तान से कम महत्वपूर्ण छन ? 

सबि - कतै ना ! उल्टां श्रीलंका , मालदीव अर अफ़ग़ानिस्तान की महत्ता अधिकहूण मिसे गे च। 

मेरि ब्वे - तो फिर तुम लोगुंकि सुई केवल नवाज शरीफ पर किलै अटकीं च ?

सबि - वु क्या च कि पाकिस्तान की छ्वीं लगाण मा जरा जादा ही मजा आंद। 

मेरि ब्वे - एक बात बताओ क्या नवाज शरीफ भारत आलु कि ना ?

सबि -कुज्याण ! 

Copyright@  Bhishma Kukreti  24/5/2014   
    
*कथा , स्थान व नाम काल्पनिक हैं।  
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language,Hilarity in Garhwali Language, Cheerfulness in Garhwali Language
[गढ़वाली हास्य -व्यंग्य, सौज सौज मा मजाक  से, हौंस,चबोड़,चखन्यौ, सौज सौज मा गंभीर चर्चा ,छ्वीं;- जसपुर निवासी  द्वारा  जाती असहिष्णुता सम्बंधी गढ़वाली हास्य व्यंग्य; ढांगू वालेद्वारा   पृथक वादी  मानसिकता सम्बन्धी गढ़वाली हास्य व्यंग्य;गंगासलाण  वाले द्वारा   भ्रष्टाचार, अनाचार, अत्याचार पर गढ़वाली हास्य व्यंग्य; लैंसडाउन तहसील वाले द्वारा   धर्म सम्बन्धी गढ़वाली हास्य व्यंग्य;पौड़ी गढ़वाल वाले द्वारा  वर्ग संघर्ष सम्बंधी गढ़वाली हास्य व्यंग्य; उत्तराखंडी  द्वारा  पर्यावरण संबंधी गढ़वाली हास्य व्यंग्य;मध्य हिमालयी लेखक द्वारा  विकास संबंधी गढ़वाली हास्य व्यंग्य;उत्तरभारतीय लेखक द्वारा  पलायन सम्बंधी गढ़वाली हास्य व्यंग्य; मुंबई प्रवासी लेखक द्वारा  सांस्कृतिक विषयों पर गढ़वाली हास्य व्यंग्य; महाराष्ट्रीय प्रवासी लेखकद्वारा  सरकारी प्रशासन संबंधी गढ़वाली हास्य व्यंग्य; भारतीय लेखक द्वारा  राजनीति विषयक गढ़वाली हास्य व्यंग्य; सांस्कृतिक मुल्य ह्रास पर व्यंग्य , गरीबी समस्या पर व्यंग्य, आम आदमी की परेशानी विषय के व्यंग्य, जातीय  भेदभाव विषयक गढ़वाली हास्य व्यंग्य; एशियाई लेखक द्वारा सामाजिक  बिडम्बनाओं, पर्यावरण विषयों   पर  गढ़वाली हास्य व्यंग्य, राजनीति में परिवार वाद -वंशवाद   पर गढ़वाली हास्य व्यंग्य; ग्रामीण सिंचाई   विषयक  गढ़वाली हास्य व्यंग्य, विज्ञान की अवहेलना संबंधी गढ़वाली हास्य व्यंग्य  ; ढोंगी धर्म निरपरेक्ष राजनेताओं पर आक्षेप , व्यंग्य , अन्धविश्वास  पर चोट करते गढ़वाली हास्य व्यंग्य, राजनेताओं द्वारा अभद्र गाली पर हास्य -व्यंग्य    श्रृंखला जारी  ]