मि फालतू समय पर क्या क्या करदु ?

Best  of  Garhwali  Humor , Wits Jokes , गढ़वाली हास्य , व्यंग्य )
-

मि फालतू समय पर क्या क्या करदु ?

-
 चबोड़ , चखन्यौ , भचकताळ    :::   भीष्म कुकरेती   

 

 शहरुं मा सबसे बड़ी दिक्क्त या च बल इख ना बाछी हूंदन , ना कलोड़ हून्दन अर ना बल्द हूंदन बल खाली टैम पर यूंक कांद  मलासी ल्यावो।  डिस्कवर उत्तराखंड का सम्पादक दिनेश कंडवाल जी अब देहरादून बिटेन अपण गाँव शिफ्ट ह्वे गेन त अचकाल फेसबुक मा दुसर तिसर दिन गौड़ी कांद मलासणो फोटो  पोस्ट्याणा रौंदन।  मतलब बोर त गाँव मा बि हूणा इ रौंदन। 

     खैर अब त इंटरनेट ऐ गे त फेसबुक , व्हट्स अप, ट्यूटर  आदि ऐ गेन त सोशल मीडिया बछरो कांद बण गे।  जब  बोर ह्वे गे तो पिछ्ला हफ्ता फेसबुक मा कथगा Like ऐन ही गौण ल्यावो अर हौर ज्यादा बोरियत ह्वे जावो तो कै कैन Like कार इ जाणी ल्यावो।  किंतु कुछ बि ब्वालो इंटरनेट मा पढ्युं समाचार से जन छपछपी नि पड़दि अर छपछपि वास्ता समाचार पत्र बंचण जरूरी हूंद उनी असली बोरियत हकाणो बान दुनियादारी का '''''बेकार '''''' काम जरूरी हूंदन।  

     जब मि ऑफिसम हूंद त साब बोर नि हूण दींद।  तातो तवा मा खड़ ह्वेक क्वी बोर ह्वे सकद क्या ? सैत च ना।  पर फिर बि बोर होइ जयांद।  जन कि एयर पोर्ट म प्लेन लेट ह्वे जावो , ट्रेन मा बोर हूणु हूं त इन मा मि अपण कै बि मातहत मैनेजर तैं फोन करदु अर इन सवाल पुछ्दु जु मीन पिछ्ला पांच सालम कबि नि पूछ ह्वाव या जै सवालक जबाब की आण वळ पीड्युं  तै बि जरूरात नि पोड़।  कुछ मैनेजर झूठि सच्ची लगाण मिसे जांदन त मि तैं  अंदर इ अंदर हौंस आण मिसे जांद अर मेरी बोरियत खतम हूण लग जांद।  चूहेदानी मा फंस्युं मूस देखिक जन मजा आंद तनि यूं मैनेजरों जबाब सूणी मजा आंद अर बोरियत पर बुज्या लग जांद।  पर कुछ मातहत मैनेजर म्यार बि बाब निकळ जांदन।  म्यार एक मातहत छौ बी मोहन।  वु म्यार दगड़ यीं कम्पनी या वीं कम्पनी मा राइ त म्यार अप्रासंगिक इर्रेलिवेंट सववलो जबाब मा उल्टां पूछि लींदो बल "साब ! वो आपकी एक फ्रेंड छे मिस मारिया।  अचकाल कख होलि ?" . मी बि समज जान्दो बी मोहन तै पता चल गे बल मीन बोरियत हकाणो बान फोन कार।
         एक हैंक मातहत छया  प्रकाश पांथरी  वूंन बि म्यार दगड भौत साल काम कार। वै तै म्यार रेलिवेंट क्वेस्चन अर इरेलिवेंट क्वेस्चन का अंतर् मालुम च तो वी बि उल्टां सवाल करण मिसे जांद बल " सर छुमा बौ गीत नरेंद्र सिंह  जीन लेखी कि जीत सिंह जीन ?" इनमा बोरियतन पी टी उषा जन भगण इ च।  चोरी पकड्याणो बाद या कळि लगणो बाद क्वी बोर रै सकुद क्या ?

         म्यार एक हैंक मातहत छया मनमोहन जखमोला।  सन अठोत्तर से दगड़ु च।  जनि मि इन सवाल कौरु ना मनमोहनौ जबाब हूंद बल " भाई साब इन लगणु ch भौत बोर हूणा छा। " 

      ऑफिसम बोर ह्वावो त सबसे बढ़िया काम हूंद अपण ड्रावरौ सफाई।  सफाई मतलब इर्रेलिवेंट पेपरों तै भैर फेंको।  ड्रावरै सफाई कु असली उद्देश्य हूंद कि '''बेकार ''' का कागज जळाये जावन।  किंतु जब मि सुचद कि ये पेपर तै फिंके जावो त फिर मन मा आंद 'नै नै  पता नी ये पेपर की कब आवश्यकता पोड़ जा धौं '. अर मि जै पेपर की पिछ्ला पांच सालम जरूरत नि पौड़ वे पेपर का वास्ता प्यून तैं बोलिक नै फ़ाइल खोलिक फ़ाइल कैबिनेट मा लगवै दींद।     अपण ड्रावरौ आफत औफिसौ कैबिनट तै दे द्यावो याने -अपण नाक साफ़ कौरो अर हैंक पर लपोड़ द्यावो।

     जब मि मर्फी मा छौ अर बोर हूंद चौ तो कै बि फीमेल क्लर्क तैं बुले लींद छौ अर कुछ बि काम पर डिस्कसन शुरू कर दींद छौ।  वा बि खुस अर मी बि खुस।  मेरी बोरियत हट जांदि छे अर वींक बि  बगैर कुछ काम कर्यां टैम पास ह्वे जांद छौ। 

 ड्यारम बोर ह्वे जावो त क्या करदु ? अगला एपिसोड की जग्वाळ कारो जी। 

  

    

23/1 / 2018, Copyright@ Bhishma Kukreti , Mumbai India ,

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।

-

    ----- आप  छन  सम्पन गढ़वाली ----
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes