म्यार नातिक पैलु मिंडुक

Best  Harmless Garhwali Literature Humor , Jokes  ;  Garhwali Literature Comedy Skits  , Jokes  ; Garhwali Literature  Satire , Jokes ;  Garhwali Wit Literature  , Jokes  ;  Garhwali Sarcasm Literature , Jokes  ;  Garhwali Skits Literature  , Jokes  ;  Garhwali Vyangya   , Jokes   ;  Garhwali Hasya , Jokes   ; गढ़वाली हास्य , व्यंग्य,  गढ़वाली जोक्स

                         म्यार नातिक  पैलु मिंडुक  

                            हौंस , मुलमुल हौंस , खिकताट  :::   भीष्म कुकरेती   

-

                      अचकाल जानवर बि मौसम विज्ञान्यूं सूचना पर विश्वास करण मिसे गेन धौं  ! 

 सि अबि मुंबई मा बरखा आणो क्वी संभावना नी च  मौसम बिभागक अधिकारी बुलणा छन बल मुंबई मा त तड़क्वणि पुरो अनुमान च। 

                     अर ब्याळि हमर बिल्डिंगक पैंथर जु हमन अळगसौ कारण डम्पिंग ग्राउंड बणै दे उख मि तै अर म्यार नाती तै मिंडुक दिखे।  अवश्य ही यु मिंडुक पढ्युं -लिख्युं ह्वालु अर मौसम विभागक विज्ञप्ति   पर विश्वास करदो होलु। 

ह्वे सकुद च मिंडुक कै सरकारी विभाग मा  ह्वालु  कि वै तै सरकारी विज्ञप्ति  का हिसाब से काम करण पड़द होलु या यु भाजपा का कार्यकर्ताक मिंडुक ह्वालु जौं तै सरकारी विज्ञप्त्युं पर झक मारिक विश्वास करण पड़द । 

                   म्यार नाती किराइ बल - ग्रैंड पापा आई सौ फ्रौग फ्रॉग ! आई सौ फ्रॉग!  द फ्रौग !

 मि तै विश्वास नि ह्वे।  

मीन ब्वाल - ना बाबा अबि बरखा नि ऐ त मिंडक भैर नि ऐ सकदन। 

नाती  उनि चिरड्याई जन भाजपा वळ मणिशंकर का बयान कि "नरेंद्र मोदीन अमेरिकी कॉंग्रेस का समिण सब झूट ब्वाल " पर  चिरड़ेन्दन। 

                 वैन ब्वाल - पर स्यु देखि ल्यावो। 

सचमुच मा उ मिंडुक इ छौ।  बिन बरसात का कुम्भकरणी नींद से भैर   अयुं मिडुक ! 

नातिन पता नि कनै कौरिक मिंडुक पकड़ अर भितर लै गे।  मि नई नई बिययिं गाड़िक तरां अपण बछरु यानि नातिक दगड़ भितर ऐ ग्यों। 

बालहठ का समिण जब बुबा की नि चलदी तो ददा की क्या चलण छौ।  मिंडुक तैं एक अधभोरिं बल्टी पुटुक धरे गे। 

   नातिन उत्साह मा ब्वाल -ग्रैंड पापा मि ये तै पाळि सकुद ?

मीन ब्वाल - ना बाबा ! तू ये तै   थुड़ा देरौ कुण इख रखि सकिद पर मिंडक तै पाळि नि सकदी। 

नैतिक जबाब छौ - पर टोनी ओर कुत्ता पाळदन , मोनी ओरुक बिरळ पऴयां छन त मोनी ओरुक पैरट आई मीन कळु ! 

मीन समझाई - बाबा ! यि सब पालतू जानवर छन अर मिंडुक    ... 

नैतिन अर्णब गोस्वामी तरां पूरा बयान नि सूण अर बीचिम ब्वाल   -   ठीक च मि अबि ये मिंडकौ ब्वे , भाई , बैण्यूँ तैं बि लयांद।  फिर यी पालतू ह्वे जाल।  वी श्यल डौमिस्टिकेट फ्रौग्स।  

 मीन समझाइ बल जु जंगळी जानवर हूंदन ऊं तै फ्रीडम चयेंद , जंगळी    जानवर अर पंछी एक   खूंटा पर या पिंजड़ा मा नि रै सकदन।  जंगळी जानवरों तै स्वछन्द वातावरण ही सुहांदु।  स्वछंदता ही जंगळी जानवर , कीड़ मक्वडुं जिंदगी हूंद। 

नातीन मन मारिक या समजिक या क्या धौं ! पर वैन बोलि दे - ओके ! ग्रैंड पा ! ये तै उखि छोड़ दींदा जख बिटेन मि लौं। 

हम उख गयां अर  बल्टी  उल्टै दे।  मिंडुक इन भाज  जन छत्तीसगढ़ मा चालीस साल बाद अमित जोगी कौंग्रेस का पिंजड़ा तोड़िक भाज।  मिंडकन कुद्दी मार अर लुप्त ह्वे गे।  सैत च उ मिंडक  माटु मा  सुप्तावस्था पाणो घुस गे हो !

म्यार नातिक  जिंदगी मा कथगा इ बरसात आला  , कथगा इ मिंडकुं से वेकि मुखभेंट ह्वेलि किन्तु वु ये पैलु मिंडक नि बिसर सकुद।               

    

9/6/2016 ,Copyright@ Bhishma Kukreti , Mumbai India 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

 Best of Garhwali Humor Literature in Garhwal

i Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;

Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes 
गढ़वाली हास्य , व्यंग्य ; गढ़वाली हास्य , व्यंग्य ; गढ़वाली  हास्य , व्यंग्य,  गढ़वाली जोक्स , उत्तराखंडी जोक्स , गढ़वाली हास्य मुहावरे