फेसबुक का Like करदार

 चबोड़ करदार : भीष्म कुकरेती 

 फेसबुक या हौर सोसल मीडिया आज एक वास्तविकता च अर अग्वाड़ी बि इनि सोसल मीडियाऊं गदन आंदा राला। 

फेसबुक मा पोस्ट लिखवारुं द्वी ख्वाविस हूंद - एक त मेरी पोस्ट बेहंत लोगुं तक पौंच जा अर Like करदार थोक मा Like कौरन। 

मि केवल उत्तराखंडी फेसबुल थौळ से जुड्युं छौं तो उत्तराखंडी Facebook कु अनुभव से मीन Like करदारुं सर्वेक्षण कार तो मुख्य Like करदार इन छन -

सन्यासी Like - यी Like करदार Like का ठेकेदार छन अर बस फेसबुक मा Like करणो अया छन।
बगैर पौढ़िक Like - मी रोज दिखदु कि मि इना अपण लेख पोस्ट नि करदु कि तैबरि  Like ऐ जांद।  यी बगैर पढ़यां ही Like करदन।

मृत्यु खबर का Like - मथ्यक Like करदार मृत्यु या उत्तराखंड की बाढ़ सूचना तैं बि Like कर दींदन। 

संटोर्या  Like - अब माना मि तैं क्वी Like करणु रावु तो मि तैं बि वैक /वैकि पोस्ट Like करण ही पड़द। अदला बदली याने बार्टर सिस्टम जन   Like ।

उधार बौड़ाणो Like - कैक Like का बदला माँ Like करण अर यु बार्टर या संटोर्या Like कु ई भाग च। 

टाइम पास Like - यीं बौम कुछ काम नी त स्या बाछिक काँध मलासणी च वाळ हिसाब याने भौत दैं टाइम पास करणो बान भौत सा Like बटन दबांदन। 

रिस्तेदारी निभाणो Like - यदि पोस्ट करण वाळ जाण -पछ्याणक , रिस्तेदार हो तो Like दबाण इ पोड़द। 

प्रेम प्रदर्शन  या फ्लर्टिंग - भौत दैं मीन पायी कि Bhishma नाम से कथगा नौजवान या बुड्या मि तैं जनानी समजिक Like करदन अर फिर चैटिंग करदन अर लिखदन - मैडम ! आप कख रौंदन।  जनि यूँ तैं पता चलदो कि मि मर्द छौं तो Like बंद ह्वे जांदन। 

सचेकी Like - भौत सा विषय तैं अछेकी Like करदन अर तबि Like टैब दबांदन 

देवदूत पाठक - यी पोस्ट करण वाळक प्रेमी हून्दन अर खुसी खुसी मा Like करदन। 

ठसठस Like - यी कंजूस हून्दन अर बड़ी मुस्किल से Like करदन। 

मुर्दार Like - यी अळगसी हूंदन अर पसंद की पोस्टिंग तैं बि Like नि करदन। 

अनभिज्ञ - पैल पैल फेसबुक थौळ मा ऐक पता इ नि चलदो कि Like क्या हूंद 

प्रेमी -प्रेमिकाओं Like- यी एक दुसराक हरेक पोस्ट का Like करदार हूंदन 

बकै Like कै तरां का Like हूंदन मि तैं बि बतावो 

Copyright@  Bhishma Kukreti 7/9/ 2014       
*लेख में  घटनाएँ ,  स्थान व नाम काल्पनिक हैं । लेख  की कथाएँ , चरित्र व्यंग्य रचने  हेतु सर्वथा काल्पनिक है 

  
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar