स्वास्थ्य मा अस्वास्थ्यकारी उपनिवेशवाद

Best  Harmless Garhwali Humor  on New Colonization in Health Sector; Garhwali Comedy Skits  on New Colonization in Health Sector; Satire on New Colonization in Health Sector; Wit, Sarcasm , Garhwali Skits , Garhwali Vyangya , Garhwali Hasya on New Colonization in Health Sector

                                       स्वास्थ्य मा अस्वास्थ्यकारी उपनिवेशवाद  

                                          नीमहकीम  अर्थशास्त्री :::  भीष्म कुकरेती 

           कंज्युरजिस्म , नवउपनिवेशवाद  अर ग्लोबलाइजेसन मा प्रजातंत्र की दुहाई दिए जांद पर प्रजातंत्र को मजाक कंज्युरजिस्म , नवउपनिवेशवाद  अर ग्लोबलाइजेसन मा इ उड़ाए जांद जन भारत मा साम्यवादी प्रजातंत्र का छतरा लेक साम्यवाद की स्थापना बान कार्यरत रैन अर अब जब कुछ नि ह्वे सकणु च तो भारतीय साम्यवादी भारत कु सुपिन दिखणा रौंदन ।  

   अचकाल भारत मा नवउपनिवेशवाद अर स्वास्थ्यकारी फासिज्म का  पंजा गाँव गांव तक फैली गे।  

हेल्थ कौन्सियस याने स्वास्थ्य चेतना का नाम पर नवउपनिवेशवादि भौं भौं किस्मौ छल -छद्म -झोल झाल करणा छन। 

अब जरा फ्लेक्स बणाण वाळुं छद्म तो द्याखो परसि मि लूण मा चुनक रुटि खाणु छौ अर दगड़ म दूध बि पीणु छौ तो तबि टेलीविजन बिटेन एक जिन आई अर वैन मी पर जोर की चटकताळ लगांद जोर कैकि ब्वाल -

खबरदार जो इस जहर को खाया तो ! तुम्हारा कोलस्ट्रेल बढ़ जाएगा , इन्सुलिन बढ़ जाएगा , तुम बीमार ह्वे जैल्या !

मीन पूछ -भै त क्या खाण ?

त टीवी बटें धमाकेदार आवाज आयि कि तुम रागी का फ्लेक्स खाओ। 

रागी के फ्लेक्स याने मंडुआ का आटाक , चूनक पड़कुंड या पपड़ी   !

अब ये उपनिवेशवादी सलाहकार तैं कु  बताल कि मि निखालिस चुनक रुटि खाणु छौ, जैपर क्वी रॉयल्टी बि नि दीण पड़न तो वु उपनिवेशवादी भकलाणु च कि आठ सौ गुणा मैंगा पड़कुंड /पपड़ी खा अर अमेरिका तैं फैदा पौंछा बस !

इनि भौत सालुं पैल यूँ वाणिज्य उपनिवेशवाद्यूंन हमर हल्दी , चंदन का मुख पर लेप बंद करैक रसायनी क्रीम लगाणो ब्वाल। तब यूंन बतै छौ कि चन्दन अर हल्दी से मुख पर झाईं पोड़ जांदन अर अब जब भारतीय कंपनियां ये लैक नि रै गेन कि वु हल्दी अर चंदन घोटी सौकन तो यी बहुराष्ट्रीय कंपनियां धै लगैक बुलणा छन अब हमारी क्रीम नया प्राकृतिक रूप मा ऐ गे अब हमर फेस क्रीम मा चंदन बि च , हल्दी बि च अर खनु खरबट त पैलि बिटेन छैं इ च। 

कोलगेटन हमर आयुर्वेदिक दंत मंजन बंद कराणो बान क्या क्या टुटब्याग , क्या क्या प्रपंच नि क्या क्या झूट नि ब्वाल अर क्या क्या अफवाह नि फैलैन अर अब जब भारतीय कंपनियां बांज पड़ि गेन तो  कोलगेट आदि मल्टिनेसनल ब्रैंड  रोज रोज नया नया टोटगा भारतीय उपभोक्ताओं तैं बताणा छन -

क्या आपके टूथपेस्ट में टिमरू है ?

