यूँ तो कई कॉंग्रेसी बेरोजगार हैं फिर भी राज बब्बर सांसद हैं

Best  Harmless Garhwali Humor   , Garhwali Comedy Skits  , Satire, Wit , Sarcasm  , Garhwali Skits  , Garhwali Vyangya  , Garhwali Hasya 

             यूँ तो कई कॉंग्रेसी  बेरोजगार हैं फिर भी राज बब्बर सांसद हैं 

                     चबोड़्या , चखन्यौर्या , हंसोड्या - भीष्म कुकरेती 

                       

 ब्याळि गाँमा स्कूलम मास्टर जीक मूड ठीक नि छौ। हूणि छौ कोटद्वाराम मकानक किरायेदार भाड़ा कम करणों  बान तकरार करणु छौ। अर देहरादून मा बच्चा स्कूलम छन तो उख मकानमालिक किराया बढ़ाणो बान मा -बैणि गाळि  दीण पर अयुं छौ। त मास्टर जीन सब बच्चों तैं उत्तराखंड का नवनिर्बाचित राजयसभा सासंद राज बब्बर पर निबंध लिखणो दे द्याई।  चूँकि मास्टर जीक मूड ठीक नि छौ तो सब बच्चोंन एकाक लिख्युं निबंधक नकल करिक मास्टर जी तै बथै दे।  मास्टर जी बि खुस , बच्चा बि खुस , स्कूलक भोजनमाता बि खुस। 

राज बब्बर पर निबंध इन छौ -

यूँ तो भारत एक कृषिप्रधान देस च पर दाळ त आयात हि करण पड़द ना !

यूँ तो भारत एक प्याज उत्पादक देस च पर फिर बि नासिक  महाराष्ट्र बटे प्याज निर्यात करिक कृषिप्रधान भारत प्याज आयात करद अर पाकिस्तान से आयात करद। 

यूँ तो भारत एक कपास उत्पादक देस च  फिर बि अच्छी गुणवत्ता का कपड़ा आयात करण इ पड़दन। 

यूँ तो भारत मा आतंकवाद्यूं कमि नि हूण चयेंद फिर बि हम तै पाकिस्तान से आतंकवादी आयात करण पोड़दन। 

यूँ तो उत्तराखंड का पहाड़ कृषिप्रधान क्षेत्र च फिर बि पहाड्यूं तैं लुब्या कुण कश्मीर पर अर पहाड़ी तोर , उड़द आदि कुण हिमाचल प्रदेश पर निर्भर करण इ पड़द। 

यूँ तो उत्तराखंड राजनीतिक नेताओं तै पैदा करणो वास्ता एक उर्बरक क्षेत्र च जन उत्तर प्रदेश अर बिहार छन फिर बि सन 1977 मा  पिथौरागढ़ संसदीय सीटो बान जनसंघ याने जनता पार्टी तै डा मुरली मनोहर जोशी तै इलाहाबाद से इम्पोर्ट करण पोड़। 

देहरादून मा जब जनसंख्या सेन्सस कु प्रकाशन हूंद त गढ़वळि पुळेद छा  कि देहरादून माँ  गढ़वळयूँ संख्या अधिक च पर शायद एक द्वी दैं छोड़ि द्यावो तो देहरादून का विधायक गैर गढ़वळि ही हूंद। 

बुलणो त इन बुले जांद अर सुचे बि जांद बल डीएवी कॉलेजम गढ़वळयूँ बहुमत च पर नब्बे का दशक तक डीएवी कॉलेज स्टूडेंट यूनियनों नेता गढ़वळि नि हूंद छा  उदाहरण नेपाली मूल का नेता हीरा सिंह बिष्ट बि  च। जु बिष्ट का नाम से डीएवी कॉलेज मा चुनाव जितद छौ अर फिर डोईवाला आदि सीट पर विधायकौ चुनाव लड़द । 

टिहरिका का हर डाळ  -साक पर घरेलू  राजनीतिक उल्लू बैठ्याँ छन पर फिर बि कॉंग्रेस तै सांसद बणाणो बान  विजय बहुगुणा तै इम्पोर्ट करण पोड।  अर अब टिर्याळु की चौड़ी -चकळी छाती पर मूंग दळनो बान साकेत बहुगुणा तैं इम्पोर्ट करे गे।  दिखे जा तो वर्तमान भाजपा सांसद राजलक्ष्मी बि सुपर इम्पोर्टेड अर एक्स्ट्राऑर्डिनरी इम्पोज्ड सांसद च। 

यूँ तो भाजपा जब बि विरोधी पक्ष मा हुंदी त छुटि सि बात का बतंगड़ बणानम तुरमखाँ च पर जब कॉंग्रेसन राज बब्बर तै राज्यसभा का वास्ता पता नि कख बिटेन इम्पोर्ट कार धौं तो भाजपा वळु गिच्च पर म्वाळ लग गे छौ किलैकि भाजपान तो मुख्यंत्री तक इम्पोर्ट करेन अब नित्यानंद स्वामी यद्यपि इम्पोर्टेड नि छौ अर विजय बहुगुणा तरां बि नि छौ पर बहुसंख्यकुं मादे तो नि छौ ना ! अर फिर पता नि सुषमा स्वराज , विजय आदि कै हिसाब से पहाड़ी माने गेन धौं ?

जब उत्तराखंड मा इथगा नदी हूणो बाद बि पाणीक  कमी हूंद तो अवश्य ही इथगा कॉंग्रेसी नेताऊँ बेरोजगार  हूणों बाद बि राज बब्बर तै राज्यसभा मा भिजण सोनिया गांधी तै अटपटो नि लग होलु किलैकि जब इटली मा जनम लीण वळि कॉंग्रेस अध्यक्ष बण सकद तो राज बब्बर इंडियन ह्वेक उत्तराखंडौ पार्लियमेंट्रियन तो ह्वेइ सकद च कि ना ? 

24/3/15 ,Copyright@ Bhishma Kukreti , Mumbai India 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

 Best of Garhwali Humor in Garhwali Language ; Best of Himalayan Satire in Garhwali Language ; Best of  Uttarakhandi Wit in Garhwali Language ; Best of  North Indian Spoof in Garhwali Language ; Best of  Regional Language Lampoon in Garhwali Language ; Best of  Ridicule in Garhwali Language  ; Best of  Mockery in Garhwali Language  ; Best of  Send-up in Garhwali Language  ; Best of  Disdain in Garhwali Language ; Best of  Hilarity in Garhwali Language  ; Best of  Cheerfulness in Garhwali Language  ;  Best of Garhwali Humor in Garhwali Language from Pauri Garhwal  ; Best of Himalayan Satire in Garhwali Language from Rudraprayag Garhwal  ; Best of Uttarakhandi Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar  ;

Garhwali Vyangya , Garhwali Hasya,  Garhwali skits; Garhwali short skits, Garhwali Comedy Skits, Humorous Skits in Garhwali, Wit Garhwali Skits