उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Wednesday, September 3, 2014

भाजपा की दुमुख्या गुरौ वळि राजनीति

चबोड़्या :  भीष्म कुकरेती 

कॉंग्रेस की पंचमुखी राजनीति अर संगठन का इकदगड़ी सोनिया मुखी अर राहुल मुखी हूण पर त भाजपा का नेता तेजाबी हमला करदन किंतु अपर द्विमुखी चालचलन पर चुप्पी ले लीन्दन- गूणी अपण पूछ त दिखुद नी च पर बांदरौ कुण ब्वाद बल तै बाँदरौ पूच लम्बू च ।  अब द्याखो ना परसिपुण जुलाइ -अगस्त 2014 मा स्थानीय चुनाव ह्वेन तो पौड़ी मा बि पंचायत अध्यक्ष का चुनाव ह्वेन।  पौड़ी जिला पंचायत अध्यक्ष पद ये बगत जन्यान्यु कुण आरक्षित छे तो बिचारा सबि लालू प्रसादुंन अपण अपण राबड़ी देव्युं तैं अध्यक्ष पद का वास्ता खड़ी करी देन।  कॉंग्रेस की राबड़ी याने उत्तराखंड का मंत्री हड़क सिंह रावत की राबड़ी देवी याने श्रीमती दीपा रावत जीती गे अर भाजपा की राबड़ी देवी याने हिमानी नेगी याने  भूतपूर्ब पंचायत अध्यक्ष केशर सिंह नेगी की धर्मपत्नी चुनाव हारि गे। पढ़न मा त समाचार बड़ो सरल दिख्याणु च किंतु समाचार इथगा सरल नी च। 
सवाल च भाजपा की राबड़ी देवी उर्फ़ हिमानी नेगी छ क्वा च अर यदि भाजपा न हिमानी नेगी तैं पौड़ी जिला पंचायत अध्यक्ष पद का टिकेट दे तो वै पर किलै इन बुल्याणु च बल भाजपा बि दुमुख्या गुरौ की राजनीति चलांदी। 
भूतपूर्ब पंचायत अध्यक्ष केशर सिंह नेगी की धर्मपत्नी हिमानी नेगी तैं भाजपा द्वारा टिकेट दीणो साफ़ अर्थ च बल भाजपा  नेता गढ़वालम शराब को बढदो चलन पर हजारों टन का आंसू केवल दिखाणो बौगाँदन निथर असलियत या च कि भाजपा का बड़ा पदाधिकारियों तैं पड़ीं बि नी च कि गढ़वाल मा शराबौ प्रचलन कम हो।  भाजपा का पदाधिकार्युं तैं गढ़वाळम बढदो शराबौ  रिवाज से यदि इथगा चिंता इ जि हूंदी तो पौड़ी जिला पंचायत अध्यक्ष पद का टिकेट श्रीमती हिमानी नेगी तैं कतै नि दींदा। भाजपा सिर्फ दिखावा करदी , भाजपा का नेता बस स्वांग याने नाटक करदन कि गढ़वाळम शराब से युवा शक्तिहीन हूणा छन , शराब से युवा कांतिहीन हूणा छन।  भाजपा द्वारा मीरा रतूड़ी अर सुधा सती तै दरकिनार करिक हिमानी नेगी याने  केशर सिंह नेगी की धर्मपत्नी तैं टिकेट मिलणो साफ़ अर्थ च कि भाजपा तो शराब की समर्थक च। 
भाजपा जोरो से भोंपू बजांदी , तुरही बजान्दी , ढोल बजान्दी कि हम साफ़ सुथरी राजनीति मा विश्वास करदा किन्तु केशर सिंह नेगी की धर्मपत्नी हिमानी नेगी तैं पौड़ी  पंचायत अध्यक्ष पद दीणो साफ़ मतबल च , मीनिंग च बल भाजपा की साफ़ सुथरी राजनीति से क्वी लीण -दीण नी च बस बुलणो को हि नारा च कि भाजपा भारत मा साफ़ सुथरी राजनीति लाणो तयारी करणी च।  वास्तव म त व्यवहारिक धरातल मा भाजपा रसूक, तिकड़म  की ही राजनीति की चेली ,  शिष्या च। 
भाजपा जोरों से बयानबाजी करदी बल भाजपा हमेशा अपण कैडर का हितैषी च पर मीरा रतूड़ी अर सुधा सती तैं छोड़िक हिमानी नेगी तैं भाजपा का टिकेट मिलणो सही अर्थ च कि भाजपा मा  कार्यकर्ताओं  की ना अपितु तिकड़मी नेताओं की ही चलदी जन कॉंग्रेस मा नेताओं का रिश्तेदारुं की ही चलदी। 
अब आपन पुछण बल मि हिमानी नेगी से इथगा किलै चिरड्याणु छौं ? नै नै हिमानी नेगी का गोरुंन ना तो म्यार उज्याड़ खाइ ना हि भूतपूर्ब पंचायत अध्यक्ष केशर सिंह नेगी की धर्मपत्नी हिमानी नेगन म्यार वाड सरकाई। म्यार हिमानी नेगी से क्वी बैर दोष नी च। 
जब आप तैं पता चौलल कि हिमानी नेगी क्वा च तो आप बि बुलीला बल भाजपा गढ़वाळम  शराब का बढ़दा उपयोग पर जब चिंता जताँदी तो वो केवल एक ढोंग च , ढकोसला च बस। 
जब आप तैं पता चौलल कि हिमानी नेगी कैकि राबड़ी देवी च तो आप बि सहमत ह्वै जैल्या कि भाजपा की साफ़ सुथरी राजनीति कु हल्ला सिर्फ दिखावा च , एक छद्म प्रचार च। 
हिमानी नेगी भूतपूर्व पौड़ी पंचायत अध्यक्ष केशर सिंह नेगी की पत्नी च।  
अर केशर सिंह नेगी शराब का कई ठेकाउं मालिक छन अर केशर सिंग जीक कई समर्थकों का पास बि शराब का ठेका छन। 
तो अब आप ही न्याय -निसाब कारो की भाजपा की असली चेहरा क्या च ?
आप बि अब बोलली कि न कि भाजपा की  राजनीति दुमुख्या गुरौ वळि राजनीतिच। 
             


Copyright@  Bhishma Kukreti  3  /9/ 2014       
*लेख में  घटनाएँ , स्थान व नाम काल्पनिक हैं । 

  
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar;

No comments:

Post a Comment

आपका बहुत बहुत धन्यवाद
Thanks for your comments