उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Monday, June 2, 2014

नेताऊंक हॉरर ऐंड शेमफ़ुल डेस्टिनेसन टूर याने बलात्कार स्थल की पर्यटन जात्रा

घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती      

(s =आधी अ  = अ , क , का , की ,  आदि )

बुबा (केंद्रीय मंत्री ) -अरे भागवान ! कुछ पता बि च सुबेर मीन बलात्कार स्थल कौथिक दिखणो जाण। उख पैल पांच नौनुंन द्वी नौन्युं पर बलात्कार कार अर फिर नौन्युं तैं पेड़ से लटकै दे। 
घरवळि -मि तैं क्या च ? मि तैं बि लिजांद तब मि बि जाणदु कि बलात्कार स्थल की कन यात्रा हूंदी। 
मन्त्रीक नौनु -ममी या यात्रा बाढ़  सुखा क्षेत्र की हवाई यात्रा नी च कि मंत्री जीक सरा परिवार बाढ़ या सुखा दिखणो जावु 
घरवळि - हाँ पर बलात्कार स्थल पर बि कुछ ना कुछ कौथिग त लगद  ही त ह्वाल ? हैं जी ?
केंद्रीय मंत्री -हाँ बलात्कार स्थल पर कौथिग त अवश्य लगद पर उख चूड़ी -चूंटी -चदरी नि बिकदन। 
घरवळि - हैं ! इन बि क्या कौथिग जख चर्खी नि ह्वावो अर चुंटी -चूड़ी -चदरी नि बिकणि ह्वावो ? 
मन्त्रीक नौनु -ममी यु पर्यटन कुछ अलग पर्यटन च।  इखमा भीड़ हूंद किँतु आनंद लीणो समान कुछ नि बिकद। 
घरवळि - अरे आनंद नि मिलदो तो फिर तुम द्वी बलात्कार स्थल दिखणो किलै जाणा छंवां।  जाणै त क्वी सूखा प्रदेश देखिक आवदी या गर्म्युं मौसम च त स्विट्जरलैंडs सरकारी टूर पर सपरिवार जि जांदा  ?
मंत्री -ओहो यु पॉलिटिकल कम्पल्सन च कि मि तैं बलात्कार स्थल की यात्रा करण जरुरी च। 
घरवळि - हाँ तुमकुण जरुरी च पर तै जवान नौनु तैं किलै ऊख लिजाणा छंवां ? विचारो अबि त तैक आनंददायी कौथिग दिखणो समय च। 
मंत्री -ले द लगा बल सुंगरुँ दगड़ मांगळ ! अरे येन भोळ मंत्री बणन तो वै तैं बि अनुभव हूण चयेंद, समझ हूण चयेंद कि ना कि बलात्कार स्थल की यात्रा कन हूंद अर बलात्कार स्थल की यात्रा मा क्या क्या बुलण चयेंद। 
घरवळि -हाँ ट्रेनिंग दीण जरुरी च , ह्वै सकुद च कि अपण मुन्ना तै  मंत्री ह्वेक हर मैना बलात्कार स्थल दिखणो जाण पोड़।  
मन्त्रीक नौनु -पापा मी रॉबिन हुड ड्रेस मा जौं कि जैक्सन ड्रेस मा जौं ?
मंत्री -वोई नालायक ! हम क्वी रॉक ऐन रौल पार्टी मा नि जाणा छंवां।  सीधा सीधा सफेद कुर्ता -पैजामा मा जाण। ऊख दुनिया भर का टीवी कैमरा वाळ अयाँ छन। 
मन्त्रीक नौनु -शिट ! मि तैं टीवी कैमरा समिण मॉडर्न ड्रेस दिखाणो नि मिलण। 
मंत्री -सूण एक फिलम त तेरी डूबी गे।  अब हीरोपंती छोड़ अर नेतागीरी का गुर सीख। 
मन्त्रीक नौनु -पापा ऊख कथगा जगा जाण ?
मंत्री -देख द्वी जगा तो बलात्कार ह्वे।  पैल त वूं द्वी जगा दिखण। अर उखम खाली सीधा  खड़ो रौण. 
मन्त्रीक नौनु -फिर ?
मंत्री -फिर क्या ?जखमा वूं द्वी नौन्युं तैं डाळम लटकाई उखम दुइ नौन्युं आत्मा शान्ति वास्ता द्वी मिंटौ मौन रखण।
नौनु -फिर ?
मन्त्री -फिर प्रशासन अर पुलिस तैं बलात्कार का विषय मा प्रश्न पुछण पोड़ल। 
मन्त्रीक नौनु -बस फिर हम हैलीकॉप्टर से वापस ऐ जौला ना ? स्याम दैं मीन अपण नई गर्ल फ्रेंड का साथ क्लब मा जाण। 
मंत्री -वोई क्लब कु बच्चा।  मीन कथगा दैं समझाण कि छ्वरपन छोड़ अर नेतागिरिक ढोंग सीख। 
मन्त्रीक नौनु -बलात्कार स्थल दिखणो बाद क्या च उख दिखणो ?
मंत्री -अबे हीरो ! दिखणो ना ! मिलण च। 
मन्त्रीक नौनु -कै तैं मिलण ?
मंत्री -द्वी नौन्युं ब्वे -बाब तैं नि मिलण ?
मन्त्रीक नौनु -डैडी ! दिस इज रिडिकुलस ! तुम त दुखी मंत्री का ढोंग करि लेल्या पर में से उदास मनुस्य कु स्वांग नि हूण। 
मंत्री -ह्यां स्वांग करण पोड़ल।  सांत्वना का शब्द बुलण पोड़ल। मेरा लाडला ! नेतागिरी मा करुणा , रिमोर्स का स्वांग करण इ पोड़द नौन्युं ब्वे बाब से प्रश्न पुछद दैं करुण भाव का नाटक त करण ही पोड़ल। 
मन्त्रीक नौनु -आप नौन्युं ब्वे बाब से क्या क्या पुछिल्या ?
मंत्री -मि नौन्युं बुबा तैं पुछल कि बलात्कारी कथगा छया ,कै कैन बलात्कार कार , कै कैन   कै ढंग से बलात्कार कार , बलात्कार से पैल नौन्युं मानसिक दसा क्या छे ,  कैकैन बलात्कार हूंद द्याख , तुमपर क्या क्या गुजरणि च आदि आदि प्रश्न। फिर प्रेस का समणि सरकार की तरफ से मुवावजा की घोषणा करे जालि। 
घरवळि - ये जी ! केंद्र मा आण से पैल त तुम अपण राज्य मा समाज कल्याण मंत्री बि छया ना ?
मंत्री - हाँ तो ?
घरवळि - अर हमर प्रदेश मा त उत्तर प्रदेश से अधिक आये दिन बलात्कार हूंद छा तो तुम उख त बलात्कार स्थल दिखणो कबि नि गेवा।  किलै ? 
मंत्री -अरे नरभागण ! उख हमारी सरकार छे तो उख हम बलात्कार की जघन्य से जघन्य घटनाऊं तैं दबाइ दींद छा।  जग जाहिर नि हूण दींद छा। 
घरवळि - त फिर उत्तर प्रदेश का बलात्कार की घटनाऊं तैं इथगा जोर शोर से किलै उजागर करणा छंवां ? 
मंत्री -याही त राजनीति हूंद अपण दोष छुपाओ अर दुसरौ छुट बि दोष तैं बड़ा ह्वेक दिखावो।  उत्तर प्रदेश मा हमर विरोधी दल की सरकार च तो हम बलात्कार की हरेक घटना तैं उजागर करणा छंवां अर हमर प्रदेश मा हमारी पार्टीक  सरकार च तो जघन्य से जघन्य बलात्कार की घटना तैं दबाइ दींदा। 
 


