उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Friday, September 26, 2014

डिप्रेसन मा जाणौ कुछ सरल तरीका

अकुशल   टुटबागी बैद --- भीष्म कुकरेती 

   डिप्रेसन याने गहन उदासी।  इन दिखे गे कि डिप्रेसन बाह्य परिस्थितियों से हूंद।  पता यु कथन सही च, गलत च या कैन हम तैं बौगणो  /फुसलाणो या बेवकूफ बणाणो बान बोलि बि ह्वाल  धौं ? तुम तैं क्या च यांसे लीण -दीण कि डिप्रेसन बाह्य कारणों से हूंद , आंतरिक कारणों से हूंद या कैक श्राप से हूंद।  तुम तैं डिप्रेसन मा जाण से मतबल च। 
डिप्रेसन का एक कारण नौकरी नि पाण , नौकरी छूटि  जाण या घर बैठ्वा ह्वे जाण हूंद।   सबसे सरल उपाय च नौकरी की खोज इ नि कारो अर बस इन स्वाचो कि क्वी बि प्रधानमंत्री तुमर बान थाळी मा नौकरी धौरिक आल।  अर नौकरी लगीं बि हो लगीं लगयीं नौकरी पर लात मारिक घर बैठ जावो स्वतः ही आप डिप्रेसन मा चल जैलि।  
धन का डुबण  बाह्य कारण हूंद जु डिप्रेसन लांद तो कुछ नि करण सट्टा , जुवा ख्यालो अर डिप्रेसन गति पावो।  जुवा -सट्टा सिखणो  बान गलत संगत आवश्यक च तो जख तलक ह्वावो कुढबी , कुख्यात, कुनेथिक  लोगुं संगत कारो अर डिप्रेसन का मार्ग पाओ। 
अपराध बोध बि डिप्रेसन लांद तो हत्या छोड़िक जथगा बि अपराध कर सकदा कारो अर परमधाम डिप्रेसन पावो। जन कि  परिवार मा झगड़ा, जब बि अवसर पाओ कैक बि दगड झगड़ा कारो या याअमानत मा खयानत कारो। 
अधिक दारु , शराब सेवन बि डिप्रेसन लांद।  तो अत्याधिक दारु , शराब पीण लग जावो अर यांसे बि डिप्रेसन नि आवो तो भांग -चरस प्यावो अवश्य ही डिप्रेसन की सद्गति प्राप्त ह्वे जाली ,
डिप्रेसन तैं बुलाणो सौंग तरीका  कि आप स्वयं ही सुचण लग जावो कि आप डिप्रेस्ड छंवां , आप अभाग्यशाली छंवां अर आपसे कुछ नि ह्वे सकद। 
डिप्रेसन मा जाणो बहुत सा और बि तरीका छन पर उपरोक्त तरीका काफी छन। 



Copyright@  Bhishma Kukreti 26/9/ 2014       
*लेख में  घटनाएँ ,  स्थान व नाम काल्पनिक हैं ।
 लेख  की कथाएँ , चरित्र व्यंग्य रचने  हेतु सर्वथा काल्पनिक है 
  
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar;

No comments:

Post a Comment

आपका बहुत बहुत धन्यवाद
Thanks for your comments