लोमहर्षक , १० हत्या युक्त फिल्म नाटक

----------------------------------------------दृश्य  20   -   , Scene  20   ----------------------------------------- 

[कोमल धार्मिक किताब पढ़नी च।  अब वा डायरी लिखण लग जांद ]

कोमल [अफिक ]- एक हौर दर्दनाक हादसा ह्वे ग्ये। जनरल महेशा की हत्या ह्वे गे। अर यु तब ह्वे जब आलोक जीन अपण विचार सब तै बतैन। वूंक पूरो ख़याल च बल   हम मादे इ क्वी हत्यारा च। मतलब क्वी एक कातिल च। निर्दयी ! कु ह्वालु ? कु ? कु ? वु ? ना।  वु ? वु बि ना ? तो फिर अवश्य ही दर्शन लाल  कातिल च ---- अवश्य ही दर्शन लाल कातिल च

[अचानक वा दिखदि कि वींन क्या लेखि दे ]

दर्शन लाल ? क्या बकबास च यु ? [वा कागज फाड़दि अर मोड़ माड़िक दर्शकों तरफ फेंकी दीन्दी ]

क्या मि कखि पागल तो नि ह्वे ग्यों ? पागल ?