म्याळ चट्वा नातणी चौकीदारी !

Best  of  Garhwali  Humor , Wits Jokes , गढ़वाली हास्य , व्यंग्य )
-

 म्याळ  चट्वा नातणी चौकीदारी  !  

-
 बत इ बत मा   :::   भीष्म कुकरेती   

 जी मि अपणी  छ्वीं लगाणु छौं , तुमर छ्वीं नि लगाणु छौं अर ना ही 47 सालौ बालनेता राहुल गांधी की छ्वीं लगाणु छौं। 

   जी मेरी नातण डेढ़ सालक च अर पिछ्ला  छै मैना से या वां से पैल बिटेन मळयो , म्याळ या दिवाल चट्वा ह्वे गे। जखम बि कुछ दिख्याउ वा फट से वीं चीज  तै उठैक मुक पुटुक ली जांद। 

  अर अब हमर एक प्रमुख काम च नातणि चौकीदारी करण।  

 अब वा त बच्चा च त वा हर चीजै छान बीन करण चांदी बल आखिर या चीज छ क्या च।  वींक अन्वेषण प्रवृति हमकुण चौकीदारी काम लै आंद।  जैक घौरम जथगा बड़ अन्वेषी प्रवृति बालिका या बालक  वै घौरम बड़ा बैक उथगा इ बड़ा चौकीदार।  बच्चा हर चीज का बारा म जिह्वा से खोज बीन करण चांद अर हम वरिष्ठुं  काम हूंद बच्चा की खोजबीनै देव दत्त गुण कु जड़ से नाश  करण. एक तरफ हम चांदा बच्चा सब बालसुलभ क्रीड़ा कारो अर ठीक बिपरीत हम बच्चों की आदम अन्वेषण प्रवृति ही खतम करणो सब इंतजाम करणा रौंदा।  बाल सुलभ क्रीड़ा तो बच्चा तब कारल  वै तै अन्वेषण की खुली छूट  दिए जाल।  हम द्वी झण बि अपण नातण से आसा करदां बल वा बाल सुलभ कृत्य -नृत्य दिखावो पर दगड़म हम वीं तै कुछ बि अलखणी -बिलखणी काम नि करण दींदा। हमर परिवार विज्ञान प्रेमी च अर हमर आजि बिटेन इच्छा बण गे कि हमर बेटी या नातण तै विज्ञान मा नोबल पुरुष्कार मीलो किन्तु हम हर घड़ी यी दिखणा रौंदा कि हमारी नातण क्वी बि अन्वेषण नि कार साको । हम बच्चों तै डरांदा छा कि बच्चा कुछ बि छेड़खानी या नई चीज की खोजबीन अपण तरीका से नि कारो  , अपण   प्रकृति हिसाब से खोज कतै नि कारो। पैल हम अपण बच्चों अन्वेषण प्रवृति समाप्त करदां अर फिर गाणी स्याणी बि करदा बच्चा महान खोजी ह्वे जावो। 

   प्रकृति या गॉड जी तै त पता नि छौ बल मनुष्य माटौ घौर छोड़ि सीमेंटौ घौर बणाल  तो प्रकृतिन बच्चों तै इन गुण दे कि वु माटु म रतबुळाओ। माटु खावो तो प्रतिरोधक शक्ति प्राप्त ह्वे जावो दगड़म भोत सी धूळ जनित एलर्जी का प्रति प्रतिरोधक शक्ति बि ऐ जावो।  अब हमर पास माटु दिखणो नि मिल्दो तो बच्चा बिचर भौत सा प्रतिरोधक शक्ति पैदा करण से बंचित रै जांदन।  

  माटु से बच्चों तैं भौत सा खनिज लवण मिल जांद छौ त अब टाइल्स मा क्या मिनरल मीलल।  खैर अब डॉक्टर कुछ ना कुछ मिनरल दीणा रौंदन तो कमी पूरी ह्वे इ जांद ह्वेलि। 

   माटु मा भौत सा फैदामंद बैक्ट्रिया मिल जांद छा अब बच्चा यूं बैक्टीरियाओं से महरूम रौंद।  

मी बि सबि  आधुनिक दादा छौं तो मि अपण नातण तैं डर्ट नि खाण दींदु अर बाकी सब कमी बेसी डाक्टनी पर छुड्युं च ज्वा वा ब्वालली सि करला।  पर क्या डॉकटनी सब चीज बतांद ह्वेलि कि यु कारो!  स्यु कारो। कुज्याण भै कुज्याण। 

  

    

19 /1 / 2018, Copyright@ Bhishma Kukreti , Mumbai India ,

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।

-

    ----- आप  छन  सम्पन गढ़वाली ----
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes