चबोड़ इ चबोड़ मा पूंजीवाद पर पथर्यौ

चबोड़्या  : भीष्म कुकरेती 

s = अधा अ 

 अजकाल मोदीजी जपान जयां छन तो क्वी  बि भारतीय इन नि बुलणु च बल ये नरेंद्र भाई ! तू जपान जाणि छे त जपान्यूं कुण क्या लीगी /क्या लिजाणी छे  ? बल्कण मा हरेक भारतीय नरेंद्र मोदी से पुछणु च बल ये भै जपान से क्या क्या अर कथगा लैल ? अर लैल बि त केँ कीमत पर लैली ?

अब द्याखो ना भुंदरा बौन सीतारामन भुलि द्वारा मोदीजी कुण रैबार भ्याज बल जिठा जी  जपान जाणा छन त जरा मेकुण अच्छा दिन जरूर लैन।  मिन बि दिखण कि यि अच्छा दिन हूंद क्या च !

सीतारामन भुलिन पूछ - हे दीदी त्यार हिसाब से अच्छा दिन कन होलु ?

भुंदरा बौ- म्यार हिसाब से अच्छा दिन वो च जैदिन भारतीय उद्योग अपण लाभ का वास्ता चीज बस्तर निर्माण करणो जगा हम भारतीयों असली जरुरात पूरी करणो बान निर्माण कारन। 

सुंदरा बौ पैथर किलै रौंदी वीं बौन सुषमा स्वराज कुण ब्वाल बल ही ब्वारी तै नरेंद्रौ कुण बोलि बल जरा थ्वड़ा भौत अच्छा दिन मेकुण बि लये सुणन मा आई कि जपानीज अच्छा दिन चीन या कोरिया से बढ़िया क्वालिटी का हून्दन। 

सुषमा स्वराज -आपका हिसाब से अच्छा दिन क्या हून्दन ?

सुंदरा बौ- यां म्यार दिखण से त जब भारत मा लाभ कमाणो अनावश्यक प्रतियोगिता की जगा जनसेवा मा प्रतियोगिता शुरू ह्वे जावो तो अच्छा दिन बुले जाल। 

नूरजहाँ  काकिन बि नजमा हुतुल्ला  से ब्वाल बल ये खाला ! जरा अच्छा दिन अफु अफीकुण ना  हमकुण बि मगै दे। 

नजमा हुतुल्ला- अच्छा दिन से क्या मतबल ?

नूरजहाँ -निर्माण मा अनावश्यक वेस्टेज नि हो तो वो मेकुण अच्छा दिन छन। 

परमीत कौर किलै पैथर रौंदी।  परमीत कौर बि  अच्छा दिन  वास्ता गुण्छ लग गे। हरसिमरत कौरन पूछ कि अच्छा दिन से क्या मतबल ?

परमीत कौर- भै जब  वातावरण शुद्धि अर विकास आपस मा युद्ध ना एक हैंक तैं सहयोग द्यावन तो  ही अच्छा दिन आला। 

मिसेज डिसूजा न रैबार भेज कि जब उद्यमी तकनीक हथ्याणो बान प्रतियोगिता करण छोड़िक गरीबी हटाणो प्रतियोगिता कारन तो ही भारत का वास्ता अच्छा दिन ह्वाल। 

यी सौब रैबार अमित शाह का द्वारा जब नरेंद्र मोदी मा पौंछिन तो नरेंद्र मोदी कुछ देरौ कुण अचेत ह्वे गेन। 

होश मा आणो उपरान्त नरेंद्र मोदीक मुख बिटेन शब्द निकळेन - इंडिया कु कुछ नि ह्वै सकुद।  जापान पूंजीवाद कु सबसे बड़ी खदान च अर हम भारतीय जपान से पूंजीवाद विरोधी चकमक पत्थर की आस लगौला तो कनकै अच्छा दिन आला ? 

Copyright@  Bhishma Kukreti  31  /8/ 2014       
*लेख में  घटनाएँ , स्थान व नाम काल्पनिक हैं । 

  
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar;