कंगुलुं (कंघियों ) प्रदर्शनी

Best  Harmless Garhwali Humor  on Comb Exhibition by Bald Man , Garhwali Comedy Skits on Comb Exhibition by Bald Man , Satire, Wit, Sarcasm , Garhwali Skits , Garhwali Vyangya , Garhwali Hasya on Comb Exhibition by Bald Man 

                             कंगुलुं (कंघियों ) प्रदर्शनी

                            नंगमुंड्या चबोड़्या ::: भीष्म कुकरेती 

                 प्रेम की प्रदर्शनी नि हूंद , प्रेम अनुभव करे जांद या प्रेम कु अनुभव कराये जांद किन्तु घमंड बगैर प्रदर्शनी का विधवा जन रै जांद।  जौंक बाळ हुण्डं ऊ जवानी से जादा बुढ़ापा मा अपण बाळुं प्रदर्शनी करदन अर केशप्रदर्शनी मामला मा  स्त्री , पुरुष , शिखंडियूं मा कुछ बि फरक नी च याने जैमा बाळ छन उ प्रदर्शनी लगांद जन कि अबि फ़रवरी २०१५ मा नितीश कुमार मा विधायक छया तो नितीश कुमारन बिहार का विधायकुं प्रदर्शनी पटना मा रजभवन मा बि लगाइ , दिल्ली मा राष्ट्रपति भवन मा बि लगाइ तो पत्रकारुं समिण बि लगाइ।  जैमा जु चीज च उ वांक प्रदर्शनी लगांद।

 जौमा बाळ छन उ त प्रदर्शनी लगाणम पुळयांद च पर में सरीखा जवानी मा इ नंगमुंड्या नि चैक बि प्रदर्शनी लगाणो लाचार छंवां। मुंड ढको तो प्रदर्शनी कि तै भीष्मौ बाळ नि छन तबि मुंड ढक्युं च अर मुंड नि ढको तो लालकृष्ण आडवाणी बि चिरड़ै सक्दन कि तै भीष्मौ बाळ नि छन। 

          जब मि बाळुं मामला मा   देवानंद छौ याने मुंड मा भरपूर बाळुं ठुपरि छे तो मि अपण किशौन्द तीन कंघी जरूर रखदु छौ। अर हरेक कंगुलौ रंग अलग अलग याने तिरंगी कंगुलों खजाना लेक मि चलदो छौ। तब मि बाळुं दगड़ कंघिउँ प्रदर्शनी बि घमंड से करदो छौ। 

 म्यार हाल बि कॉंग्रेस का जन छन जब तक मीम बाळ छया मीन फिकर नि कार कि मि दिखौं कि मीम बाळ छन।   बाळ अफिक दिखे जांद छया।  जब तक दिल्ली मा कॉंग्रेसक राज छयो तो उ नि बुल्दा छया कि हम क्या करणा छया।  तब हरेक कॉंग्रेसी प्रवक्ता बरडांद छौ या बड़बड़ करदो छौ कि राइट टु इन्फोर्मेसन (RTI ) से पता लगै ल्यावो कि हम दिल्ली मा क्या करणा छंवां।  अब जब दिल्ली विधानसभा मा कॉंग्रेसम एक बि विधायक नि छन तो कॉंग्रेसी हरेक टीवी चॅनेल मा बिना पुछ्यां बड़बड़ करणा रौंदन कि हमन दिल्ली मा क्या क्या कार यद्यपि गंदी यमुना अपण हिसाब से गंदगी की प्रदर्शनी अलग से करणी रौंदि।  

म्यार बि हाल कॉंग्रेस जन हुयुं च अब मीम बाळ नि छन तो जु म्यार ड्यार आंद मि वै तैं बगैर पुछ्यां बताणु रौंद कि मीम बि बाळुं बुसुड़ छौ।  म्यार जाण पछ्याणक वाळुंन त आण इ बंद कर याल।  कथगा दै तुम बाळ याने केशरमायण सुण सकदां ?

