उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Tuesday, September 9, 2014

गंगा मैली क्यों ?

गंगा मैली किलै च ?

                  चबोड़्या , चखन्यौर्या , मजाक्या : भीष्म कुकरेती 

"हेलो ! Environmental Protection Agency here , may I help you ? यह पर्यावरण रक्षा विभाग है।  हिंदी में बात करने के लिए एक दबाएं। "
मि - चलो एक दबै दींदु। 
"हिंदी माँ बात करणो वास्ता धन्यवाद।  यदि आपकी शिकायत पर्यावरण संबंधित च तो द्वी दबाओ। "
" हेलो ! पर्यावरण रक्षा विभाग मा आपक स्वागत च। "
मि -म्यार पड़ोसीन अपण शौचालय की नाळी सीधा गंगा जी मा छोड़ी द्याई। गंगा प्रदूषण हुणि च। 
उख बिटेन आवाज -   आप तैं विषैली कीचड़ गंगा मा चुलाण वळ विभाग से जुड़दु त आप  वै विभाग से बात कारो। 
मि - मेरी शिकैत विषैली कीचड़ ना मलमूत्र गंगा मा छुड़न मुतालिक च।
उख बिटेन आवाज - हाँ खर्चा कम करणो बान हमन विषैला पदार्थ , कीचड़ अर मल मूत्र फेंकणो शिकायत कु एकी विभाग निर्मित कर्युं च।
उख बिटेन हैंक आवाज -हैलो ! विषैला पदार्थ , कीचड़ की हार्दिक शुभकामना।  कृपया कहिये मै आपकी क्या सेवा कर सकता हूँ ?
मि - जी म्यार पड़ोसीन अपण शौचालय की नाळी सीधा गंगा जी मा छोड़ी द्याई। गंगा प्रदूषण हुणि च।
उखाकी आवाज - आपकू महानगर पालिका कु नाम ?
मि - जी हमर महानगर पालिका नी च।
उखाकी आवाज - नगरपालिका ?
मि -नगरपालिका बि नी च
उखाकी आवाज - ग्राम पंचायत ?
मि - श्यामपुर
उखाकी आवाज - तो आप ग्राम पंचायत कु प्रदुषण रक्षा विभाग से बात कारो 
मि - जी ग्राम प्रधान बुलणु च बल हमर ग्राम पंचायत मा क्वी इन विभाग क्या कनि बि अलग विभाग नी च जु गंगा प्रदुषण संबंधी सिकैत सूणो
उखाकी आवाज - तो आप केंद्रीय क्षेत्रीय पर्यावरण व प्रदुषण रक्षा विभाग से बात कारो।  ल्या यु नंबर च 420 9211 हैंक नंबर च 3 MA NA 13 
मि - त तुमर काम क्या च ?
उखाकी आवाज - हम दिल्ली मा बैठिक पर्यावरण -प्रदुषण रक्षा की नीति बणौदा।  आप नंबर  420 9211 हैंक नंबर पर  3 MA NA 13 बात कारो 
मि -420 9211?
उख बटें आवाज - जी मि आपक क्या सेवा कौर सकुद ?
मि -जी म्यार पड़ोसीन अपण शौचालय की नाळी सीधा गंगा जी मा छोड़ी द्याई। गंगा प्रदूषण हुणि च।
उख बटें आवाज - आप 3 MA NA 13 पर बात कारो
मि -हेलो ! 3 MA NA 13?
उख बटें आवाज - हाँ आपकी परेशानी क्या च ?
मि -जी म्यार पड़ोसीन अपण शौचालय की नाळी सीधा गंगा जी मा छोड़ी द्याई। गंगा प्रदूषण हुणि च।
उख बटें आवाज - तो आप अपण नगरपालिका का पास सिकैत कारो। 
मि - जी ग्राम प्रधान कु बुलण च कि हमर ग्राम सभा मा क्वी अलग विभाग क्या क्वी बि विभाग इ नी च।
उख बटें आवाज - ठीक च।  तो इन बताओ आप इंदिरा गांधी स्वच्छ गंगा योजना , राजीव गांधी साफ़ -स्वच्छ गंगा महायोजना , नरसिम्हा राव गंगा बचाओ अभियान , वाजपेई गंगा को पवित्र बनाओ प्रावधान या मोदी गंगोत्री से गंगा सागर सफाई प्रवाधान मादे कै नियम का तहत सिकैत करण चाणा छन?
मि - पर मि तैं क्या पता कि इंदिरा गांधी स्वच्छ गंगा योजना , राजीव गांधी साफ़ -स्वच्छ गंगा महायोजना , नरसिम्हा राव गंगा बचाओ अभियान , वाजपेई गंगा को पवित्र बनाओ प्रावधान या मोदी गंगा सफाई प्रवाधानक्या छन ?
उख बटें आवाज - जी शिकैत करण से पैल आपन पुलिस या वकील से पुछ्ण त छौ कि कै गंगा सफाई प्रवाधान मा शिकायत करे जाव। 
मि - मि पटवारी जी मा गे छौ
उख बटें आवाज - पटवारिन क्या ब्वाल ?
मि - जी वु बुलणु च बल यु गंगा प्रदुषण कु केस नी च। यु सिविल केस च।
उख बटें आवाज -सिविल केस किलै ?
मि - जी इन च हमर मकान तीस साल पुरण  च अर हमर शौचालय  से माटै नाळी सीधा गंगा जी मा जांदी।  किंतु हमर पडोसीन पाइप की नाळी लगै दे। अर यांसे हमर नाळी ब्लॉक ह्वे गे
उख बटें आवाज - अरे तुम बि गंगा प्रदुषण करणा छंवां अर तुमर पडोसी बि तो तुम तैं शिकायत करणो क्या अधिकार ?
मि - अजी हम सैकड़ों साल से वै गां मा रौंदा तो गंगा जी पर हमर पैतृक अधिकार च।  इ नया नया लोग ऐक हमर अधिकार पर अतिक्रमण करणा  छन तो हम तैं कनै बर्दास्त होलु ?
उख बटें आवाज - तो आप अतिक्रमण कु सिविल केस कारो 
मि - पटवारी जी बुलणा छन कि पैल पर्यावरण विभाग से लिखैक लावो कि यु केस गंगा प्रदुषण कु च।
3 MA NA 13 बटे आवाज - दिमाग खराब हुयुं च हमर ? यदि हम लेखिक दे द्योला कि यु गंगा प्रदुषण कु केस च तो हम तैं कार्यवाही करण पोड़ल अर हम कार्यवाही जि करदा तो गंगा मैली हूंदी क्या ?

No comments:

Post a Comment

आपका बहुत बहुत धन्यवाद
Thanks for your comments