नौलि नौलि , नई कार का नखरा

भावानुवाद ::: भीष्म कुकरेती

 नई कारौ मालक (साइन बोर्ड - 'कार मैकेनिक' , देखिक ) - भै इख कार रिपेयर त हूंद च कि ना ?

मेकैनिक -जी हाँ ! जी साइनबोर्ड माँ बि लिख्युं च कि कार मेकेनिक ! 

कारौ मालक -ना ना म्यार मतबल च कि मेरी नई नई , नौलि कार च ना ! इलै बुलणु छौं मेकैनिक - आपक समस्या क्या च ?कारौ मालक -नै ज्यादा कुछ ना खाणक नि पचद। मेकैनिक -जी तो आप तैं ह्यूमन बॉडी मेकेनिक मा जाण चयेंद।  मि त कार मेकैनिक छौं।

कारौ मालक - ओहो मीन समझ तू म्यार स्वास्थ्य बारा मा पुछणु छे। मेकैनिक -  जी कार मा क्या खराबी च ?कारौ मालक -मि तैं लगणु च यीं कार मा इंजिन नी च।  सैत च कम्पनीन मि थैं डुप्लीकेट कार बेचीं दे।  देख ना समिण इंजिन छैं इ नी च। मेकैनिक -नै नै ये मॉडल मा इंजिन ऐथर ना पैथर हूंद , डिग्गी तौळ। कारौ मालक -हैं ? डिग्गी तौळ इंजिन ? मीन समझ कार डीलरन मि तैं बेवकूफ बणैक  बगैर इंजिनै कार पकड़ै दे। मेकैनिक -नै जी ! एक बात बतावो जु यीं कारम इंजिन नि हूंद त आप कार चलैक इख तलक कनकै आंदा।  कारौ मालक -अरे हाँ ! मीन यु त घड़े , सोच इ नी च।  थैंक यू  !मेकैनिक -क्वी बात नी च। कारौ मालक -अर हाँ , जब कार सेल्समैनन कार बेचीं तो बतै छौ कि कार की माइलेज बारा  किलोमीटर  च पर मेरी कारक माइलेज त किलोमीटर इ च। मेकैनिक (कारक भीतर दिखुद ) -ओहो ! आपक हैंडब्रेक दब्यूं च।  कैन दबाई यु हैंडब्रेक ?कारौ मालक -मीन इ दबाई कि जब बि जरूरत हो तो हैंडब्रेक दबाण पड़द ।  मीन स्वाच कि हहैंडब्रेक दबाणो झंझट से बचे जावो त मीन हैंडब्रेक दबैक रख दे।

मेकैनिक -जी आज से हैंडब्रेक पर जिंदगी भर हाथ नि लगयाँ।  हैंडब्रेक दबण से कारक स्पीड कम रौंद अर कार पेट्रोल ज्यादा खांद । 

कारौ मालक -अरे वाह ! कथगा काम की बात बताई !
मेकैनिक -बस ! हौर कुछ गड़बड़ी ?कारौ मालक -ना  ! पर कार हाँ कार की फ्रंट विंडो पर गर्द जम जांदी। मेकैनिक -हैं ? यीं कार का वाइपर कख हर्ची गेन ?

कारौ मालक -ना ! ना ! बरखाक सीजन त नी च त मीन वाइपर निकाळि देन। मेकैनिक -वाइपर लगैक राखो जाँसे आप फ्रंट विंडो की गर्द saaf  कर साको। कारौ मालक -थैंक यु वेरी मच। मेकैनिक -स्वागत च।

कारौ मालक - अच्छा कथगा बिल ह्वे ?मेकैनिक -कुछ ना।  जु पैसा तुम मीतैं दीण वाळ छंवां वूं पैसों से तुम एक किताब खरीद लेन !
कारौ मालक -हाँ हाँ ! किताबो नाम क्या च ?मेकैनिक -कॉमन सेन्स !

कारौ मालक -थैंक  यूं।  मि अवश्य ही  यीं किताब खरीदलु ।  क्या या किताब हरेक कार विक्रेताक इख मिल जाली ?

25/9/2014