उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Wednesday, March 4, 2015

मुसीक ब्यौ याने पुनः मूषकः भवः

Best  Harmless Garhwali Humor -A Comedy Drama for Children , Garhwali Comedy Skits-A Comedy Drama for Children , Satire, Wit, Sarcasm , Garhwali Skits , Garhwali Vyangya , Garhwali Hasya - -A Comedy Children Drama  

                    मुसीक ब्यौ याने पुनः मूषकः भवः 

                   बाल  प्रहसन नाटिका संकलन ::: भीष्म कुकरेती 

चरित्र --- मिस्टर मूसू
मिसेज मूसी 
मिस मूसी 
युवा मास्टर मूस
गपोड़ी मूसी -१  
गपोड़ी मूसी -२ 
हवा 
बादल 
सूरज 
दिवाल  
(द्वी गपोड़ी मूसि प्रवेश करदन )
गपोड़ी मूसी -१  - मीन सूण बल मिस्टर मूसु अर मिसेज मूसिक बड़ी बिगरैली बांद च बल !
गपोड़ी मूसी -२- अरे वा संसार मा सबसे खूबसूरत मूसि च।
गपोड़ी मूसी -१  -मीन सूण बल संसारक हरेक चूहा , लुखुंदर वींसे ब्यौ करण चांदु।  ईख तलक कि निदांतु, आंतविहीन  बुड्या मूस बि लाइन मा खड़ा छन? 
गपोड़ी मूसी -२ -हां या बात सै च 
गपोड़ी मूसी -१ - पर दुःख की बात च बल कि वीं बांदक ब्वे बाबुं तैं क्वी बि मूसु पसंद नी च। 
(द्वी स्टेज से भैर जांदन त मिसेज अर मिस्टर मूसु भितर प्रवेश करदन )
मिसेज मूसी -हमर बेटीक दगड़ कु ब्यौ कौरल ? हम कै तैं बि पसंद नि करदवां … कै तैं बि ना … क्वी बि वींक लैक नी च ?
मिस्टर मूसु - हाँ कैकि पूंछ लम्बी च , कैकि ट्याड़ि - बांगी च ; कैक दाँत टूट्यां छन , कैक हाथी जन दांत छन तो क्वी ग्वाळी चिटक जन बरीक त कैक लद्वड़ भैंस जन। हम अपण बेटीक ब्यौ ऐरा -गैरा नत्थू -खैरों दगड़ नि कर सकदां। 
मिसेज मूसी - हमन त अपण बेटीक ब्यौ सबसे शक्तिमानक दगड़ करण। 
मिस्टर मूस - सबसे शक्तिमान त सूरज च। 
(सूरज कु प्रवेश )
मिसेज अर मिस्टर मूस - हे सूर्य ! आप सबसे शक्तिमान छन आप हमर बेटीक दगड़ ब्यौ कारो। 
सूरज - हाँ पर में से अधिक शक्तिमान त बादळ च जु मि तैं बि ढौक दींदु। 
 (बादळ कु प्रवेश अर सूरज ढके जांद )
मिस्टर मूसु - ये बादळ ! हमन त्यार किराण सुण्यूं च।  तू इकुलासौ कारण किरांदी ?
बादळ - न्है ! म्यार किराण से पेड़ पौधों तैं पाणि मिल्दु 
मिसेज मूसी -तुम सबसे शक्तिमान छंवां।  तू हे मेरी बेटीक पति लैक छे। 
मिस्टर मूसु -ये संसारमा वा सबसे सुंदर मूसी च। 
बादळ -ना मि सबसे शक्तिमान नि छौं।  हवा में से शक्तिमान च। 
मिस्टर मूसु - हव्वा ?
बादळ - हाँ जब हवा जोर से चलद तो जोर की आवाज आंद अर मि तैं उड़ैक लीजांद।  ये ले हवाक जोर की आवाज आणि च। 
(जोर की हवा क प्रवेश हूंद अर बादळ उड़िक भैर ह्वे जांद )
मिसेज मूसी - रुको रुको !हवा रुको
हवा - मि जल्दी मा छौं।  जू बि बुलणाइ चौड़ ब्वालो !  
मिस्टर मूसु -मेरी बेटी सबसे सुंदर च अर तू सबसे शक्तिमान छे 
मिसेज मूसी - तो तुम हमर  बेटीक दगड शादी कारो। 
हवा - में से अधिक शक्तिशाली दिवाल च। 
मिसेज मूसी -मिस्टर मूसु -दिवाल ?
हवा - हाँ दिवाल।  दिवाल मि तैं रोकि दींदि। मि तैं छिरण नि दींदी 
(हव्वा जोर की आवाज करिक फर फर चल जांद )
मिसेज मूसी - हम तैं दिवाल से बात करण चयेंद। 
मिस्टर मूसु -हाँ चल।  हम तैं वैक पास जाण चयेंद 
(द्वी उठ्दन अर चलदन )
मिसेज मूसी - मिस्टर दिवाल ! मिस्टर दिवाल !
मिस्टर मूसु -मि तैं लगणु च दिवाल बुड्या ह्वे गे तो बैरा बि ह्वे गे।
मिसेज मूसी -मिस्टर  मूसु -दीवाल ! दिवाल !
दिवाल - को च ? क्या च ?
मिसेज मूसी - क्या तुम संसार की सबसे खूबसूरत से ब्यौ करिल्या ?
दिवाल - या बात गलत च।  मि बुड्या ह्वे ग्यों।  खपचै ग्यों !
मिस्टर मूसु -नै नै ! हम अपण बेटीक ब्यौ तुमसे करण चांदा 
दिवाल - ह्यां किलै ?
मिसेज मूसी - किलै कि तुम सबसे तागतवर छंवां !
दिवाल - हाहा हा हा ! मि अर सबसे तागतवर ? में पर यी दुंळ दीखणा छंवां ? 
मिस्टर - तू तागतवर नि छे ?
दिवाल -ना , में पर यि दुंळ जैन करिन वु में से सबसे बड़ो तागतवर च। 
द्वी - को च वु ?
दिवाल - युवा , ऊर्जावान , तेजयुक्त मास्टर मूसु ! एनी मेपर इथगा दुंळ कर्याँ छन। 
( युवा   मूसक प्रवेश )
मिसेज मूसी -मिस्टर मूसु (द्वी शरमाँदन )   - यू ?
युवा मूस -तुम दुनिया का सबसे सुंदर मूसिक ब्वे बाब छंवां अर हम द्वी एक दुसर से भेअंत प्यार करदां।  हम द्वी ब्यौ करण चांदा। 
मिसेज मूसी -मिस्टर मूसु- हाँ पर तुमन ब्यौ बाद कख रौण ? क्वी ठौर ठिकाणो ?
युवा मूस - सीं दिवाल पर म्यार दसियों घौर बणेयां छन।  पचीस बच्चा बि होला तो बि घर कम नि पोड़ला। 
मिसेज मूसी -मिस्टर मूसु- ठीक च तो शादी पक्की। किलै कि तू ही सबसे तागतवर छे। 
गपोड़ी मूसी १ -गपोड़ी मूसी - वधाई हो , वधाई हो ! शादी मा मांगळ लगाणो हम इ औंला हां ! अर हाँ न्यूत भिजण नि बिसरेन हाँ !
(बैकग्रौंड माँ ढोल दमौ , मुसकबाज बजणै आवाज अर मांगळ 
दैण ह्वेन खोळी का गणेशा ! 
दैण ह्वेन खोळी का गणेशा !


