उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Monday, December 1, 2014

ऑफिसम म्यार नाजायज संबंध

Best  Harmless Garhwali Humor  , Satire, Wit, Sarcasm on Love Affairs in Workplaces :  

                                      ऑफिसम  म्यार  नाजायज संबंध    
                                          घाघ प्रेमी : भीष्म कुकरेती 
घरवळि -मि तैं अब्याक अबि वींक नाम बतावो जैंक दगड़ इथगा सालों से तुम ऑफिसम प्यार करणा छंवां ?
मि -हैं ! अचाणचक क्या ह्वै त्वै जु तू म्यार ऑफिसौ प्रेम का बाबत पुछणि छे ? हैं ? 
घरवळि -द्याखो हाँ ! मि तुमर प्यार का चक्कर का बारा मा अति गंभीर छौं हाँ ! अर मि जाणदु छौं कि तुमर कै ना कैक दगड़ चक्कर चलणु च। 
मि -त्वे सरीखा बिगरैलि वाइफ का हुँदा मि इथगा भाग्यशाली कख छौं कि दुसर जनानी से प्यार कर सौकुं !
घरवळि -द्याखो हां ! मि मजाक , मसखरी , खन्नु खरपटौ मूड मा नि छौं।  मैकुण  तुमर भैरौ प्रेम चक्कर का बारा मा जाणन जरूरी च। 
मि -मतबल एक्स्ट्रा मारीसल रोमांसेज ?
घरवळि -हाँ !
मि -म्यार भैर क्वी प्यार -ऊरक क्वी चक्कर नी च। 
 घरवळि -नै इन ह्वैइ नि सकद।  तुमर क्वी ना क्वी चक्कर छैं च। 
मि -आज ह्वाइ क्या च ? जु तू म्यार प्यार का चक्कर का बारा मा इथगा चिंतित छे ?
घरवळि -इकॉनोमिक टाइम्स की रिपोर्ट च कि 50 % प्रतिशत लोगुं आपस मा एक्स्ट्रा मारिसल रिलेसनशिप छन अर यूं मादे 51 % लोगुं अपण ऑफिसम काम करण वाळ कारिंदो दग्द प्यारो चक्कर च। तुम अवश्य ही यूं 51 प्रतिशत मादे छंवां। 
मि -मेरी ऑफिसम क्वी प्रेमिका नी च। 
घरवळि -क्या तुमर अपण जूनियर से चक्कर नी चलणु च ?
मि -नै मी पर यु मानसिक रोग नी च कि मि अपण जूनियर से प्रेम करूँ। 
घरवळि -इन ह्वैइ नि सकद।  इकोनोमिक टाइम्स की रिपोर्ट च कि 34 . 3 प्रतिशत लोगुं अपण जूनियर से एक्स्ट्रा मारिसल रिलेसन छन। 
मि -ये मेरी मा ! मि इथगा भाग्यशाली नि छौं कि म्यार जूनियर मेरी प्रेमिका ह्वै जावु !
घरवळि -अच्छा तुम अपण उच्च अधिकारी छंवां कि ना ?
मि -हाँ मि उच्च अधिकारी छौं। 
घरवळि -तो अवश्य ही तुम वूं 14.6 पर्सेंट मा ही छंवां !
मि -14.6 पर्सेंट क्या बकवास च ?
घरवळि -इकॉनोमिक टाइम्स कु सर्वे बतांद कि 14.6 पर्सेंट उच्च अधिकार्युं अपण सीनियरुं दगड़ नाजायज संबंध छन।  जरूर तुमर अपण सीनियर्याणि दगड नाजायज संबंध होला ! 
मि -ओ माई डार्लिंग मि अपण ऑफिसम सबसे बड़ो अधिकारी छौं। 
घरवळि -तो तुमन अपण प्रेम खत्म करणो बान अपण ट्रांसफर कराइ होलु ?
मि -क्यांक ट्रांसफर ? हमर हेडऑफिस ही मुंबई मा च तो ट्रांसफर क्यांक हूण छौ। 
घरवळि -इकोनोमिक्स टाइम्स का सर्वे का हिसाब से 12 . 5 पर्सेंट मर्द अपण ट्रांसफर नाजायज संबंध बिच्छेद करणो बान करदन। 
मि -ट्रांसफर जि ह्वे सकुद त मि ट्रांसफर नि करांद ?
घरवळि -मि किट्टी पार्टी मा मुख दिखाण लैक नि छौं। 
मि -किट्टी पार्टी मा मुख दिखाण लैक नि छौं ? क्या मतबल ?
 घरवळि -आज हमर किट्टी पार्टी च।  उख आज सब जनानी अपण कजेक नाजायज संबंधुं बारा मा बताला।  बारास्युं की मिसेज बागणीन  अपण  पतिदेव का सब नाजायज संबंधों खोज करी याल ; मिसेज चौँदकोट्या बांदन बि अपण हजबैंडो एक्स्ट्रा अफेयर का बारा मा पता कर आल कि वैक संबंध अपण टाइपिस्टो दगड़ च अर  बड्यार गड की मिसेज गदगदी बांद का हजबैंड का द्वी अफेयर चलणा छन तो भागरथी घाटी की मिसेज चिपळी चकोरिक पति का अपण फीमेल सेनियरौ दगड़ चक्कर चलणु च। इनि सब्युंक पतियों का इना -ऊना नाजायज संबंध छन।  अब जब मि बुलल कि म्यार हजबैंडो कखि बि नाजायज संबंध नि छन तो किट्टी पार्टी मा मेरी बेज्जती हूण इ च। 
मि -सॉरी डार्लिंग मि पत्नीव्रता  अधिकारी छौं। 
घरवळि -बड़ा ऐन पत्नीव्रता  पति ! ह्यां पर अपण ऑफिसम एकाध नाजायज संबंध बणानम तुमर क्या जाणु छौ।  अब मि क्या मुख दिखाण लैक बीं नि छौं। 
मि -ह्यां पर जब हमर ऑफिसम जब फीमेल कर्मचारी भर्ती हि नि करे जांदन तो नाजायज संबंध कैक दगड़ बिठाण छौ ?
घरवळि -तुमन एक बि सुख मि तैं नि दे।  तुमर एकाद नाजायज संबंध ही ले हूंद तो ! 
मि -पता नी क्या बुलणी छे धौं तू ?
घरवळि -अच्छा सूणो ! मि  बाथरूम जाणु छौं।  जरा किचन मा दूध चेक करि लेन। 
घरवळि बाथरूम जांद।  अर मीन फोन घुमाई। 
मि -हेलो ! मिसेज छकछट्या ! माइ  बुलबुल ! माइ स्वीट हार्ट ! हाँ सूण!  जन कि प्लान छौ हम रिवॉल्विंग रेस्ट्रॉं मा लंच करला। अपण ऑफिस से छुट्टि लेक टैम पर ऐजै।   नै नै डोंट वरी ! मीन कैबिन बुक करी आल।  वी श्यल हैव कम्पलीट प्राइवेसी फॉर रोमांस, बिल्किल एकांत राल   ! बाइ बाइ ! विल मीट दियर ! आइ लव यू डार्लिंग ! 

