समाजवादी पार्टी की चिंतन बैठक

हंसोड्या , चुनगेर ,चबोड़्या -चखन्यौर्या -भीष्म कुकरेती     

(s =आधी अ  = अ , क , का , की ,  आदि )

ब्याळि २०/४/२०१४ कुण लखनऊ मा समाजवादी पार्टीन लोकसभा चुनाव मा हार का कारण खुज्याणो एक चिंतन मंथन बैठक कार। मीडिया अजकाल नरेंद्र मोदिफ़ाइड हुयुं च त मीडियान समाजवादी पार्टी चिंतन बैठक की खबर बरा नामो दिखाइ।  म्यार सुचण च कि बैठक मा इन चिंतन ह्वे ह्वालु। 

मुलायम सिंह - बेटा अखिलेश यु क्या ह्वाइ ? हम त मुजफरनगर काण्ड का बाद बि हार गेवां। 

अखिलेश - पर पापा ! उत्तर प्रदेश इन्फोर्मेसन ब्यूरोन  अपण इंटरनल सर्वे से सूचना  दे छे कि हम चालीस से जादा सीट पाणा छंवां। 

रामकृपाल यादव - अब्याक अबि उत्तर प्रदेश इन्फोर्मेसन ब्यूरो  चीफ तैं ट्रांसफर कारो अर कै बेकार सि विभाग मा ट्रांसफर कारो। 

अखिलेश - चाचा जी इन्फोर्मेसन ब्यूरो  चीफ आपक रिस्तेदार च। 

रामकृपाल यादव - तो फिर रण दे। चुनाव मा हारणो दुसर कारण ढूंढो। 

मुलायम सिंह - हमर हारणो हैंक कारण क्या च ?

एक एमएलए - जी जेल का  कैदियों तैं वोट नि दीण दे। 

हैंक एमएलए - जी भौत सा गुंडा जेल से भैर नि ऐन तो हमर कार्यकर्ता वोटरूं तैं ठीक से नि डरै सकिन। 

हैंक एमएलए - भौत सा गुंडा नरेंद्र मोदीक भकलौण मा ऐ गेन अर बुलण मिसे गेन कि जब अच्छे दिन आने वाले हैं तो गुंडागिरी करके क्या फायदा ? 

मुलायम सिंह यादव - गृह मंत्री को च ?

गृह मंत्री - नेता जी ! मि । 

मुलायम सिंह - तुम से गुंडे जैसे लोग भी नही सम्भलते तो सरीफ आदमी क्या संभलेंगे। 

गृह मंत्री - जी अब अग्वाड़ी  सरीफों को गुंडा बनाने की ट्रेनिंग दिए जाल। 

एक एमएलए - जी पुलिस हम कार्यकर्ताओं की बात नि सुणदि। 

एमएलए - मसलन हम कार्यकर्ताओं का कुत्ता या खरगोस हर्ची गे तो  पुलिस मुस्तैदी से कुत्ता अर खरगोस नि खुज्यांदी। 

मुलायम सिंह - आजम खान जी ! यु हूणु च ? 

आजम खान -जी पुलिसकर्मियों कमी च। 

मुलायम - किलै ?

आजम खान - जी सरा पुलिस फ़ोर्स तो हम निष्ठावान कार्यकर्ताओं भैंस खुज्याण मा लगीं रौंद। 

 मुलायम सिंह - लोगुं तैं क्या दिखाण ? अखिलेश बेटा ! कुछ स्वाच बि च ?

अखिलेश -हाँ सोच याल। 

मुलायम -क्या ?

अखिलेश -हम तीस पैंतीस राज्य मंत्री बर्खास्त करणा छंवां। 

मुलायम सिंह - पर फिर सरकारी काम कनकै चौलल ?

अखिलेश -पापा ! यी मंत्री तो सुदी बणायां छन।  यूं राज्य मंत्र्युं मा कुछ बि काम नि बंट्यु च। 

मुलायम -ठीक च यूँ बेकार का मंत्र्युं तैं बर्खास्त करो।  अर प्रेस नोट द्यावो कि हमन एक्सन लि  आल। 

एक - पर यांसे यी राज्य मंत्री नराज ह्वे जाल तो ?

अखिलेश -अरे भोन्दु यी त जनता मा मेसेज दीणा कुण च।  पंदरा बीस दिन बाद सब तैं बहाल करे जाल। 

मुलायम - ठीक च।  तो अब चिंतन ह्वे गे।  बैठक खतम ! 

सब -नेता जीकी जय ! 

Copyright@  Bhishma Kukreti  21/5/2014   
    
*कथा , स्थान व नाम काल्पनिक हैं।  
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language,Hilarity in Garhwali Language, Cheerfulness in Garhwali Language
[गढ़वाली हास्य -व्यंग्य, सौज सौज मा मजाक  से, हौंस,चबोड़,चखन्यौ, सौज सौज मा गंभीर चर्चा ,छ्वीं;- जसपुर निवासी  द्वारा  जाती असहिष्णुता सम्बंधी गढ़वाली हास्य व्यंग्य; ढांगू वालेद्वारा   पृथक वादी  मानसिकता सम्बन्धी गढ़वाली हास्य व्यंग्य;गंगासलाण  वाले द्वारा   भ्रष्टाचार, अनाचार, अत्याचार पर गढ़वाली हास्य व्यंग्य; लैंसडाउन तहसील वाले द्वारा   धर्म सम्बन्धी गढ़वाली हास्य व्यंग्य;पौड़ी गढ़वाल वाले द्वारा  वर्ग संघर्ष सम्बंधी गढ़वाली हास्य व्यंग्य; उत्तराखंडी  द्वारा  पर्यावरण संबंधी गढ़वाली हास्य व्यंग्य;मध्य हिमालयी लेखक द्वारा  विकास संबंधी गढ़वाली हास्य व्यंग्य;उत्तरभारतीय लेखक द्वारा  पलायन सम्बंधी गढ़वाली हास्य व्यंग्य; मुंबई प्रवासी लेखक द्वारा  सांस्कृतिक विषयों पर गढ़वाली हास्य व्यंग्य; महाराष्ट्रीय प्रवासी लेखकद्वारा  सरकारी प्रशासन संबंधी गढ़वाली हास्य व्यंग्य; भारतीय लेखक द्वारा  राजनीति विषयक गढ़वाली हास्य व्यंग्य; सांस्कृतिक मुल्य ह्रास पर व्यंग्य , गरीबी समस्या पर व्यंग्य, आम आदमी की परेशानी विषय के व्यंग्य, जातीय  भेदभाव विषयक गढ़वाली हास्य व्यंग्य; एशियाई लेखक द्वारा सामाजिक  बिडम्बनाओं, पर्यावरण विषयों   पर  गढ़वाली हास्य व्यंग्य, राजनीति में परिवार वाद -वंशवाद   पर गढ़वाली हास्य व्यंग्य; ग्रामीण सिंचाई   विषयक  गढ़वाली हास्य व्यंग्य, विज्ञान की अवहेलना संबंधी गढ़वाली हास्य व्यंग्य  ; ढोंगी धर्म निरपरेक्ष राजनेताओं पर आक्षेप , व्यंग्य , अन्धविश्वास  पर चोट करते गढ़वाली हास्य व्यंग्य, राजनेताओं द्वारा अभद्र गाली पर हास्य -व्यंग्य    श्रृंखला जारी  ]