क्या आपके टूथपेस्ट में लौंग है ?

क्या आपके टूथपेस्ट में नमक है ?

अर कुछ साल पैल यूं बहुराष्ट्रीय कम्पन्यूंन निखालिस भारतीय आयुर्वेदिक टूथपेस्ट अर प्रोमिस जन ब्रैनण्डू   तैं चटेलिक गाळी दे छौ कि यी सब हानिकारक छन। 

अच्काल यी बहुराष्ट्रीय कम्पनी स्वास्थ्य का नाम पर भारतीय नमकीन आदि पर जोर से आक्रमण पर लग्यां छन अर भारतीय नमकीन कम्पनी  यूंक व्यापारिक आक्रमण से पस्त ह्वे जाल तो यूंन हमर जन नमकीन बेचिक नफा कमाण।  हमरी जूता हमर इ मुंड पर। 

अब ऑलिव ऑयल भारतीय तेलुं पैथर खुन्करी ना स्वास्थ्य का नाम पर बमगोळा  लेक पैथर पड़्यूं च।  जैदिन भारतीय कंपन्यूँक भट्टा बैठ जाल तब यूँ ऑलिव आयल वाळुंन अपण ब्रैंड पर कड़ु तेल बिचण , तिलुँ तेल बिचण अर बुलण कि हमर तेल मा चरक संहिता का तत्व छन। 

कफ सिरप बणाण वाळुंन हमर सर्दी भगाण वळ पारम्परिक आयुर्वेदिक  क्वाथ थै थीच आल अर अब नया पैक मा वै क्वाथ तैं हजार गुणा दामुं मा बिचणा छन अर मुनाफ़ा अमेरिका पौंछणा छन।  इनि ल्यासण - लहसुन ; आदु -अदरक; सैद -शहद का मिश्रण का साथ हूणु च या त्रिफला चुर्णो दगड़ हूणु च पैल बहुराष्ट्रीय कम्पन्युंन यूँ मिश्रण की हंसी उड़ाई अर अब अफु बणैक नया नाम देकि या चाय पत्ती मा मिलैक हजारों गुणा अधिक मुनाफ़ा कमाणा छन। 

अजकाल स्वास्थ्य का नाम पर नया उपनिवेशवाद से भारतीयों जेब खाली करयाणी च। 

6/3/15 ,Copyright@ Bhishma Kukreti , Mumbai India 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

 Best of Garhwali Humor in Garhwali Language on New Colonization in Health Sector; Best of Himalayan Satire in Garhwali Language on New Colonization in Health Sector; Best of  Uttarakhandi Wit in Garhwali Language on New Colonization in Health Sector; Best of  North Indian Spoof in Garhwali Language on New Colonization in Health Sector; Best of  Regional Language Lampoon in Garhwali Language on New Colonization in Health Sector; Best of  Ridicule in Garhwali Language on New Colonization in Health Sector ; Best of  Mockery in Garhwali Language  on New Colonization in Health Sector; Best of  Send-up in Garhwali Language  on New Colonization in Health Sector; Best of  Disdain in Garhwali Language on New Colonization in Health Sector; Best of  Hilarity in Garhwali Language on New Colonization in Health Sector ; Best of  Cheerfulness in Garhwali Language on New Colonization in Health Sector ;  Best of Garhwali Humor in Garhwali Language from Pauri Garhwal on New Colonization in Health Sector ; Best of Himalayan Satire in Garhwali Language from Rudraprayag Garhwal  on New Colonization in Health Sector; Best of Uttarakhandi Wit in Garhwali Language from Chamoli Garhwal on New Colonization in Health Sector ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  on New Colonization in Health Sector; Best of Hilarity in Garhwali Language from Kotdwara Garhwal on New Colonization in Health Sector; Best of Cheerfulness in Garhwali Language from Haridwar on New Colonization in Health Sector  ;

Garhwali Vyangya , Garhwali Hasya,  Garhwali skits; Garhwali short skits, Garhwali Comedy Skits, Humorous Skits in Garhwali, Wit Garhwali Skits