यहां कोई ज़िंदा नहीं बचेगा [इख कैन ज़िंदा नि बचण ] - Count...

दृश्य - 6 , Scene 6 - -----------------------------------------

             [   डा मदन बिजणु च ]

[ डा मदन सियुं च अर सर्यूळ बिजाळणो आंद ]
सर्यूळ- डा साब साब ! खड़ा ह्वेन जरा।

मदन - क्या ह्वे ?
सर्यूळ- मेरी घरवळि - वा बिजणी नी च।  मीन कथगा इ कोशिस कार। मि तै कुछ ठीक नी लगणु च।

[मदन गाउन पैरदो , द्वी भैर जांदन ]
-----------------------------------------------दृश्य -7   , Scene 7   ----------------------------------------- 

[मिसेज सर्यूळ सियीं च। मदन आर सर्यूळ आदन।   डा मदन तपास करद।

मदन मुंड हिलांद -
सर्यूळ- -क्या वा ?
मदन -हाँ वा अब यीं दुन्या मा नी च।
सर्यूळ- हार्ट अटैक ?
मदन [सोचिक ]-वींक साधारण तब्यत कन छै ?
सर्यूळ- -वातरोग छौ पर ठीक छे।
मदन - अजकाल कै डॉक्टरन बि तपास कार ?
सर्यूळ- डाक्टर ? सालों से वा क्या हम दुयुं मादे क्वी डाक्टरम नि गेवां।
मदन -मतलब हार्ट अटैक का क्वी चांस नि छया ?
सर्यूळ- -ना !
मदन -नींद ठीक  आंदि छे ?
सर्यूळ- हाँ ठीक था।
मदन -नींद की गोळि  गाळी ?
सर्यूळ- -ना ना कबि ना।  वींन वै गोळी खै ज्वा  आपन दे छे।
मदन -हूँ !

-----------------------------------------------दृश्य - 8   , Scene  8 ----------------------------------------- 

                     [समुद्रौ छाल ]

[महेश , आलोक , नंदा , धूमल , ब्रजमोहन समुद्रौ किनारा पर समुद्रौ तरफ दिखणा छन ]

बृजमोहन  - कखि बि मोटर बोत का नामो निशाण नि दिखेणु च।

नंदा - यु तो बीरान द्वीप च तो -अर इख सब चीज धीरे धीरे चल्दन।

धूमल - मौसम का क्या हाल ह्वाल ?

बृजमोहन -उन त ठीक दिखेणु च।

धूमल - कुछ पता नी कि कैबरी खराब ह्वे जावो।
बृजमोहन -तूफ़ान ?

[समुद्र माँ जोर की हवा ]

धूमल - बड़ी भूक लगीं च ब्रेकफास्ट ?

[सब वापस चल जांदन ]

-----------------------------------------------दृश्य -9    , Scene 9  ----------------------------------------- 

                 टेबल मा ब्रेकफास्ट

[सर्यूळ छोड़िक सब नास्ता करणा छन। सर्यूळ नास्ता दीणु च ]

कोमल - यु बड़ो मुरझायुं  लगणु च।

डा मदन - यदि वैन  नास्ता बणै अर दीणु च तो वो बि बड़ी बात च। मिसेज सर्यूळ का बगैर -

कोमल -वीं तै क्या होइ ?

डा मदन - वा सियां सियां मा इ मथिन चलि -

[सब सुस्कारी  भरदन ]

नंदा - दुखदाइ ! द्वीप मा आणो बाद द्वी मौत।

आलोक - मौत का असली कारण ?

डा मदन - कुछ बुले नि सक्यांद।

आलोक - तो सर्टिफिकेट ?

मदन - मि इनि नि दे सकुद किलकि वींक केस हिस्ट्री पता इ नी मि तै।

नंदा - हाँ ब्याळि टेप सूणिक वींक व्यवहार झक्झट्या मतबल नर्वस सि अवश्य छौ। फिर शायद हार्ट फेलियर ?

मदन - अवश्य वींक हार्ट बीत बंद ह्वेन पर क्यान ? यु बथाण कठण च।

ब्रजमोहन - वींन रात क्या खाई , क्या पेयी ? यु पता लगाण बि जरूरी ?

मदन - सर्यूळन बोलि कि क्वी इन चीज नि खै छौ।

बृजमोहन - अजी वैक बुलण से क्या हूंद ? वु कुछ बि बोल सकुद।

धूमल - तो आपक क्या ख़याल च ?

बृजमोहन - किलै ना ? ब्याळिक बात माना कुछ हद तक सही हो तो ? अब यदि वा क्वी भेद जाणदि हो अर यदि वा भेद खुलण पर उतारू ह्वे जाव तो ? वींक भेद खुलण से वींक पति खतरा मा ऐ सकुद छौ। अर भेद खुलण से वैक क्या ह्वै सकुद वु जाणदि व्ह्वाल कि ना ? तो भेद नि खुलणो बान यदि वैन चाय मा कुछ मिलै दे हो तो वैक भेद सदा का वास्ता छुप गे कि ना ?

महेशा - हाँ तर्क का हिसाब से सही बि ह्वे सकद।  किन्तु क्वी अपण घरवळि दगड़ इन नि कर सकुद।

बृजमोहन - कैक    गौळ फँस्युं हो तो वु भावना से दूर ह्वे जांद।  भवनाहीन !
[सर्यूळ का प्रवेश , वु चरि तरफ इना ऊना दिखुद ]
सर्यूळ- टोस्ट नि बण सक्दन।  आज आनंद नि आई तो ब्रेड बि नि ऐन।  उन यदि वु नि आंद तो वु अपण भाई भिजद छौ पर आज अबि तलक।

महेशा - सर्यूळ ! तेरी घरवळि मौत कु बड़ो दुःख च। हम सब्युंक तरफ़ान पस्त्यो स्वीकार कारो।
सर्यूळ- जी धन्यवाद। [चल जांद ]