मीम जवानी मा बाळ च्या यु दिखाणो द्वीइ प्रमाण छन एक तो पुराणी फोटो या मीम सौएक कंगुल /कंघी /वेणिवेधनी /केशमार्जक /Combs ! फोटो तो फेड ह्वे गेन पर वेणिवेधनी बच्यां छन तो मि जु मि म्यार ड्यारम आवो ना कि मि अपन केशवधन्यूं संग्राहलय दिखाण लग जांदु।  जु जैमा ह्वाल वु वी दिखाल।  तुमम बाळ छन तो तुम बाळ दिखौंदा मीम सो से अधिक केशमार्जक छन तो मि यूं तैं दिखान्द। 

सबसे पैल तो मि लोगुं तैं सिद्द्वा बादीक बणयूं चार कंगुल दिखांद। भौत सा गढ़वळि बि आश्चर्य करदन कि बादि गढ़वळि ह्वेक बि इथगा क्रियेटिव हूंद छा क्या ? यूँ तैं हमेशा अफु पर अविश्वास ही जि रौंद।  

फिर मि एक ब्रश नुमा कंघी दिखांदु जु बाळ बणाणो काम बि आंद छौ तो ऊनी कोट पैंट साफ़ करणो काम बि आंद छौ।  म्यार बच्चा बि तून /ताना दींदन कि क्या गरीबी छे पैल कि एकि चीज से बाळ बि बणये जांद छौ अर कपड़ा बि साफ़ करे जांद छौ।  भलो च कि मीम वु ज्न्ज्ञा नी बच्युं च जैपर टल्ल्युं पर इ दस टल्ली लगीं छे अर कच्छा कच्छा नि रै गे छौ सिरवणि /तकिया बणि गे छौ।  जँज्ञा पुल्लिंग से स्त्रीलिंग बण गे छौ।

इनि भौत सा कंघ्युँ जन कि रैट टेल , वाइड टूल , टीजिंग कॉम्ब , पिक्स कौंब , लिटजीसियल कॉम्ब अर  रोलर -वेंट -पैडल ब्रश आदि तैं दिखाणो बाद सबसे अंत मा एक मेटालिक याने धातु की बणी कंघी दिखांदु जु मि पेरिस बटें लै छौ।  यीं कंघिक खासियत या च कि या कि बाळ बणाणो अलावा माउथ ऑर्गन स्टाइल मा तुम ध्वनि निकाळ सकदां। 

पैल मि ये पर "म्यारो गढ़वाळ  कनु भग्यान , क्याळा -कुळै कु छन बग्वान " गीत  निकाळ दींदु छौ पर अब कथगा बि कोशिस करदो पर ई गीत की ध्वनि निकळदी -

"ये ज्योरू ये ज्योरू मिन  दिल्ली जाण , होटल कि रुटि उखि खाण।"

अर यदि भौत जोर लगाइ त ये गीतक ध्वनि निकळदि -

"मेको पाड़ा नि दीण पिताजी उख पाड़ि लोग खराब हुंदन , पाड़ी लोग फाणु मा बाड़ी खांदन "

5/3/15 ,Copyright@ Bhishma Kukreti , Mumbai India 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

 Best of Garhwali Humor in Garhwali Language on Comb Exhibition by Bald Man ; Best of Himalayan Satire in Garhwali Language on Comb Exhibition by Bald Man ; Best of  Uttarakhandi Wit in Garhwali Language on Comb Exhibition by Bald Man ; Best of  North Indian Spoof in Garhwali Language on Comb Exhibition by Bald Man ; Best of  Regional Language Lampoon in Garhwali Language on Comb Exhibition by Bald Man ; Best of  Ridicule in Garhwali Language on Comb Exhibition by Bald Man  ; Best of  Mockery in Garhwali Language on Comb Exhibition by Bald Man ; Best of  Send-up in Garhwali Language  on Comb Exhibition by Bald Man ; Best of  Disdain in Garhwali Language on Comb Exhibition by Bald Man ; Best of  Hilarity in Garhwali Language on Comb Exhibition by Bald Man  ; Best of  Cheerfulness in Garhwali Language on Comb Exhibition by Bald Man ;  Best of Garhwali Humor in Garhwali Language from Pauri Garhwal  on Comb Exhibition by Bald Man ; Best of Himalayan Satire in Garhwali Language from Rudraprayag Garhwal on Comb Exhibition by Bald Man ; Best of Uttarakhandi Wit in Garhwali Language from Chamoli Garhwal  on Comb Exhibition by Bald Man ; Best of North Indian Spoof in Garhwali Language from Tehri Garhwal  on Comb Exhibition by Bald Man ; Best of Regional Language Lampoon in Garhwali Language from Uttarkashi Garhwal  on Comb Exhibition by Bald Man ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar  ;

Garhwali Vyangya , Garhwali Hasya,  Garhwali skits; Garhwali short skits, Garhwali Comedy Skits, Humorous Skits in Garhwali, Wit Garhwali Skits