Copyright@  Bhishma Kukreti  3/6/2014   
    

*कथा , स्थान व नाम काल्पनिक हैं।  
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language,Hilarity in Garhwali Language, Cheerfulness in Garhwali Language
[गढ़वाली हास्य -व्यंग्य, सौज सौज मा मजाक  से, हौंस,चबोड़,चखन्यौ, सौज सौज मा गंभीर चर्चा ,छ्वीं;- जसपुर निवासी  द्वारा  जाती असहिष्णुता सम्बंधी गढ़वाली हास्य व्यंग्य; ढांगू वालेद्वारा   पृथक वादी  मानसिकता सम्बन्धी गढ़वाली हास्य व्यंग्य;गंगासलाण  वाले द्वारा   भ्रष्टाचार, अनाचार, अत्याचार पर गढ़वाली हास्य व्यंग्य; लैंसडाउन तहसील वाले द्वारा   धर्म सम्बन्धी गढ़वाली हास्य व्यंग्य;पौड़ी गढ़वाल वाले द्वारा  वर्ग संघर्ष सम्बंधी गढ़वाली हास्य व्यंग्य; उत्तराखंडी  द्वारा  पर्यावरण संबंधी गढ़वाली हास्य व्यंग्य;मध्य हिमालयी लेखक द्वारा  विकास संबंधी गढ़वाली हास्य व्यंग्य;उत्तरभारतीय लेखक द्वारा  पलायन सम्बंधी गढ़वाली हास्य व्यंग्य; मुंबई प्रवासी लेखक द्वारा  सांस्कृतिक विषयों पर गढ़वाली हास्य व्यंग्य; महाराष्ट्रीय प्रवासी लेखकद्वारा  सरकारी प्रशासन संबंधी गढ़वाली हास्य व्यंग्य; भारतीय लेखक द्वारा  राजनीति विषयक गढ़वाली हास्य व्यंग्य; सांस्कृतिक मुल्य ह्रास पर व्यंग्य , गरीबी समस्या पर व्यंग्य, आम आदमी की परेशानी विषय के व्यंग्य, जातीय  भेदभाव विषयक गढ़वाली हास्य व्यंग्य; एशियाई लेखक द्वारा सामाजिक  बिडम्बनाओं, पर्यावरण विषयों   पर  गढ़वाली हास्य व्यंग्य, राजनीति में परिवार वाद -वंशवाद   पर गढ़वाली हास्य व्यंग्य; ग्रामीण सिंचाई   विषयक  गढ़वाली हास्य व्यंग्य, विज्ञान की अवहेलना संबंधी गढ़वाली हास्य व्यंग्य  ; ढोंगी धर्म निरपरेक्ष राजनेताओं पर आक्षेप , व्यंग्य , अन्धविश्वास  पर चोट करते गढ़वाली हास्य व्यंग्य, राजनेताओं द्वारा अभद्र गाली पर हास्य -व्यंग्य    श्रृंखला जारी