उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Monday, March 17, 2014

लोग क्यांक बान डरणा छन ?

चुनगेर ,चबोड़्या -चखन्यौर्या -भीष्म कुकरेती        

(s =आधी अ  = अ , क , का , की ,  आदि )       
   पैल हमम भौतिक उपकरण , भौतिक सुविधा कम छे त डौर बि कम छा।  अब भौतिक सुख सुविधा  बिंडी ह्वे गेन ; शहरीकरण बढ़ गे ;  संस्कृति रोज बदल्याणि च तो नया नया डौर बि आणा छन।  मीन कुछ खोज करिन अर पता लगाइ कि कु क्यांक बान अर किलै डरणा छन। 
मनमोहन सिंग डरणा छन कि कखि  कॉंग्रेस 2014 का लोकसभा चुनाव जीति ग्यायि तो ऊँक नाम इतिहास मा रालो ही ना जन नरसिम्हा राव कु  नाम क्वी बि कॉंग्रेसी नि लींद।  अर भाजापा चुनाव जीति जालि तो मनमोहन सिंग कु नाम  इतिहास मा अवश्य अमर रालो पर भाजापा का इतिहासकार मनमोहन सिंग तैं किदालु साबित करि द्याला। 
राहुल गांधी इलै नि डरणा छन कि कॉंग्रेसन लोकसभा चुनाव नि जितण किलैकि ये बगत चुनाव त हरण इ च , राहुल गांधी इलै डरणा छन कि ऊं तैं नई लोकसभा मा विरोधी दल कु नेता बणन पोड़ल अर जै तैं नेतागिरी करण इ नि आंद वू विरोध क्या ख़ाक कारल ?
भाजापा का भौत सा बुड्या नेता इलै डरणा छन कि कखि नरेंद्र मोदी प्रधान मंत्री बौण गे तो अच्छी खासी उमरम वानप्रस्त जीवन बिताण पोड़ल। 
सुसमा स्वराज सरीखा नेता बि डर्यां छन कि कखि नरेंद्र मोदी प्रधान मंत्री बौण गे तो अग्वाड़ी का दस साल तक तो सुसमा स्वराज जन नेताओं कु प्रधान मंत्री बणनो क्वी चांस नी रालो अर दस साल बाद ऊंकी पूछ हूण से रै !
अरविन्द केजरीवाल डर्युं च कि कखि वु  प्रधान मंत्री बौण गे तो क्या राष्ट्रपति का विरुद्ध अनसन करे जालु या अपण विरुद्ध अफिक  अनसन मा बैठण पोड़ल !
कॉंग्रेस का द्वी डौर छन।  यदि आप पार्टी तैं अपरोक्ष सपोर्ट नि करदि तो भाजापा चुनाव जीति जाली अर यदि आप पार्टी कुछ सीट लांदी बि च तो आम आदमी पार्टी से जादा नुक्सान तो कॉंग्रेस कु ही हूण।  भूतकाल मा अपरोक्ष रूप से मुलायम , मायावती , लालू तैं सपोर्ट करण से नुकसान तो कॉंग्रेस कु ही होइ। 
भाजपा डरीं च कि यदि उड़ीसा मा नवीन पटनायक  तैं गाळि नि दींदी तो ओडीसा मा भाजापा तै पुछण वाळ कैन नि रौण अर बीजेडी तैं गाळि दींदी तो आण समय मा नवीन पटनायक से सपोर्ट कनै लीण ? इनी भाजपा तमिल नाडु , बंगाल मा बि डरीं च। 
लाल टुपल्या कम्युनिस्ट बि डर्यां छन तिसर मोर्चा की सरकार नि बौणल तो दुसरो पीठ मा फ़ोकट मा सत्तु छोळणो मौक़ा फिर कब मीलल ?
डर्यां त सट्टा बजार का सटोरिया बि छन कि नरेंद्र मोदी नि जीतल तो ऊंक अरबों रुपया नुकसान की भरपाई कखन ह्वाल ? आईपीएल से तो यु नुकसान भरपाई हूण से राइ !
हां उद्योगपति कतै नि डर्यां छन किलेकि सरकार कैक बि बणलि तो  हरेक सरकार बुबा बोलिक उद्योगपतियुं  स्वार्थ पूर्ती कारली ! 
इन मा नरेंद्र मोदी से जादा अमित शाह डर्युं च कि कखि चुनाव मा भाजपा का कुछ नेता ऊनि भाई-घात , धोखा कौर द्याल जन भाजपा नेताओंन  वी सी खंडूरी तैं हराणो बान विश्वासघात करी छौ तो ?
आप क्यांसे अर क्यांक बान डर्यां छंवां ?


Copyright@ Bhishma Kukreti  15/3/2014 

*कथा , स्थान व नाम काल्पनिक हैं।  
[गढ़वाली हास्य -व्यंग्य, सौज सौज मा मजाक  से, हौंस,चबोड़,चखन्यौ, सौज सौज मा गंभीर चर्चा ,छ्वीं;- जसपुर निवासी  द्वारा  जाती असहिष्णुता सम्बंधी गढ़वाली हास्य व्यंग्य; ढांगू वालेद्वारा   पृथक वादी  मानसिकता सम्बन्धी गढ़वाली हास्य व्यंग्य;गंगासलाण  वाले द्वारा   भ्रष्टाचार, अनाचार, अत्याचार पर गढ़वाली हास्य व्यंग्य; लैंसडाउन तहसील वाले द्वारा   धर्म सम्बन्धी गढ़वाली हास्य व्यंग्य;पौड़ी गढ़वाल वाले द्वारा  वर्ग संघर्ष सम्बंधी गढ़वाली हास्य व्यंग्य; उत्तराखंडी  द्वारा  पर्यावरण संबंधी गढ़वाली हास्य व्यंग्य;मध्य हिमालयी लेखक द्वारा  विकास संबंधी गढ़वाली हास्य व्यंग्य;उत्तरभारतीय लेखक द्वारा  पलायन सम्बंधी गढ़वाली हास्य व्यंग्य; मुंबई प्रवासी लेखक द्वारा  सांस्कृतिक विषयों पर गढ़वाली हास्य व्यंग्य; महाराष्ट्रीय प्रवासी लेखकद्वारा  सरकारी प्रशासन संबंधी गढ़वाली हास्य व्यंग्य; भारतीय लेखक द्वारा  राजनीति विषयक गढ़वाली हास्य व्यंग्य; सांस्कृतिक मुल्य ह्रास पर व्यंग्य , गरीबी समस्या पर व्यंग्य, आम आदमी की परेशानी विषय के व्यंग्य, जातीय  भेदभाव विषयक गढ़वाली हास्य व्यंग्य; एशियाई लेखक द्वारा सामाजिक  बिडम्बनाओं, पर्यावरण विषयों   पर  गढ़वाली हास्य व्यंग्य, राजनीति में परिवार वाद -वंशवाद   पर गढ़वाली हास्य व्यंग्य; ग्रामीण सिंचाई   विषयक  गढ़वाली हास्य व्यंग्य, विज्ञान की अवहेलना संबंधी गढ़वाली हास्य व्यंग्य  ; ढोंगी धर्म निरपरेक्ष राजनेताओं पर आक्षेप , व्यंग्य , अन्धविश्वास  पर चोट करते गढ़वाली हास्य व्यंग्य    श्रृंखला जारी  

No comments:

Post a Comment

आपका बहुत बहुत धन्यवाद
Thanks for your comments