                                    

Copyright Bhishma Kukreti 1/12 /2014   
   *लेख की   घटनाएँ ,  स्थान व नाम काल्पनिक हैं । लेख में  कथाएँ चरित्र , स्थान केवल व्यंग्य रचने  हेतु उपयोग किये गए हैं।

Best of Garhwali Humor in Garhwali Language on Love Affairs in Workplaces; Best of Himalayan Satire in Garhwali Language on Love Affairs in Workplaces; Best of  Uttarakhandi Wit in Garhwali Language ; Best of  North Indian Spoof in Garhwali Language on Love Affairs in Workplaces; Best of  Regional Language Lampoon in Garhwali Language; Best of  Ridicule in Garhwali Language on Love Affairs in Workplaces; Best of  Mockery in Garhwali Language on Love Affairs in Workplaces; Best of  Send-up in Garhwali Language on Love Affairs in Workplaces; Best of  Disdain in Garhwali Language on Love Affairs in Workplaces  ; Best of  Hilarity in Garhwali Language; Best of  Cheerfulness in Garhwali Language on Love Affairs in Workplaces;  Best of Garhwali Humor in Garhwali Language from Pauri Garhwal on Love Affairs in Workplaces; Best of Himalayan Satire in Garhwali Language from Rudraprayag Garhwal on Love Affairs in Workplaces; Best of Uttarakhandi Wit in Garhwali Language from Chamoli Garhwal on Love Affairs in Workplaces; Best of North Indian Spoof in Garhwali Language from Tehri Garhwal on Love Affairs in Workplaces  ; Best of Regional Language Lampoon in Garhwali Language from Uttarkashi Garhwal on Love Affairs in Workplaces ; Best of Ridicule in Garhwali Language from Bhabhar Garhwal on Love Affairs in Workplaces; Best of Mockery  in Garhwali Language from Lansdowne Garhwal on Love Affairs in Workplaces; Best of Hilarity in Garhwali Language from Kotdwara Garhwal on Love Affairs in Workplaces; Best of Cheerfulness in Garhwali Language from Haridwar on Love Affairs in Workplaces;