** एक प्रसिद्ध लोककथा  पर आधारित 
28/2/15 ,Copyright@ Bhishma Kukreti , Mumbai India 
*लेख की   घटनाएँ ,  स्थान व नाम काल्पनिक हैं । लेख में  कथाएँ चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor in Garhwali Language -A Comedy Drama for Children Best of Himalayan Satire in Garhwali Language -A Comedy Drama for Children  Best of  Uttarakhandi Wit in Garhwali Language ; Best of  North Indian Spoof in Garhwali Language -A Comedy Drama for Children ; Best of  Regional Language Lampoon in Garhwali Language -A Comedy Drama for Children ; Best of  Ridicule in Garhwali Language -A Comedy Children Drama  ; Best of  Mockery in Garhwali Language  -A Comedy Children Drama  ; Best of  Send-up in Garhwali Language  -A Comedy Children Drama ; Best of  Disdain in Garhwali Language- a Comedy Kid Stage Play  ; Best of  Hilarity in Garhwali Language a Comedy Kid Stage Play   ; Best of  Cheerfulness in Garhwali Language  ;  Best of Garhwali Humor in Garhwali Language from Pauri Garhwal  ; Best of Himalayan Satire in Garhwali Language from Rudraprayag Garhwal  ; Best of Uttarakhandi Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal a Comedy Kid Stage Play  ; Best of Regional Language Lampoon in Garhwali Language from Uttarkashi Garhwal  a Comedy Kid Stage Play  ; Best of Ridicule in Garhwali Language from Bhabhar Garhwala Comedy Kid Stage Play  ; Best of Mockery  in Garhwali Language from Lansdowne Garhwal a Comedy Kid Stage Play  ; Best of Hilarity in Garhwali Language from Kotdwara Garhwal  a Comedy Kid Stage Play  ; Best of Cheerfulness in Garhwali Language from Haridwar a Comedy Kid Stage Play  ;
Garhwali Vyangya a Comedy Kid Stage Play  , Garhwali Hasya a Comedy Kid Stage Play a Comedy Kid Stage Play  ,  Garhwali skits a Comedy Kid Stage Play  ; Garhwali short skits a Comedy Kid Stage Play  a Comedy Kid Stage Play  , Garhwali Comedy Skits a Comedy Kid Stage Play  , Humorous Skits in Garhwali, Wit Garhwali Skitsa Comedy Kid Stage Play  

No comments:

Post a Comment

आपका बहुत बहुत धन्यवाद
Thanks for your comments